سەرۆکێ ئەمریکایێ دۆنالد ترەمپ و جیگرێ خوە د جڤینەکە ل کۆشکا سپی رۆژا ٢٨\٢\٢٠٢٥ێ زیلینسکی سەرۆکێ ئوکراینایێ ب نانکۆر و بێحورمه‌تیێ تاوانبار کرن. گۆتنێن توند ل به‌ر کامه‌رایێن ته‌له‌ڤیزیۆنێ ل دژی هەڤ گۆتین.
پشتی ڤێ یه‌کێ سه‌رۆک ترەمپ ژی ده‌نگێ خوه ل دژی زیلینسکی بلند کر و وی زیلینسکی ب وێ یەکێ تاوانبار کر کو ب جانێ مرۆڤان دلیزە و رێ ل پێشیا شه‌رێ جیهانێ یێ سێیه‌مین خوەش دکە.
زیلینسکی بێ ئه‌نجام هه‌ول دا کو کریارێن ڕووسیایێ یێن ل دژی ئوکراینایێ ژ ده‌ما داگیرکرنا کریمێ د سالا ۲۰۱٤ئان دا ژ سەرۆک ترەمپ و جیگرێ وی را ڕاڤه بکه، لێ ترەمپ ته‌که‌ز کر کو ئوکراینا بێی چەکێ ئەمریکایێ نکارە دو هه‌فته‌یان ل هەمبەر رووسیایێ لبەرخوە بدە.
ترەمپ گۆت:” دڤێ هوون پتر سپاسدار بن. چو کارتێن ته نینن. لێ ئەگەر هوون ب مە را بن دێ کارتێن وە هەبن کو هوون پێ بلەیزن. لێ بێی مە هوون ناکرن دو هەفتینان ل هەمبەر رووسیایێ خوە راگرن.”
پشتی ڤێ جڤینا شەردەڤێ گەلەک رێیاکسیۆن دەرکەتن هۆلێ، هەما بێژە هەموو سەرۆک و بەرپرسێن یەکێتییا ئەورۆپایێ پشتەڤانییا خوە ژ بۆ زیلینسکی سەرۆکێ ئۆکراینایێ نیشان دا و تەڤان د داخیانیێن خوە دا دیار کر کو رووسیا دەست ب شەرێ دژی ئۆکراینا کریە و رووسیا د ڤێ ناڤبەینێ دا تاوانبارە.
ئەڤ شەرەدەڤێ د ڤێ جڤینێ دا قەومی تشتەک نوو بو د دپلۆماسی و ئەتیکێتا پرۆرۆکۆلیێ دا، ب تایبەتی ژی بۆ دەولەتەکا زلهێز وەکە ئەمریکایێ.
ئەو رێکەفتنا قەول بوو د ناڤبەرا هەر دو ئالیان دا د ڤێ جڤینێ دا بهێتە ئیمزا کر، ژ بەر وی شەرەدەڤێ د جڤینێ دا چێبووی، ترەمپ جڤین ب داوی ئانی و ئەو رێکەفتن نەهات ئیمزا کرن کو ل گۆر وێ رێکەفتنێ ئەمریکا کانزایێن ناڤ عەردێ ئوکراینایێ بەرامبەر مەسەرەفێ ل جەنگێ دژی رووسیایێ کری، ژی خوە را ببە
