سه‌رۆکێ هه‌رێما کوردستانێ نێچیرڤان بارزانی و بالیۆزێ ئامه‌ریکایێ یێ ل ترکیه‌یێ تۆماس باراک رۆژا ٢١\١٠\٢٠٢٥ێ ب ڕێیا ته‌له‌فۆنێ ئاخڤین.
هه‌ردویان، د ڤێ پەیوەندییا تەلەفۆنی دا، ڕه‌وشا سووریه‌یێ و پێشکه‌تنێن داوی یێن هەرێمی و ب تایبەتی ل سووریەیێ نرخاندن. ئه‌و هەر دو هه‌ڤهزر بوون کو، دڤێ پرسگرێکێن سووریەیێ ب دیالۆگ و لهەڤتێگهەشتنێ بهێن چاره‌سه‌رکرن.
تۆماس باراک کو، د هەمان دەمێ دا نوونەرێ سەرۆک ترەمپ ە بۆ کاروبارێن سووریەیێ، سپاسیا سه‌رۆک نێچیرڤان بارزانی کر ژ بۆ ڕۆلا وی د چاره‌سه‌رکرنا پرسگرێکێن گەلێ کورد ل سووریه‌یێ ب شامێ را و داخوازا به‌رده‌وامیا ڕۆلا وی یا ئه‌رێنی کر.
