سه‌رۆکێ هەرێما كوردستانێ نێچیرڤان بارزانی ڕۆژا پێنجشه‌مێ ۹ێ جۆتمه‌ها ۲۰۲٥ئان ل ئه‌نقه‌رێ، د چارچۆڤه‌یا سه‌ردانا خوە یا فەرمی یا بۆ ترکیێ دا، دگەل وه‌زیرێ ده‌رڤه یێ تركیێ هاکان فیدان جڤیا.
د جڤینێ دا هه‌ر دو ئالیان ته‌که‌زی ل سه‌ر خوه‌سته‌کا هه‌ڤبه‌ش یا د وارێ پێشخستنا تێکلیێن ترکیێ ب ئیراق و هه‌رێما کوردستانێ را، و هه‌روەسا دەربارێ به‌رفره‌هکرنا وارێن هه‌ڤکاریا هه‌ڤبه‌ش وان نێرینێن خوه پارڤه کرن.
د جڤینێ دا مژارا ئاڤێ یا د ناڤبه‌را ترکیێ و ئیراقێ دا ژی هاته گۆتوبێژ كرن، د ڤی واری دا، سه‌رۆک نێچیرڤان بارزانی ته‌که‌زی ل سه‌ر پێویستیا هه‌ڤئاهەنگیێ د ناڤبه‌را ئیراق و ترکیێ دا کر ب ئاوایەکی وسا كو ئیدارەكرنا ئاڤێ هه‌موو پێدڤیێن هه‌ر دو ئالیان دابین بكە.
د جڤینێ دا ڕه‌وشا هه‌رێمێ و چه‌ند مژارێن بالکێش یێن هه‌ڤپار ژی هاتن نرخاندن.
