ته‌ڤی دوورپێچێن ئەمریكایێ قەباره‌یا هنارده‌یا  ئیرانێ بۆ عیراقێ زێده‌ بوویه‌

ژوورا هه‌ڤبه‌ش ئا بازرگانی یا ئیران و عیراقێ ئاماره‌که‌ نوو ده‌ربارێ رێژه‌یا هنارده‌یا ئیرانێ بۆ عیراقێ ده‌ به‌لاڤ کر، کو ل گۆری داتایێ وێ، قه‌باره‌یا هنارده‌یا که‌لووپه‌لێن ئیرانێ بۆ عیراقێ ب رێژه‌یا ژ سه‌دی ۳۱ زێده‌ بوویه‌. ل گۆری ئامارێن ژوورا هه‌ڤبه‌ش ئا بازرگانی یا ئیران و عیراقێ، د شه‌ش مه‌هێن ده‌ستپێکا ئیسال ده‌ ئیرانێ ۴ ملیار و ۱۶۰ ملیۆن دۆلار که‌لووپه‌ل هنارده‌یی عیراقێ کریه‌ و ب ڤێ یه‌کێ ژی رێژه‌یا هنارده‌یا ئیرانێ بۆ عیراقێ ل گۆری سالا بهۆری ژ سه‌دی ۳۱ بلند بوویه‌. سه‌رۆکێ ژوورا هه‌ڤبه‌ش ئا بازرگانی یا ئیران و عیراقێ، یه‌حیا ئال ئیسهاق راگهاند، ئه‌و که‌لووپه‌لێن کو د ۶ مه‌هێن ده‌ستپێکا ئیسال ده‌ ژ ئالیێ ئیرانێ ڤه‌ بۆ عیراقێ هاتنه‌ هنارده‌کرن، ژ په‌رچه‌ یه‌ده‌کێن تۆرباینان، به‌رهه‌مێن پلاستیکی، که‌ره‌سته‌یێن ناڤ مالان، که‌ره‌سته‌یێن مه‌تبه‌خێ، سارنج ئانکو سه‌لاجه‌، کۆلێر ئانکو موبه‌ریده‌، ماده‌یێن خوره‌کی و هه‌روها چه‌ندین که‌لووپه‌لێن دن پێک تێن.بلندبوونا قه‌باره‌یا هنارده‌یا ئیرانێ بۆ عیراقێ د ده‌مه‌کێ ده‌ یه‌، کو ئەمه‌ریکا پشتی ده‌رکه‌تنا ژ رێکه‌ڤتنا ئه‌تۆمی یا ب ئیرانێ ره‌، سزایێن ئابۆری ل سه‌ر وی وه‌لاتی توند کرنه‌، و داخواز ژ وه‌لاتێن هه‌ڤپه‌یمان و ته‌ڤاهیا وه‌لاتێن جیهانێ کریه‌، کو ته‌ڤگه‌رێن خوه‌ یێن بازرگانی ل گه‌ل ئیرانێ راوه‌ستینن، ئه‌گه‌ر نا دێ وه‌رن سزادان

نێرین / شیرۆڤە