سه‌رۆکێ هه‌رێما کوردستانێ نێچیرڤان بارزانی ب سه‌ردانه‌کا فه‌رمی چوو ئه‌نقه‌رەیێ و ل گه‌ل وه‌زیرێ ده‌رڤه یێ ترکیێ هاکان فیدان و هه‌روه‌ها ل گه‌ل سه‌رۆککۆمارێ ترکیێ ڕه‌جه‌ب تەیب ئه‌ردۆگان جڤیا.
هوورگلیێن ڤێ جڤینێ د مه‌دیایێ دا هاتن ڕاگەهاندن. هات خوویاکرن کو نێچیرڤان بارزانی د هه‌ڤدیتنان دا ژ بۆ ئاشتیا هه‌رێمێ و پێوه‌ندیێن دوئالی و پاراستنا خاک و دەستکەفتیێن کوردستانێ وه‌ک هه‌رجارێ هه‌لوه‌سته‌ک ب ئستقرار دایه خویاکرن.
پرانییا ئالییێن سیاسی ئه‌ڤ سه‌ردانە گه‌له‌ک ب گرنگی و ئەرێنی نرخاندن. لێ مخابن هێشتا هنده‌ک پاشمایێن پەکەکێ یێن کو ب ده‌هان سالانه ته‌نێ ژ بۆ به‌رژه‌وه‌ندیێن خوه د ناڤ پەکەکێ دا نه و دژمناتیا کورد و کوردستانێ ئه‌رکا وان یا هه‌ری گرنگه، ئه‌ڤ سه‌ردانا مژوویی ڕه‌خنه کرن و وه‌ک جاران گۆتنێن نه د ڕێدا بکارانین. گۆتنەک پێشیان هەیە کو دبێژە: سە درەوە کاروان دبورە، ئێدی که‌سه‌ک گۆتنێن وان ب جدی ناگره هه‌تا پێوست بە مرۆڤ به‌رسڤا وان بده. لێ مخابن وه‌ک کو ده‌هان سالان کرن هێشتا مه‌جالێ خوە دبینن ژه‌هرا خوه د ناڤ کوردان دا به‌لاڤ دکن. لێ د داویێ دا ئه‌و دێ د ناڤا ژه‌هرا کو به‌لاڤ دکن دا بخه‌ندقن.
د مه‌دیایا جڤاکی دا هنده‌ک به‌رمایێن سیاسه‌تا قرێژ یا پەکەکێ به‌حسا سه‌ردانا ترکیێ دکن و سه‌رۆکێ هه‌رێما کوردستانێ رەخنە دکن. لێ ئه‌وێن خوه ب ته‌مامی ڕاده‌ستی ده‌وله‌تێ کرین و هه‌رده‌می وه‌ک سیخووره‌کێ ده‌وله‌تا کوور کار کرن نها ڤێ سه‌ردانێ ڕه‌خنه بکن یان ژی ل گۆرا مه‌ژیێ خوه سه‌رۆکێ هه‌رێما کوردستانێ تاوانبار بکن، بڤێ نه‌ڤێ پێدڤیە بەرسڤا وان بێ داین .
ئیرۆ ڕۆژهلاتا ناڤین دکه‌له، هه‌ر وه‌لات هه‌ولدده به‌رژه‌وه‌ندیێن خوه بپارێزه و ب ئاوایه‌کی ڤی ئاگری ژ خوه دوور بێخه. کوردستان ژی، وه‌ک گه‌له‌ک سەرده‌مان، د قۆناغه‌ک حه‌ساس دا ده‌رباس دبه. پێوستی دپلۆماسیه‌ک گه‌له‌ک ب هێز هه‌یه کو، خاکا ئازاد بێ پاراستن و چو ئاگر پێنه‌که‌ڤن. ئه‌ڤا کو ئیرۆ سه‌رۆکێ هه‌رێما کوردستانێ نێچیرڤان بارزانی دکه ئه‌ڤه دەستکەفتیەن هەرێما کوردستانێ بپارێزە، پێڤاژۆیا ئاشتییێ ل باکور سەربکەڤە و رۆژاڤایێ کوردستانێ ژی ب نافێن خوە یێن نەتەوی شاد ببە. .
تێ زانین کو نێچیرڤان بارزانی ئه‌نده‌زیاره‌ک یێ پێڤاژۆیا کو ل ترکیێ و باکورێ کوردستانێ ده‌ستپێکریه. ئه‌ڤ پێڤاژۆ ژ بۆ باشوورێ کوردستانێ ژی گه‌له‌ک گرنگه. هلوەشاندنا پەکەکێ و چەکدانان وێ کا چه‌وا کو ل باکور ئاسته‌نگا هه‌ری مه‌زن د ڕێیا ته‌ڤگه‌را ئازادخوازا کوردستانێ دا ژ هۆلێ ڕادکه، د هه‌مان ده‌مێ دا ته‌هدیده‌ک مه‌زن ل سه‌ر ده‌ستکه‌فتیێن باشوورێ کوردستانێ ژی به‌رته‌رەف دکه. ئه‌ڤ یه‌ک باش تێ زانین .
هه‌روه‌ها ئه‌ڤ پێڤاژۆ ژ بۆ به‌رژه‌وه‌ندیێن ڕۆژاڤایێ کوردستانێ ژی گه‌له‌کی گرنگه و ڕێیا کو کورد مافێن خوه بده‌ستڤه بینه ڤه‌دکه. ده‌ما کو، ئه‌وێن بارزانی ژ بۆ سه‌ردانا ئه‌نقه‌ره ڕه‌خنه دکن، دبێژن بلا بێ قه‌ید و شه‌رت هەسەدە خوه ڕاده‌ستی شامێ بکن. نێچیرڤان بارزانی گه‌له‌ک ڤه‌کری ژ سه‌رۆکێ سووری ئحمەد شەرع را گۆتیه: دڤێ هوون بزانن کو ل سوریێ مه‌رکه‌زیه‌ت نه ممکنه ، ئه‌گه‌ر ئه‌ڤ یه‌ک ببه دێ وه‌ک به‌رده‌وامیا رژێما به‌رێ به. نێچیرڤان بارزانی د ئخاڤتنا خویا رۆژا ٨\١٠\٢٠٢٥ێ دا د پانالەکێ دا ل کۆربەندا میری دبێژە:
- یه‌ک خال گرنگه، کو ئه‌م باوه‌ر دکن خاله‌کا ناکۆکی یه د نێرینا مه یا ب شامێ ڕا، ئه‌و ژی ئه‌وه کو ئه‌م باوه‌ر ناکن سووریێ ب ئاوایه‌کی ناڤه‌ندی دکاره بێ برێڤه‌برن. ئه‌ڤ خالا ناکۆکه، هه‌تا من بخوه د جڤینا خوه یا ب سه‌رۆک ئه‌حمه‌د ئه‌لشه‌رع ڕا قالا وێ کریه و من ژێ ڕا گۆتیه: ل سوریێ مه‌رکه‌زیه‌ت نه ممکنه. ل سووریه نه ته‌نێ یه‌ک پێکهاته هەیە، به‌لکی گەلەک پێکهاته نه؛ کورد، دروز، عه‌له‌وی، کریستیان، ئه‌ڤ هه‌موو پێکهاته‌یێن سووریێ نه. ئیجار تو بێژی ئه‌ز دێ سووریێ ب مه‌رکه‌زییه‌تێ برێڤه ببم، به‌شار ئه‌سه‌د چوو، یه‌کی دن هات جیهێ وی و ناڤه‌ندییه‌ت وه‌کی خوه دمینه! ئه‌م ل هه‌رێما کوردستانێ پشتگریێ نادن ڤێ نێرینێ .
گه‌لۆ هه‌لوه‌ستا نێچیرڤان بارزانی یا کوردستانی، ژ بۆ چ ئه‌ڤقاس ڤان بازرگانێن سیاسی عاجز دکه؟
١٠\١٠\٢٠٢٥
نێرین/شرۆڤه
