نێچیرڤان بارزانی سەرۆکێ هەرێما کوردستانێ (١٨\٤\٢٠٢٥) پێشوازیا جیگرێ وه‌زیرێ ده‌رڤه یێ ترکیێ د. نوح یەلماز و شانده‌یا پێ را کر.
پرۆسه‌یا ئاشتیێ ل ترکیێ مژارا سەرەکی یا جڤینا سەرۆکێ هەرێما کوردستانێ و جیگرێ وەزیرێ دەرڤە یێ ترکیێ بوو و د ڤێ دەربارێ دا سه‌رۆک نێچیرڤان بارزانی پشته‌ڤانیا هه‌رێما کوردستانێ بۆ سه‌رخستنا پرۆسه‌یا چارەسەریێ ل ترکیێ و باکورێ کوردستانێ نیشان دا. هه‌ر دو ئالی هه‌ڤهزر بوون کو ئاشتی دێ باندۆره‌ک ئه‌رێنی ل سه‌ر ته‌ڤایا هه‌رێمێ بکه و په‌رسپه‌کتیفێن به‌رفره‌هتر ژ بۆ گه‌شه‌پێدان و هه‌ڤکاریێ ڤه‌که.
رێیا گه‌شه‌پێدانێ و په‌یوه‌ندیێن ترکیێ ب ئیراق و هه‌رێما کوردستانێ را و هه‌ر وها هه‌ڤکاریێن د وارێن جوربجور دا ژ بۆ بهێزکرنا ئه‌وله‌هی و ئارامی و گه‌شه‌پێدانا ناڤچه‌یێ د جڤینێ دا هاتن نرخاندن.
رە‌وشا سووریێ و پێشهاتێن داوی چەند مژارێ دن یێن جڤینێ بوون
