سه‌ردانا سه‌رۆکان ژ بۆ وه‌لاتان گه‌له‌ک گرنگه. ژ پێشوازیکرنا وان هه‌تا ب ڕێکرنا وان گه‌له‌ک هوورگلیێن تایبه‌ت و گرنگ هه‌نه. سه‌رۆکێ هه‌رێما کوردستانێ نێچیرڤان بارزانی د سه‌ردانێن خوه ژ بۆ وه‌لاتان هه‌ر ده‌می وه‌ک سه‌رۆکێ ده‌وله‌ته‌کێ تێ پێشوازیکرن. د پرۆتۆکۆلان دا وه‌ک سه‌رۆکه‌کی جهێ خوه دگره و پێوه‌ندیێن خوه ڕێڤه دبه.
بێ گومان نێچیرڤان بارزانی یه‌که‌م که‌سایه‌ته کو، دکاره د قادا ناڤنه‌ته‌وی دا و ده‌ره‌جه‌یا هه‌ری بلند دا پرسا کورد ژ جهانێ را دده ناساندن و به‌حسا ئێش و ژانێن کوردا دکه. د ڕاستیێ دا ده‌ما نێچیرڤان بارزانی د سه‌ردانه‌کا خوه دا ب پرۆتۆکۆلا هه‌ری بلند تێ پێشوازی کرن، وه‌که کورده‌کی مرۆڤ پێ گه‌له‌ک سه‌ربلند دبه و دزانه کو، ئێدی کورد د قادا ناڤده‌وله‌تی دا خوه‌دیێ خوه هه‌نه.
ڕۆلا سه‌رۆکێ هه‌رێما کوردستانێ نیچیرڤان بارزانێ ژ سنۆرێ کوردستانێ ده‌رکه‌تیه، ئێدی ئه‌و وه‌ک ئاکتۆره‌ک هه‌رێمی هه‌تا جیهانی ته‌ڤدگه‌ره. گه‌له‌ک تشت هه‌نه کو مرۆڤ به‌حسا گرنگیا که‌سایه‌ت و ڕۆلێ نێچیرڤان بارزانی بکه. لێ ژ هه‌میا گرنگتر ئه‌م دبینن کو جهانێ ڕۆلێ نێچیرڤان بارزانی فام کریه، ل گه‌لۆ کوردان هه‌تا چ ڕاده‌یێ ئه‌ڤ یه‌ک فام کریه؟
هه‌ری داوی نێچیرڤان بارزانی سه‌ردانا خوه یا بۆ ئیماراتێ (ئه‌بوزەبی)، سەردانا بۆ ترکیێ و به‌شداربوونا د کۆربەندا ئانتالیا یا دپلۆماسی، هەروەسا سه‌ردانا بۆ فرانسایێ جاره‌ک دن هێڤیه‌ک مه‌زن د ناڤا کوردان دا ژ بۆ ده‌ستخستنا مافێن نه‌ته‌وی پخورت و گەش کر.
نێچیرڤان بارزانی ل سەر سه‌ردانا خوه یا بۆ فرانسایێ دبێژه: پر شا بووم کو ئیرۆ ل کۆشکا ئێلیزێ ب هه‌ڤالێ خوه یێ هێژا سه‌رۆک ئه‌مانوئێل ماکرۆن را جڤیام. په‌یوه‌ندیا مه ب فرانسایێ را پر تایبه‌ته و به‌رده‌وام بهێزتر دبه. مه ل دۆر چەوانیا خورتکرنا په‌یوه‌ندیێن فرانسایێ ب ئیراق و هه‌رێما کوردستانێ را، هه‌روها مژارێن گرنگ ئێن هه‌رێمی، گۆتووبێژ کرن. من سپاسیا سه‌رۆک ماکرۆن کر ژ بۆ پشتگیریا وی یا به‌رده‌وام ژ هه‌رێما کوردستانێ را و ڕۆلا وی یا گرنگ یا ژ بۆ خورتکرنا ئارامیا ناڤچەیێ.
ڤیدیۆ\ سەرۆکێ فرانسایێ دەما پێشوازیێ ل سەرۆکێ هەرێما کوردستانێ نێچیرڤان بارزانی دکە
ڤیدیۆ\ سەرۆکێ فرانسایێ دەما ێچیرڤان بارزانی ب رێ دکە
