سه‌رۆکێ ئیستخباراتا ده‌رڤه یا بریتانیایێ م٦، ل سته‌نبۆلێ ڕاگەهاند: مه دو سال به‌رێ ب هه‌یئه‌ت ته‌حریر شام (ئەحمەد شەرع) را ل سووریێ تێکلی دانیبوون
ڕیکارد مۆرە، سه‌رۆکێ م٦، ئاژانسا ئیستیخباراتا ده‌رڤه یا بریتانیایێ، ل سته‌نبۆلێ گۆتاره‌ک پێشکێش کر و ئاشکهره کر کو وان ده‌مه‌ک درێژ به‌ری هه‌یئه‌ت ته‌حریر شام (هتش)، ڕێخستنا کو پار ڕژێما ئه‌سه‌د ل سووریه‌یێ هلوه‌شاند، تێکلی دانیبوون.
مۆره، کو دێ د داویا ڤێ مه‌هێ دا ژ بۆ دەمێ پێنج سالان سه‌رۆکاتیا م٦ بکه، دوهی ١٩\٩\٢٠٢٥ د سه‌ردانا خوه یا سته‌نبۆلێ دا، ل کۆنسولخانه‌یا گشتی یا بریتانیایێ، گۆتاره‌ک پێشکێش کر و ل هه‌مبه‌ر کۆمه‌ک نوونه‌رێن چاپه‌مه‌نیا ترک و بیانی ئاخڤی.
مۆره، کو به‌رێ ژی سەرۆکێ م٦ بوو ژ ده‌ستپێکا سالا ۲۰۱٤ئان هه‌تا داویا سالا ۲۰۱۷ نالیۆزێ بریتانیایێ ل ئه‌نقه‌رەیێ بوو، د گۆتارا خوە دا بەحسا سەردەما سه‌رۆکاتیا خوە یا م٦ کر و نرخاندنه‌ک پێشکێش کر. وی د ئاخافتنا خوه دا بەحسا گەلەل مژاران کر. لێ به‌لکی سورپریزا هه‌ری گرینگ د ئاخافتنا وی دا گۆتنێن ڕێڤه‌برێ م٦ یێن ل سه‌ر سووریێ بوون. وی ده‌ستنیشان کر کو د ده‌ما سه‌رۆکاتیا وی دا ئه‌و ب ڕێزه کریزێن نه‌چاڤه‌رێکری یێن ل ده‌رڤه‌یی وه‌لێت ڕه ڕوو ب ڕوو مانه، د ناڤ دا کەتنا سوودانێ ناڤ شه‌رێ ناڤخوه‌یی، هلوه‌شینا حکومه‌تا گانی ل ئافگانستانێ، و داویا ڕه‌ژیما ئه‌سه‌د، کو ٥۳ سالان ل سووریێ حوکوم کربوو.
پشتی ڤێ چاڤدێریێ، ڕێڤه‌برێ م٦ گۆت: “ئه‌م ب شیانا خوه یا ئاڤاکرنا تێکلیێن ده‌مدرێژ سه‌ربلندن کو د ده‌مێن کریزێ دا گرینگ ده‌ردکه‌ڤن… ب ئاڤاکرنا تێکلیه‌ک ب هه‌یئه‌ت ته‌حریر شام را ساله‌ک ئان دو سال به‌ری کو ئه‌و به‌شار ئه‌سه‌د هلوه‌شینن، مه ڕێ ل به‌ر ڤه‌گه‌را حکومه‌تا بریتانیایێ د ناڤ چه‌ند هه‌فته‌یان دا ڤه‌کر.”
گرینگیا داخویانیا سەرۆکێ بەرێ یێ م٦ێ ئه‌ڤە کو ئه‌و جارا یه‌که‌مه کو ئیستیخباراتا بریتانی ب فه‌رمی تێکلیا خوه ب هه‌یئه‌ت ته‌حریر شام (هتش)، ڕێخستنه‌ک ژ ئه‌لقائیده‌یێ ل سووریێ، به‌ری هلوه‌شاندنا به‌شار ئه‌سه‌د قه‌بوول کریه. و ئەو ڤێ گاڤێ وه‌کی گاڤه‌ک پێشیلێگرتنێ پێشکێش دکه کو تێکلی ته‌ڤلێبوونا پاشێ یا هکوومه‌تا بریتانی ب رژێما نوو یا ل سووریێ هێسان کر.
ئه‌ڤ داخویانییا وی بەرپرسێ بریتانیایی دوورووتییا سیاسەتا دەرڤە یا بریتانیایێ نیشان ددە. ژ بەر کو د وێ ده‌مێ دا. دەما م٦ ب سه‌رۆکێ وێ ده‌مێ یێ هه‌یئه‌ت ته‌حریر شام، ئه‌بو محه‌مه‌د جۆلانی، نها وه‌کی ئه‌حمه‌د شه‌رع، تێ ناسکرن و نها سه‌رۆکێ سووریه‌یێ یه، تێکلی دانی، حکومه‌تا بریتانیایێ هه‌یئه‌ت ته‌حریر شام وه‌کی ڕێخستنه‌که ته‌رۆریست ئا گرێدایی ئه‌ل قائیده‌یێ دحه‌سباند و ئه‌و د لیسته‌یا جه‌زایان یا کۆنسه‌یا ئه‌وله‌کاریێ یا نه‌ته‌وه‌یێن یه‌کبوویی دا بوو.
ترکیه‌یێ ژی ب هه‌یئه‌ت ته‌حریر شام را تێکلی هەبوون
هه‌ر چه‌ند ترکیه‌یێ ل گۆری بریارێن کۆنسه‌یا ئه‌وله‌کاریێ یا نه‌ته‌وه‌یێن یه‌کبوویی ژ سالا ۲۰۱۸ئان پێ ڤه هه‌یئه‌ت ته‌حریر شام وه‌کی ڕێخستنه‌که ته‌رۆریست ده‌ستنیشان کربوو ژی، پاشی ئاشکهره بوو کو ڕێخستنا ئیستیخباراتا نه‌ته‌وه‌یی یا ترکیەیێ (میت) ژی ب هه‌یئه‌ت ته‌حریر شام را تێکلی دانیبوون.
وه‌زیرێ ده‌رڤه یێ تركیەیێ، هاکان فیدان، ڤێ داویێ د چه‌ند هه‌ڤپه‌یڤینێن ته‌له‌ڤیزیۆنێ دا دیار کر کو ڕێخستنێ د ده‌ما وه‌زیفه‌یا وی یا وه‌کی ڕێڤه‌به‌رێ ڕێخستنا ئیستیخباراتا نه‌ته‌وه‌یی (میت) دا ب سه‌رۆکێ هه‌یئه‌ت ته‌حریر شام، جۆلانی را ژ نێزیک ڤە ب هەڤرا خەبتینە.
