ئهز وهکه نڤیسکار و ڕهوشهنبیرهکێ کورد گازی و هاوارا خوه دگەهینم وه کو پشتی بوویهر و کریار و فرۆتنا کهرکوکێ ژ نوو دا، پێشی ل بافل و ههموو جهلالییان نهیێ گرتنێ، ئیرۆ کهرکوکه، سبێ دهۆک و ههولێره و پاشی ژی سلێمانیێ و هەموو کوردستانه کو دێ ڕادهستێ داگرکهرێن مه بکه. بافل ب ههش و ئاقلێ خوه نه یهکی تهمامه. ژ خوه چ تێ سهرێ کوردان، ژ بهر سهرۆک و ڕێبهرێن ئاقلێن وان نه تهمام و ڕشما وان د دهستێ داگرکهران دا نه.
بافل نه مرۆڤهکی ب هێش و ب ئاقله. لۆما پر ڕهههت دکاره بێ کرین و فرۆتن. دهردێ وی نه کوردستانه. ئارمانج و ههدهفا وی تهنها تێکبرنا بارزانیانه. ژێ و پێڤه چو ئارمانجهکا وی یا دن نینە.
ب ڤان بوویهر و کریارێن خوه نه تهنێ ئهو ل ههمبهر بارزانیان تهڤدگره، ئهو گاڤ ب گاڤ کوردستانێ ڕادهستی داگرکهرێن مه دکه.
ئهو کوردستانا کو ب خوینا جانگۆریێن کوردستانیان، ب ڕێ و ڕێبازێن نهتهوهیی، ب بهرخوهدان و ڕێنیشاندانا بارزانیان، ب فهدهکاریا پێشمێرگهیێن قههرهمان کو هاتیه ئازادکرنێ، وێ بافل تهڤی ژ بۆنا تۆلهلدانا باڤ و باپیرێ خوه ئیبراهیم ئهحمهد، بفرۆشه. ئارمانج ژ ڤێ ژی تهنها بارزانینه کو نه ب دلێ جهلالیانه کو بارزانی ههبن…
ئهز گازی و هاوارا خوه دگەهینم کهس و کهسایهتیێن کوردپهروهر یێن د ناڤا یەنەکێ دانە. ههگهر هوون وهها بێدهنگ بمینن، نه تهنێ بارزانی، وێ ههموو کورد وهندا بکن. ئهڤ ئازادی و ڕهحهتیا کهتیه دهستێن کوردستانیان دێ ژ دهست مە هەموویان بچە.
ئیرۆ سینۆرێن نوو تێنه دانین. ئیرۆ وهلاتێن نوو تێنه دامهزراندن. ئیرۆ داگیرکهرێن کو ئهڤ سهرێ سهد سالانه کو خوینا کوردان دمێژن، تێنه هلوهشاندنێ، جهێ کێفخوهشیا کوردانه. لێ مخابن ئهم ههموو کورد و ب تایبهتی ئهندام و سهرکردهیێن یەنەکێ ههگهر ل ههمبهر تاوانێن بافلێ خوه ڕادهستی داگیرکهرێن مه کری، بێ دهنگ و بێ ههلوهست بمینن کوردستان ژ دهست مه تهڤان دچە. یێن وێ وهندا بکن دێ ههموو کوردێن جهانێ بن.
کوردنۆ و ب تایبهتێ کوردێن مه یێن سلێمانیێ، ههگهر هوون ناخوازن وهکه بهری ئازادیا وهلاتێ خوه بژین، دڤێ هوون ژی ب پرۆتهستۆیێن خوه ڤان کریار و بوویهرێن کو بافل دخوازت کوردستانێ ڕادهستێ داگیرکهران بکه، بێدهنگ نهمینن.
دهردێ بافل ئهوه کو بارزانیان ژ هۆلێ راکە، لێ ئەو نکاره ڤێ بکه. د وارێ فرۆتنا کوردستانێ دا ههگهر وهلاتپارێزن ناڤا یەنەکێ و ههموو گهلێ مه یێ ل سلێمانیێ وهها بێدهنگ بن، دکارن بێ وهلات بمینن.
بێ وهلاتی، ژیانهک کۆلهتی و ڕهزیلی یه. لۆما ژی بهری ههرکهسان دڤێ هوون ڕوونشتڤانێن ل باژارێ قهدیم یێن سلێمانیێ و کادرێن ناڤا یەنەکێ یێن وهلاتپارێز، ئێدی ڕابن سهر لنگان و ل ههمبهر فرۆتنا کوردستانێ کو ل سهر دهستێ بافل پێک تێ، بێدهنگ نهمینن.
ئهز گازی و هاوار خوه دگەهینم ڕێزدار سهرۆک مهسعود بارزانی کو دڤێ جهنابی وی ل ههمبهر ڤان تاوان، کریار و بوویهرێن بافل بێ دهنگ نهمینه. چ د قادا ناڤنهتهوهیی دا و چ ژی د قادا کوردستانێ دا ژ بۆنا ڤان تاوانێن بافل یا فرۆتنا کوردستانێ بێ ڕاوهستاندن، بێ ههلوهست نهمینه.
گازی و هاوارا خوه دگەهینم سهرۆکێ ههرێما کوردستان ڕێزدار نێچیرڤان بارزانی کو دڤێ ئهو ب جڤین، کۆنفهرانس و ب سایا ههولدان و دیپلۆماسیا خوه ل ههمبهر ڤان تاوانێن بافل چ د قادا ناڤنهتهوهیی دا و چ ژی د قادا کوردستانێ دا، بێ دهنگ و ههلوهست نهمینه.
هاوار و گازیا من ژ بۆنا سهرۆکوهزیرێ کوردستانێ ڕێزدار مهسرور بارزانی ئهوه کو جهنابی وی ژی ل گهل هێزێن پێشمێرگه، ل گهل ڕێ و ڕێبازێن ل ههڤکرنهک مسۆگهر، موداخهلهیی ڤان تاوانێن بافل بکه و بێ دهنگ نهمینه.
بێدەنگیا مللەتێ کورد، ب تایبەت خەلکێ سلێمانیێ، دێ ببە ئەگەرێ هندێ کو پشتی کەرکووکێ، دهۆک و هەولێر و سلێمانی ژی بهێن فرپتن. دەرێ بافل و تاقما وی نەک کوردستانە، بەلکو تەنێ کۆمکرنا پارەیە، و داگیرکەر ژی ب ڕەحەتی ڤی پارەی ددەنێ دا کو کوردستانێ پارچە بکەن
کوردنۆ! بافل تالەبانی یاریەکا مەترسیدار دکە. بێدەنگیا سەرکردێن باشوور و گەلێ کورد دێ ببە ئەگەرێ ژناڤچوونا کوردستانا ئازاد. ڕابن و بێژن: ئێدی بەسە!
