ل کۆنگرەیێ ئێکگرتنێ یێ هەر دو ڕێکخراوێن قوتابیان و لاوان یێن پارتییا دەمۆكراتا کوردستان، كو ڕۆژا پێنجشەمبێ ل ١٥’٥’٢٠٢٥ێ ل هەولێرێ ب ڕێڤچوو، سەرۆك بارزانی پەیامەک پێشکێشی ٢٦٠ ئەندامێن کۆنگرەیێ و هەموو جەماوەرێ کوردستانێ کر.
سەۆك مەسعود بارزانی د پەیاما خوە دا بەحسا ڕۆلێ ڤان دو ڕێکخراوان کر، ب تایبەتی رۆلێ وان د هەر دو شۆڕشێن پیرۆز; شۆرەشا ئیلول و گوڵانێ و شەڕێ دژی داعشێ، سەۆک بارزانی گوت: د ئەرکێ خوە دا بەردەوام بن و کارێ زێدتر بکەن. ل سەر بیروباوەڕێن پیرۆز یا ڕێبازا بارزانی و باوەری ب خوەبوونێ، بو چاندنا وان هێڤی و ئومێدان ب هێزکرنا فەلسەفا ئینتمائێ بۆ نیشتمانی.
سەرۆك بارزانی د پەیاما خوە دا ئاماژە ب ڕۆلێ بەرچاڤ یێ گەلێ کوردستانێ دا، ل دەمێ ژناڤبرنا ڕژێما دیکتاتۆری و گەلێ کوردستانێ دگەل ئیراقـا نوو دانانا دەولەتەکا فەدەرال، كو باوەڕی ب فرە نەتەوەیێ هەبیت و تێدا ب لۆژیکی و هەڤبەشی و هەڤسەنگی و سازان بهێتە پەیڕەکرن.
یا پێدڤیتر دەربارێ ناڤخوەیا هەرێما کوردستانێ، سەرۆك بارزانی دیارکر كو ئەگەر هەرێما کوردستانێ دڤێت بەرەڤ ئێکبوونەکا زێدەترڤە بچیت دڤێت مە ”ئێك هەرێم، ئێك پەرلەمان، ئێك حکوومەت، ئێک هێزا پێشمەرگە” هەبیت .
دیسان نەتەوەسازی و نیشتمانسازی پرۆسەیەکا مێژوویی و کۆمەلایەتی ماوێ وێ درێژە و چ گومان تێدا نینە دێ گەنجان ڕۆلەکێ ئەرێنی هەبیت دئاڤاکرنا جڤاکی دا بۆ گەشەپێدان و پێشخستنا شارستانیەتێ دا، چونکە هێزا گەنجان د پرۆسەیا پێشکەفتنا جڤاکی دا و ب داهێنانێن خوە دێ شێ هەرێما کوردستانێ و ناڤچەیێ بەرەف ئاشتی و سەقامگیریێ بەن، هەروەسا گرینگیدان ب سیاسەتا باش دێ ئاشتی باشتر بەرقەڕار بیت.
سەرۆك بارزانی گرنگی دا سەر مافێن هەرێما کوردستانێ ل بەغدایێ د چوارچوڤەیێ بەردەوامی بو دادپەروەری و یەکسانی سەرەدەریکرن د ناڤبەرا حكومەتا هەرێما كوردستانێ و حکوومەتا فەدەرال، ب تایبەتی ژ لایێ بودجە و دابەشکردنا داهات و سامانێ هەرێمێ بو رێڤەبرنا کاروبارێن خوە.
نەدادپەروەرییا سیاسی و پێشێلکرنا مافی نەتەوا کورد و جینۆساید و ئەنفال و کیمیاباران و ڤەگۆهاستنا ب زۆری و ژنافبرنا گوند و وێرانکرن خوینرێژتن، ئەڤە هەموو کارێن سەرەکی یێن ڕژێما دکتاتۆر بوون.
سەرۆك بارزانی گرنگی دا وێ چەندێ و گوت: “ژ ئەڤرۆ پێڤە ئەم ڤێ چەندێ قەبیل ناکەین ژ بەغدایێ وەکی هەیڤێن بوری، سەرەدەریێ دگەل مووچە و فەرمانبەرێن هەرێما کوردستانێ بکەن، چونکە ئەڤ جۆرە سەرەدەریە وەکۆ ئیهانەیەکێ یە ب خوێنا شەهیدان و خەباتا گەلی کوردستانێ و مێژوویا پڕ سەروەریا میللەتێ کورد”.
لاوان و قوتابیان نەهێنیا هێزا گەلانە و سەرکەفتن و پاراستنا ئاخ و نیشتمانی، ئەو دێ شێن کوردستانێ بەرەف پێشڤەببەن بەرەڤانیێ بکەن و خەونا داگیرکەران بشکێنن و هەر ئەو گەنجن دێ شێن پاشەرۆژێ دروست بکەن، زێدبوونا رێژا ژنان د ناڤ ڕێکخراوا لاوان و قوتابیان و ل نافخوەیا پارتییا دەمۆكراتا كوردستانێ دێ بیتە ئەگەرێ پێشکەفتنا زیاتدەر بو کۆمەڵگەهێ و کوردستانەکا هۆشیارتر.
