پشتى بورینا ٤٠ سالان ژ خه‌باتا چه‌كدارى، پارتییا كاركه‌رێن كوردستانێ رێککەفتی ١٢\٥\٢٠٢٥ێ خوەهلوه‌شاند و په‌كه‌كه د به‌یانا خوە یا كۆنگرەیێ دوازدێ دا دیارکر کۆ ئه‌و دێ ده‌ست ب خه‌باتا خوە یا ئاشتیێ و دیمۆكراسیێ كه‌ن و دێ دوباره په‌یوه‌ندیێن كوردى- تركى رێكئێخن، چەکێن خوە دانن و بورینا ٤۰ سالان ژ خەباتا خوە یا چەکداری بێ ئەنجام دا، دیسان .ئەڤ خوەهەلوەشاندنا پەکەکێ دگەل رێبەرێ چەکدارێن پەکەکێ رەنگە بیتە ئەگەرێ سازانا دیمۆکراسی وجڤاکی و دەولەت
پرانییا وەلاتێن ناڤدەلەتی چاڤەرێ ڤێ خوەهلوەشاندنا پەکەکێ بوون و ترکیا ژی دخوازیت گرێدانەک و سیاسەتەکا باشتر ئاڤا بکەت بەرامبەرێ کوردان ل ترکیا هەم ل باشور و ترکیا و سووریا سیاسەتەکا نەرمتر بکاربینت و رێڤەبەت، ئەڤه چەندین ساله ترکیا هەمبەرێ کوردێن باکور سیاسەتەکا تۆند ب رێڤەدبر، چونکێ پتر ژ ۱۰۰ سالانە کێشا کوردو ترکیا چاڕەسەرنەبوویە، چونکە ئەڤ ئالۆزیە بوینە ئەگەرێ قوربانیدانێ بۆ هەر دولا د نۆکەدا پرۆسێسا ئاشتیێ و دیموکراسیێ باشترین چارەسەری یە.
پێشتر پرانییا وەلاتێن جیهانی پێشوازیێ ل نامەیا ئۆجەلانی کرن چونکی دبیت ئەڤ پەیامە بیتە ئەگەرێ چاڕەسەرکرنا گەلەک کێشەیان. د ڤان گۆتارێن دوماهیکێ دا ئۆجەلان دیارکر ژی کورد و تورک برانە ئەو دشێن ب رێکا ئاشتیێ کێشەیێن خوە چاڕەسەربکن، دبیت هندەک پێنگاڤێن ئەرینی بهێنە هاڤێتن، خوەهلوەشاندن و چەکدانانا پەکەکێ رەنگە تورکیا ئەو کێشەێن مەزن هەمبەری کوردان بکەتە خالێن چارەسەریێ و ئەردوگان سەرۆکێ ترکیا مانا خۆ موکمتر لێ بکەت.
دیسان بلا ل بیرامە بیت پێڤاژۆیا ئاشتییێ سەر دەستێ مەرجەعێ کورد، مەسعوود بارزانی، هاتیە دانان ل نەوروزا و نیسانا سالا ۲۰۱۳ پێڤاژویا ئاشتیێ ناڤبەرا مەرجەعێ کوردان سەرۆک مەسعود بارزانی و سەرۆکی ترکیا ئەردوگان هاتە پێش و پشتی ڤێ قوناغا چەکدانانا پەکەکێ ئەز د بینم ئەردوگان دێ مەرجێن نەرمتر هەبن هەمبەری پەکەکێ د ئاڤاکرنا پرسا ئاشتیێ دا، تورکیا دخوازیت ئەو قوناغا نۆکە ل سوریا دەربازدبیت مفای ژێ وەرگریت و نەرماتیەک باشتر ل تورکیا ئاڤا بکەت، یا هەرە گرنگ د
ئاشتیێ دا گرەنتیا دەولی و نەتەوێن ئێکگرتی هەبیت و ترکیا دان پێدانێ بکەت کۆ کورد نەتەوەیەکە و بەشەکێ گرنگە د رۆژهەلاتا ناڤەڕاست و تایبەت د وەلاتێ ترکیا دا.
رۆژهەلاتا ناڤەڕاست و پرسا رۆژئاڤایێ کوردستانێ د گۆهورینا نە چاڤەڕێکریدایە و رەنگە ئەڤ خوەهلوەشاندنە ئاقلانە بیت، چونکە ” پرسا کوردان ل رۆژهەلاتا ناڤەڕاست د نۆکە دا پرسەکا جدی یە “. هەرچەندە رەگە پەرستیا ترکیا یا بەردەوام رێک نەدایە کورد بگەهن ئارمانجا خوە ، یاریکرنا سیاسی یا نوکە ل گۆرەپانا رۆژهەلات ناڤەڕاست دایە و فەرە کورد باشتڕ ئێکگرتی بن.
چالاکڤان: موسا خالد\ دهوك
