سه‌رۆکێ مەهەپێ یێ نیژادپه‌ره‌ست ده‌وله‌ت باهچه‌لی د مه‌ها جۆتمه‌هێ دا د مه‌جلیسێ دا دیار کر کو دڤێ سه‌رۆکێ پەکەکێ ئۆجەلان بێ قه‌ید و شه‌رت دیار بکه کو پەکەکێ دەست ژ چه‌ک به‌رده و خوه ژ هۆلێ ڕاکه.
پشتی ڤێ داخوویانیێ گه‌نگه‌شیان ده‌ست پێ کر.
به‌شه‌ک ژ کوردان گۆتن کو ئۆجەلان ڤێ یه‌کێ ناکه.
به‌شه‌ک ژ کوردان و من ژی ، دیار کر کو ئۆجەلان دێ ڤێ داخوازا باهچه‌لی جیبجی بکه.
من دو ئەگەر نیشان ددان.
یه‌که‌م: پەکەکە ب ده‌ستێ ده‌وله‌تا ترک ئاڤا ببوو، ئۆجەلان د ده‌ستپێکێ دا هه‌ڤالێ ده‌وله‌تێ بوو. ئۆجەلان پشت را ژی (پشتی ۲۳ سالان) ب ده‌وله‌ت و حکومه‌تێ را کار دکه.
دویه‌م: هه‌گه‌ر ب ئۆجەلان را دانووستاندن و ل هه‌ڤکرنه‌ک نه‌به، باهچه‌لی نه‌دکاری ڤێ داخوویانیێ پێشکه‌ش بکه.
د ئه‌نجامێ دا ده‌رکه‌ت هۆلێ کو باهچه‌لی به‌رهه‌وا و بێ واته و بێ ئاگاهداریا ئۆجەلان ئه‌ڤ داخوویانی پێشکێشی ڕایا گشتی یا کورد و ترک نه‌کریه.
د ئه‌نجامێ دا ده‌ما کو شاندا ڕێخستنا پەکەکێ یا له‌گال/ڤه‌کری ده‌م پارتییێ سه‌ریلێدانا چوونا جه‌م ئۆجالان کر، ڕاستی ده‌رکه‌ت هۆلێ کو باهچه‌لی ب زانیاریا دو ته‌ره‌فه‌ن داخوویانی دایه.
——-
پشتی کو شاندا ده‌م پارتییێ چوو جه‌م ئۆجەلان ژی گه‌نگه‌شەیا کو ئۆجەلان دێ چ ببێژه ده‌ست پێ کر. دیسا د ڤر دا گه‌نگه‌شی و مناقه‌شه‌یا کو ئۆجەلان ئه‌ڤ داخوازا باهچه‌لی پێک بینه، ئان نا، بوو مژاره‌کا گرینگ.
به‌شه‌ک ژ کوردان دگۆت کو ئۆجەلان دێ چه‌کبه‌ردانێ و ژ هۆلێرابوونا پەکەکێ گرێدایی شه‌رتان ئیعلان بکه.
به‌شه‌ک ژ کوردان و من ژی دگۆت کو ئۆجەلان دێ بێ قه‌ید و شه‌رت ئیعلان بکه کو پەکەکێ دەست ژ چه‌ک به‌رده و خوه ژ هۆلێ ڕاکه.. لێ پەکەکێ، گرێدایی به‌رژه‌وه‌ندیا به‌رپرس و ده‌وله‌تێن پەکەکێ برێڤه دبن، دێ دەست ژ چه‌ک به‌رناده.
ئۆجەلان، د ئه‌نجامێ دا پشتی شانۆیه‌کێ د ۲۸ێ سباتێ دا داخوازا باهچه‌لی و حکومه‌تێ بێ قه‌ید شه‌رت پێک ئانی.
۱-بریارا خوه یا ده‌ربارێ چه‌کبه‌ردان و ژهۆلێرابوونا پەکەکێ ئیعلان کر.
ئه‌ڤ بریاره‌کا باشه.
له‌ورا کوردپه‌روه‌ر و ڕێخستنێن کوردستانێ ل هه‌موو به‌شێن کوردستانێ هه‌ر ده‌م دیار دکرن کو دڤێ پەکەکە دەست ژ چه‌کان به‌رده.
به‌شه‌کی کوردپه‌روه‌ران و ڕێخستنێن کوردستانێ و من ژی دگۆتن کو پەکەکێ هەم دەست ژ چه‌ک به‌رده و هەم ژی پەکەکە تەسفیه ببه.
له‌ورا پەکەکە ب ده‌ستێ ده‌وله‌تا ترک ل دژی ته‌ڤگه‌را باکورێ کوردستانێ و ڕێخستنێن کوردستانێ ئاڤا ببوو. پشت را ژی پەکەکە ل هه‌موو به‌شێن کوردستانێ ب ڕێبه‌ریا ده‌وله‌تێن کۆلۆنیالیست ل دژی ته‌ڤگه‌رێن نه‌ته‌وه‌یی یێن هه‌موو به‌شان و ڕێخستنێن هه‌موو به‌شێن کوردستانێ ب کار هات. گه‌له‌ک زرار دا نه‌ته‌وه‌یا کورد و کوردستانێ.
ژ بۆنا کو هەرێما کوردستانێ تێک بچه، پەکەکە ب دژمنێن کوردان را که‌ت ناڤ تفاقێن قرێژ. هێشتا ژی ئه‌ڤ تیفاق دۆم دکه.
پشتی کو داخوویانیا ئۆجەلان ژ ئالیێ شاندا ده‌م پارتییێ ڤه ل سته‌نبۆلێ ب جڤینه‌کا چاپه‌مەنینی هات ئیعلان کرن، به‌رپرسێن پەکەکێ یێن ل قه‌ندیلێ دیار کرن کو داخوویانیا ئۆجەلان قه‌بوول دکن و دێ کۆنگره‌یه‌کێ ل دار بخن و داخوازێن ئۆجەلان پێک بینن.
لێ ده‌ما داخوویانیا قه‌ندیلێ بێ خوه‌ندن، تێ دیتن کو وه‌ک ده‌وله‌ت داخواز دکه، قه‌ندیل، دێ داخوازێن ئۆجەلان جیبجی نه‌که. پەکەکە دێ خوه ب ئاوایه‌کی نوو رێکبخە و ئاڤا بکه.
ئه‌ڤ دیار دکه کو کورد و کوردپه‌روه‌ر و ڕێخستنێن کوردستانێ دێ د بن سیوانه‌کا نوو یا ڕه‌ئۆرگانیزه‌که نوو دا ب پەکەکێ را ڕووب‌روو ببن.
۲-ئۆجەلان د داخویانیا خوه دا ل دژی ده‌وله‌تبوونا کوردستانێ، فه‌ده‌رالیزمێ، ئۆتۆنۆمییێ، خوه‌سه‌ریا سیاسی و کولتوری ژی نێرین ئانین سه‌ر زمێن. ئه‌ڤ نێرینا ژی ل دژی نه‌ته‌وه‌یا کورد و کوردستانێ یه. خزمه‌تا ده‌وله‌تێ یه.
ئۆجەلان د داخوویانیا خوه دا دیار دکه کو ژ بۆنا کو سه‌ده‌مێن چه‌ک ژ بۆ پککێ نامه نه و پەکەکێ مسیۆنا خوه قه‌داندیه دڤێ بێ قه‌ید-شه‌رت دەست ژ چه‌ک به‌رده و خوه وه‌ک ڕێخستن هلوەشینە.
پەکەکێ، ژ بۆنا کو ل ترکیه‌یێ داوی ل سیسته‌ما کۆلۆنیالست یا ترک بینه، ل کوردستانێ داویا داگیرکەریێ بینه، ده‌وله‌تا کوردستانێ ئاڤا بکه، یه‌کیتیا نه‌ته‌وه‌یا کورد و کوردستانێ ئاڤا بکه، ده‌ست ب چه‌کداری کربوو.
لێ ده‌ما ل ترکیه‌یێ و کوردستانێ و ل ڕه‌وشا نه‌ته‌وه‌یا کورد بنێرن: ده‌وله‌تا ترک ژ وێ ده‌مێ سیسته‌ما خوه یا کۆلۆنیالست و داگیرکاریێ ل کوردستانێ ددۆمینه. نه‌ته‌وه‌یا کورد ژ هه‌موو مافێن خوه بێپاره. کورد ژ مافێ چاره‌نڤسیێ بێپاره. ده‌وله‌تا ترک سیسته‌ما خووه یا کۆلۆنیالیست، داگیرکاریا خوه ل کوردستانێ دۆم دکه. کورد ب چو ئاوایی خوه‌دیێ ده‌وله‌تێ نینن
ئه‌ڤ ژی وێ یەکێ دیار دکه کو پەکەکە ژ بۆ ڤان ئارمانجان ئاڤا نه‌بوویه و ژ بۆ ڤان ئارمانجان ده‌ست ب شه‌ر نه‌کریه.
داخوویانی و نێرینێن ئۆجەلان ئه‌ڤ نێرینێن کوردپه‌روه‌ران و ڕێخستنێن کوردستانێ یێن ده‌ربارێ پەکەکێ ڕاست ده‌ردخە کو. پەکەکە ل دژی نه‌ته‌وه‌یا کورد و ڕێخستنێن کوردستانێ ئاڤا بوویه.
لۆما ژی ئۆجەلان د ڤێ قۆناخێ دا ژی دیسا خرابیێ ل کوردان دکه و ل دژی به‌رژه‌وه‌ندیا نه‌ته‌وه‌یا کورد ته‌ڤدگه‌ره، سیاسه‌ت و ستراته‌ژییا فه‌رمی یا ده‌وله‌تێ د ده‌ربارێ نه‌ته‌وه‌یێ کورد و کوردستانێ دا دپارێزه.
لۆما ژی دبێژه کو ده‌وله‌ت نه‌ته‌وه‌یی و فه‌ده‌رالیزم و ئۆتۆنۆمی (هکموو زاتی) و خوه‌سه‌ری و ئازادیا کولتوری ل دژی سۆسیۆلۆژیه.
دیسا دیار بوو کو ئۆجعلان دێ میسیۆنه‌کا نوو یا نه باش بدۆمینه.
دڤێ هه‌موو کورد و کوردپه‌روه‌ر و ڕێخستنێن کوردستانێ ڤێ خرابی و پلانا ده‌وله‌ت-ئۆجەلان باش ناس بکن، ل دژی ڤێ پلانێ و ئه‌ڤ نێرینا کۆله‌تی ده‌رکه‌ڤن.
د ڤێ قۆناخێ دا کێمترن هین خورت و ب ڕێخستنی ژ بۆنا ده‌وله‌ته‌ک هه‌ڤبه‌ش یا فه‌ده‌رال تێکۆشین و خه‌باتێ بمه‌شین. لێ ده‌ما کو ژ بۆنا فه‌ده‌رال خه‌بات و تێکۆشین بێ مه‌شاندن، دڤه ئه‌ڤ خه‌باتا د ناڤه‌ندا ده‌وله‌تبوونا کوردستانێ و یه‌کیتیا نه‌ته‌وه‌یا کورد-کوردستانێ وه‌ره مه‌شاندن.
دیاربه‌کیر، ٢\٣\٢٠٢٥
