نێچیرڤان بارزانی سەرۆکێ هەرێما کوردستانێ جەژنا قیامە ل مەسیحییێن کوردستانێ پیرۆز کر و گۆت کو هەرێما کوردستانێ دێ هەر و هەر وەک وەلاتێ پێکڤەژیانێ بمینە.
سەرۆک نێچیرڤان بارزانی ب هەلکەفتا هاتنا جه‌ژنا قیامە یا حەزرەتێ مەسیح (سلاڤێن خوەدێ لێ بن) ب گه‌رمی و ژ دل پیرۆزباهیێ ل هه‌موو هه‌موه‌لاتیێن مه‌سیحی یێن هه‌رێما کوردستانێ و ئیراقێ و هه‌موو مه‌سیحی یێن جیهانێ دکە. ئەە هێڤی دکە کو ئه‌ڤ جه‌ژن خێر، خوه‌شی، ئاشتی و به‌خته‌وەریێ ژ بۆ هه‌موو مرۆڤاهیێ ب خوە را بینە.
سەرۆکێ هەرێما کوردستانێ د پەیاما خوە یا ب هەلکەفتا جەژنا قیامە دا دبێژە: د ڤێ جه‌ژنا پیرۆز دا، ئه‌م هه‌ر هەموویان پشتراست دکن کو هه‌رێما کوردستانێ دێ وه‌ک هەرتم وەک وەلاتێ پڕه‌نگ ژ پێکهاتەیان بمینه و ل سه‌ر بهێزکرنا نرخێن پێکڤەژیانێ، لێبۆرین و ڕێزگرتنا ل هه‌موو باوه‌ری و ناسنامه‌یان به‌رده‌وام به.
سەرۆکێ هەرێما کوردستانێ داخوازێ ژ هەموو ئالیان دکە کو هەموو ب هەڤ را بخەبتن ژ بۆنا کو ئەڤ جەژن ببە دەرفەتەک بۆ نووکرنا پەیمانا پێکڤەژیانێ و دێژە: وه‌رن ئه‌م هه‌موو ڤێ جه‌ژنێ بکن دەرفەتەک ژ بۆ نووکرنا په‌یمانا یه‌کیتی و پێکڤه‌ژیانێ و ب ڕوحێ به‌رپرسیاریا هه‌ڤبه‌ش ژ بۆ خزمه‌تکرن، گه‌شکرن و پێشخستنا وه‌لاتێ خوه بخه‌بتن.
