ئیرۆ، د بیرانینا شێست و چار سالیا شۆره‌شا مه‌زن ئا ئیلۆنێ دا، ئه‌م ڕێبه‌رێ شۆره‌شێ و گه‌لێ کوردستانێ، بارزانی یێ نه‌مر و هه‌موو وان سه‌رکرده و پێشمه‌رگه یێن قه‌هره‌مان و دلسۆزێن کوردستانێ کو به‌شدار و هه‌ڤبه‌ش و هێز و زەند و باسکێن شۆره‌شێ بوون، ب ڕێز وان ب بیر تینن. سلاڤان ژ بۆ گیانێ شه‌هیدان و مالبات و که‌سووکارێن وان یێن سه‌ربلند را دشینن.
شۆره‌شا مه‌زن یا ئیلۆنێ د سه‌رده‌مه‌ک ئالۆز و دژوار دا کو ژ هه‌ر ئالی ڤه زلم و ئینکاریا گه‌لێ کوردستانێ دهات کرن، بوو ناسنامه و بنگه‌ها هزرا نه‌ته‌وه‌یی و نیشتمانی. رحەکا نوو، ژ بۆ ڤه‌ژین و ڕووبرووبوونێ، دا کوردستانیان. بوو سیوانه‌ک ژ بۆ کۆمکرنا هه‌موو چین و تەخێن کوردستانێ و ده‌نگێ ڕه‌وا و وێره‌ک، هاوارا ماف و ئازادیا گه‌لێ کوردستانێ گەهاندە هه‌موو جیهانێ و وه‌کی گه‌له‌کی زندی، ژیاندۆست و ئاشتیخواز ده‌رکه‌ت هۆلێ.
د ڤێ بیرانینێ دا، ئه‌م ل سه‌ر ئارمانج و پره‌نسیب و نرخێن بلند یێن شۆره‌شێ، ئازادی، ده‌مۆکراسی، پێکڤه‌ژیان، قه‌بوولکرنا هه‌ڤدو، لێبۆرینی و ئاشتیێ ته‌که‌ز دکن. چاوا کو شۆره‌شا ئیلۆنێ شۆره‌شا هه‌موو پێکهاته‌یێن کوردستانێ بوو، هه‌موویان ب هه‌ڤ را ب یه‌کده‌نگی و یەکرێزی ژ بۆ یه‌ک ئارمانجێ خەبات کرن و قوربانی دان، ئیرۆ ژی ژ بۆ پاراستنا ماف و ده‌ستکه‌فتیێن خوه دڤێ ئه‌م هه‌موو ب هه‌ڤ را بخه‌بتن هه‌تا کو گه‌ل و وه‌لاتێ خوه بگەهینن به‌راڤا ئارامیێ.
بلا بیرانینا شۆره‌شا ئیلۆنێ بلند و ب ڕوومه‌ت به، سلاڤ و ڕوومه‌تی ژ بۆ گیانێ پاقژ یێ شه‌هیدان.
نێچیرڤان بارزانی
سه‌رۆکێ هه‌رێما کوردستانێ
١١\٩\٢٠٢٥
