ل گۆری ڕۆژنامه‌یا هایۆم یا ئیسرائیلی، کو ئیشاره‌تێ ب چاڤکانیه‌کا ئیسرائیلی دکه، ترکیێ و ئیسرائیلێ ل سه‌ر چه‌ند پره‌نسیبان ل هه‌ڤ کرنه دا کو پێشیێ ل په‌ڤچوونه‌ک له‌شکه‌ری د ناڤبه‌را هێزێن پاراستنا ئیسرائیلێ و ئارتێشا ترکیه‌یێ یا ل سووریه‌یێ دا بگرن. ژ بۆ باشوورێ وه‌لێت، ئیسرائیل ئسرار دکه کو ئه‌ڤ هه‌رێم بێچه‌ک وه‌ره پاقژکرن.
پۆرتالا میدل ئێست ئەی هه‌ر وها ڕاگەهاند کو ئیسرائیل و ترکیه‌یێ د ناڤبه‌را هێزێن خوه یێن ل سووریه‌یێ دا “خه‌ته‌کها گه‌رم” ئاڤا کرنه دا کو پێشی ل بوویه‌ران بگرن.
د هه‌مان ده‌مێ دا، ب ناڤبه‌ینکاریا ئازه‌ربایجانێ هه‌ڤدیتن د ناڤبەرا شاندەیێن ترکیێ و ئیسرائیلێ به‌رده‌وام دکن.
چاڤکانیه‌کێ کو ژ پێشڤه‌چوونا دانووستاندنان ئاگاهداره ژ پۆرتالا میدل ئێست ئەی را گۆت کو ئیسرائیل د پره‌نسیبێ دا چو نه‌رازیبوونه‌ک ل هه‌مبه‌ر بجهکرنا له‌شکه‌رێن ترکیێ، د ناڤ ده تانک و یه‌کینه‌یێن پیاده، ل سه‌ر ئاخا سووریه‌یێ نینە.
د هه‌ڤدیتنێن د ناڤبه‌را ترکیه و ئیسرائیلێ دا کو ڕۆژا پێنجشه‌مێ ۷ێ گولانا ۲۰۲٥ئان ل باکوویا پایته‌ختا ئازه‌ربایجانێ هاتن لدارخستن، شاندەیا ئیسرائیلێ دو داخواز ده‌ربارێ سووریێ دا ژ شاندەیا ترکیێ کرن.
مه‌رجێ ئیسرائیلێ ئه‌وه کو ترکیه سیسته‌مێن پاراستنا هه‌وایی و ڕادارێن کو دکارن ته‌ڤگه‌رێن هێزا هه‌وایی یا ئیسرائیلێ ل سووریه‌یێ بشۆپینن، ساز نه‌که.
