ڕۆژنامه‌یا نیۆرک تایمس ڕاگەهاند کو سه‌رۆکێ ئەمریکایێ دۆنالد ترومپ ئێریشا پلانکری یا ئیسرائیلێ یا ل سه‌ر ناڤه‌ندێن نوکله‌ئه‌ری یێن ئیرانێ به‌تال کر.
ڕۆژنامه‌یێ ڕۆژا چارشه‌مێ، ژ زاردەڤێ کاربده‌ستێن کۆچکا سپی و یێن دن پشتراست کر، کو سه‌رۆک ترومپ ژ ئێریشه‌کا پلانکری یا ل سه‌ر ناڤه‌ندێن ناڤۆکی یێن ئیرانێ پاشده ڤه‌کشیا و وی تەئکید ل سەر دانووستاندن و لهه‌ڤکرنه‌کێ ب ئیرانێ را بۆ سینۆردارکرنا به‌رنامه‌یا وێ یا ناڤۆکی کریە.
د ڤێ ناڤبه‌رێ دا، ڕاپۆر دیار دکن کو ئیرانێ ده‌ست ب گوهه‌رتنا هه‌لوه‌ستا خوه دەرباێ ڕێکه‌تناما ناڤۆکی کریه و نەگەلەک گه‌شبینیە. به‌رده‌ڤکا حکومه‌تا ئیرانێ، فاتیمه مۆهاجه‌رانی، گۆت کو حکومه‌ت نکاره ل به‌ندا ڕێکه‌فتنا لگه‌ل واشنگتۆنێ بمینه.
پشتی هه‌فته‌یه‌کێ ژ گه‌شبینیێ، ئیران ل سه‌ر ئیحتیمالا گەهیشتنا ڕێکه‌فتنه‌کێ ب ئەمریکایێ را کێمتر گه‌شبین خویا دکه. نه دیاره گه‌لۆ ئه‌ڤ به‌رته‌کا ل هه‌مبه‌ر داخویانیێن ڤێ داویێ یێن نوونه‌رێ ئەمه‌ریکی ستیڤ ویتکۆف، ئان هه‌ولدانه‌که کو گرینگیا گه‌را دویه‌مین ئا دانووستاندنان کو تێ پێشبینیکرن د ده‌مه‌ک نێزیک ده وه‌ره کرن، کێم بکه.
موهاجه‌رانی گۆت کو هه‌لوه‌ستا حکومه‌تێ ب هه‌لوه‌ستا ڕێبه‌رێ بلند ئایه‌تولا خامنه‌یی را هه‌ڤاهه‌نگه، کو گۆتبوو کو دڤێ مژارێن نه‌ته‌وه‌یی ب دانووستاندنان ڤه نه‌یێن گرێدان، ل گۆری مه‌دیایا ده‌وله‌تا ئیرانێ.
د هه‌ڤدیتنا ب ڕایه‌دارێن پایه‌بلند ئێن حکومه‌تێ را، خامنه‌یی دیار کر کو هه‌ڤدیتنێن کو ل عمانێ ده‌ست پێ کرن “دبه کو ئه‌نجامان هەبن یان ژی نەبن.” دڤێ ئیران ب هه‌ر ئاوایی ل سه‌ر ڕێیا خوه به‌رده‌وام به. ژ به‌ر ڤێ یه‌کێ ئیران هه‌موو هێزا خوه ل سه‌ر ڤێ بژارده‌یێ ناده. هه‌ر وها گۆت: ئیران نه زێده گه‌شبینه و نه ژی زێده ڕه‌شبینه. وی به‌رده‌وام کر: هه‌لبه‌ت گومانێن مه یێن مه‌زن ل سه‌ر ئالیێن دن هه‌نه، لێ ئه‌م ب شیانێن خوه باوه‌رن.
د ڤێ ناڤبه‌رێ ده وه‌زیرێ کارێن ده‌رڤه یێ ئیرانێ عه‌باس ئیراقچی ژی په‌یامه‌ک گەهاندیه سه‌رۆکێ ڕووسیایێ ڤلادمر پوتن. ئاژانسا فه‌رمی یا نووچه‌یان ئا ئیرانێ ئیرنا ڕاگەهاند کو ئیراقچی دێ د سه‌ردانا خوه یا بێ یا بۆ مۆسکۆیێ دا په‌یاما ڕێبه‌رێ ئۆلی ئایه‌تولا عه‌لی خامنه‌یی بده سه‌رۆکێ ڕووسیایێ ڤلادمر پوتن.
ئیراقچی ژ ڕۆژنامه‌ڤانان را گۆت: “ئارمانجا سه‌ردانا من ئا ڕووسیایێ گەهاندنا په‌یاما نڤیسکی یا ڕێبه‌رێ خوه بۆ سه‌رکردایه‌تیا ڕووسیایێ یه کو دێ د هه‌ڤدیتنا لگه‌ل سه‌رۆکێ ڕووسیایێ ڤلادمیر پووتین دا وه‌ره ڕاده‌ستکرن.” ئیران و ڕووسیا هه‌ڤکاریه‌کا نێزیک هه‌یه. ئیرانێ بالافرێن بێپیلۆت ئێن کو ل دژی ئوکراینایێ تێن بکارانین ددە ڕووسیایێ.
د ڤێ ناڤبه‌رێ ده، ئارتێشا ئیرانێ و پاسدارێن شۆره‌شێ ژی هێز و شیانا خوه یا ژ بۆ پاراستنا به‌رژه‌وه‌ندیێن خوه ژ گه‌فان نیشان دانه. ئه‌ڤ یه‌ک وه‌که به‌رسڤه‌کێ هات کو ئەمریکا که‌شتیا دویه‌مین ئا بالافران شاند هه‌رێمێ.
ل گۆری ڕاپۆرا ئاژانسا نووچان ئا فه‌رمی یا ئیرانێ ئیرنا`یێ، فه‌رماندارێ سوپایێ پاسدارێن ئنقلابا ئیسلامی یا ئیرانێ، سه‌رله‌شکه‌ر حسێن سه‌لامی ل گۆتارا خوه یا ڕۆژا چارشه‌میێ ل تەهرانێ ب بۆنه‌یا ۱۸ێ نیسانێ ڕۆژا ئارتێشا نه‌ته‌وی یا ئیرانێ، هه‌ماهه‌نگی و هه‌ڤاهه‌نگیا ناڤبه‌را ئارتێش و سوپایێ پاسداران نرخاند. وی هه‌ر وها گۆت: هه‌ڤکاریا ستراتیژیک یا ناڤبه‌را هه‌ر دو هێزێن له‌شکه‌ری، شیانێن به‌ره‌ڤانیێ یێن ڤی وه‌لاتی بهێزتر کریه و هه‌ولدانێن دژمنێن ئیرانێ یێن کو ل دژی سه‌رخوه‌بوون و پێشکه‌تنا ئیرانێ نه، پووچ کریه.
ئیلاف
