سه‌رۆککۆمارێ ترکیه‌یێ ڕه‌جه‌پ تەیییپ ئه‌ردۆگان ده‌ربارێ ئیحتمالا به‌ردانا هه‌ڤسه‌رۆکێ به‌رێ یێ هەدەپێ سه‌لاحەدین ده‌میرتاش دا گۆت: “دادوه‌ری د ڤێ مژارێ دا چ ببێژه ئه‌م دێ ل گۆری وێ ته‌ڤبگه‌رن.”
سه‌رۆککۆمارێ ترکیه‌یێ پشتی جڤینا کۆما پارتییا خوه یا ل پەرلامه‌نتۆیا ترکیه‌یێ، بەسڤا پرسێن ڕۆژنامه‌ڤانان ئێن ده‌ربارێ ڕۆژه‌ڤێ ب گشتی و پێڤاژۆیا ئاشتییێ ب تایبەتی دان.
ئه‌ردۆگان ل سه‌ر پرسا ده‌ربارێ ئازادکرنا ده‌میرتاش پشتی بریارا داوی یا دادگه‌ها مافێن مرۆڤان یا ئه‌ورۆپایێ گۆت:
“ئه‌ڤ وه‌لات وه‌لاتێ دادوه‌ریێ یه، دادوه‌ری د ڤێ مژارێ دا چ ببێژه ئه‌م دێ ل گۆری وێ ته‌ڤبگه‌رن.”
هه‌ڤسه‌رۆکێ گشتی یێ به‌رێ یێ هەدەپێ سه‌لاحەدین ده‌میرتاش ژ ٤ێ چریا پاشین یا سالا ۲۰۱٦ئان ڤه ل گرتیگه‌ها ئه‌دیرنه‌یێ گرتی یه.
