هه‌ڤسه‌رۆکێ پارتییا ده‌مێ، تونجه‌ر باکرخان، د هەڤپەیڤینەکەێ دا ده‌ربارێ مافێ خوه‌سه‌ری و فه‌ده‌رالی کر و د ڤێ دربارێ دا ب زه‌لالی هەلوەستا پارتییا خوە دیار کر. باکرخان هه‌ر وها نه‌رینێن خوه ل سەر مژارا، کا گه‌لۆ پارتییا وی داخوازا گوهه‌رتنا پێناسه‌یا هه‌موه‌لاتیبوونێ د ده‌ستوورا بنگه‌هین یا ترکیڕ دا دکه ئان نا؟
د ڤێ ده‌ما کو ترکیه دکه‌ڤه د قۆناغه‌کا نوو دا کو ب پێڤاژۆیا “ترکیه‌یا بێ ته‌رۆر“ تێ ب ناڤ کرن، هه‌ڤسه‌رۆکێ پارتییا ده‌مێ، تونجه‌ر باکرخان، ل سه‌ر کانالا تڤ۱۰۰ێ به‌رسڤا پرسێن رۆژنامەڤان, کۆبرا پارێ، دا. باکرخان ده‌ربارێ مافێ خوه‌سه‌ریێ دا ب ئاوایه‌کی ڤەکری هەلوەستا پارتییا خوە زه‌لال کر و دیار کر کو پارتییا وی گرینگیێ دده ده‌مۆکراسییا هه‌رێمی.
بێچه‌ککرنا پەکەکێ و پێڤاژۆیا نوو
باکرخان دیار کر کو پشتی ٤۷ سالان پەکەکێ بریارا چەکدانینێ دا، ل ترکیێ سه‌رده‌مه‌کا نوو ده‌ست پێ کریه. باکرخان گۆت، “ده‌م گوهه‌ریه، ئێدی نه ده‌ما په‌ڤچوون و شه‌رانه، ده‌ما ده‌مۆکراتیکبوونێ یه،” و ته‌که‌ز کر کو ئه‌وله‌هیا هه‌ری مه‌زن بۆ ترکیه‌یێ، ئاشتیا جڤاکی یه.
گه‌لۆ پارتییا ده‌م داخوازا گوهه‌رتنا پێناسه‌یا هه‌موه‌لاتیبوونێ دکه؟
باکرخان دیار کر کو یه‌ک ژ پرسگرێکێن بنگه‌هین ئه‌وه کو هه‌ر که‌سێ ل ترکیێ دژی ب ناسنامه‌یا خوه یا ترکی تێ پێناسه‌کرن و گۆت، “ئه‌م هه‌موو وه‌لاتیێن کۆمارا ترکیه‌یێ نه. خوینا باڤ و کالێن مه ل چاناککاله‌یێ یه. ئه‌ڤ ئه‌ردنیگاری یا مه هه‌موویانه و ئه‌م ب سه‌دسالانه ب هه‌ڤ را دژین. بێ گومان، پێناسه‌یه‌ک کو هه‌موو جوداهییان د ناڤ خوە دا دحه‌وینه دێ باش به.”
لۆزان و داخوازێن خوه‌سه‌ریێ
باکرخان دیار کر کو سینۆرێن کو ب لۆزانێ را هاتنه خێزکرن هاتنه قه‌بوولکرن و بانگا وه‌لاته‌کی هه‌ڤپار ڤان سینۆران ژی دحه‌وینه و پرسی، “ئه‌م ل سه‌ر کیژان به‌شا لۆزانێ نیقاش دکن، کیژان به‌شا ترکیێ ئه‌م پارچه دکن؟”. ده‌ربارێ مافێ خوه‌سه‌ریێ ، وی گۆت، “ئه‌گه‌ر مه خوه‌سه‌ری بخوه‌ستا، مه دێ ب ئا‌شکه‌ره‌یی داخوازا وێ بکرا. ئه‌م ده‌مۆکراسیا هه‌رێمی دخوازن، نه ژ به‌ر کو ئه‌م دترسن ئان ژی ژ به‌ر کو ئه‌م وێ ڤه‌دشێرن.”
دڤێ پێڤاژۆیا بێچه‌ککرنێ نهێتە درێژکرن
باکرخان دیار کر کو درێژکرنا پێڤاژۆیا بێچه‌ککرنێ دکاره ببه سه‌ده‌ما پرۆڤۆکاسیۆن و خەتمینێ، دڤێ ئه‌ڤ پێڤاژۆ زوو بداوی ببە.
