خوینا شەهیدێن قەلادزێ کاروانێ بهر ب ئازادیێ ڤه لهزتر کر
نێچرڤان بارزانی سهرۆکێ هەرێما كوردستانێ د داخویانیەكێ دا قوربانیێن بۆمبهبارانکرنا قهلادزێ و زانینگهها سلێمانییێ ب بیر تینت و وێ تاوانا هۆڤانە یا حكومەتا بەغدایێ یا وێ دەمێ وەك ههولدانهکا بێئهنجام ژ بۆ تێکبرنا ئیرادهیا گهلێ کوردستانێ ب. ناڤ. دكە و دبێژە: لێ بهلێ خوینا شههیدان بوو هێزهکا زێدەتر ژ بۆ تهڤگهرا ڕزگاریخوازیا کوردستانێ و کاروانێ بهر ب ئازادیێ ڤه لهزتر کر
تێكستا داخویانییێ
ئیرۆ ب ڕێز و حورمهت ئەم ٥۲ سالیا قوربانیێن بۆمبهبارانکرنا قهلادزێ و زانینگهها سلێمانییێ ب بیر تینن. ئهو تاوانهک بوو کو د ۲٤ێ نیسانا ۱۹۷٤ێ دا ژ ئالیێ رژیما وێ دهمێ یا ئیراقێ ڤه هاتبوو کرن، کو تێ دا ب دههان خوهندهکار، مامۆستا و وهلاتیێن بێتاوان شههید و بریندار بوون.
ئارمانجکرنا زانینگههێ وهک ناڤهندهکا زانستی و باژارێ قهلادزێ ژی وهک ناڤهندهکا وهلاتپارێزیێ، ههولدانهکا بێئهنجام بوو ژ ئالیێ رژیمێ ڤه ژ بۆ تێکبرنا ئیرادهیا گهلێ کوردستانێ. لێ بهلێ خوینا شههیدان بوو هێزهکا زێدەتر ژ بۆ تهڤگهرا ڕزگاریخوازیا کوردستانێ و کاروانێ بهر ب ئازادیێ ڤه لهزتر کر.
د ڤێ بیرانینێ دا، ئهم سهرێ ڕێز و حورمهتێ ژ بۆ گیانێ پاک یێ شههیدان دچەمینن و سلاڤان بۆ مالباتێن وان یێن سهربلند دشینن. ئهم دوباره دکن کو قهلادزێ و پشدهر، کو ههر دهم کهلهههکا مۆكم یا شۆرهش و جانگۆریێ بوونه، د ههر واری دا هێژایی باشترین گرینگیپێدان و نرخاندنهکه جدی نه.
سلاڤ ل گیانێ پاک یێ شههیدێن قهلادزێ و تهڤاهیا شههیدێن کوردستانێ، بیرانینا وان ههر دهم ب خێر به.
نێچیرڤان بارزانی
سهرۆکێ ههرێما کوردستانێ
۲٤.۰٤.۲۰۲٦