مژارێن جڤینا دگەل نوونەرێن یەكێتیا ئەورۆپایێ

كۆنسول و نوونەرێن وەلاتێن یەكێتیا ئەورۆپایێ یێن كو كۆنسولخانە و ئۆفیسێن وان ل ھەولێرێ ھەنە، رۆژا 2020.09.16 ل ئاڤاھیا سەرۆكاتیا ھەرێما كوردستانێ مێڤانێن نێچیرڤان بارزانی  بوون.

نێچرڤان بارزانی سەرۆكێ ھەرێما كوردستانێ د ڤێ جڤینێ دا خوەست كو كۆنسول و نوونەرێن وەلاتێن یەكێتیا ئەورۆپایێ ل سەر ڤان خالان ئاگار بكە و زانیاریێن راست و دروست ب وان بدە؛ رەوشا گشتیا ھەرێما كوردستانێ، تێكەلیێن ناڤبەرا ھەولێر و بەغدایێ و پرۆسەسا دیالۆگا چارەسەركرنا پرسگرێكێن ھلاویستیێن ناڤبەرا ھەولێر و بەغدایێ، تێكەلیێن ھەرێما كوردستانێ دگەل وەلاتێن جیران، گەفێن ل سەر ھەرێما كوردستانێ، مەترسێن بەلاڤبوونا ڤیروسا كۆرۆنایێ و ئەنجامێن وێ، رووبرووبوونا گەفێن داعشێ، دەرباسكرنا رەروشا دژوارا ئابۆری و پرۆسەسا چاكسازیێ ل ھەرێما كوردستانێ.

نچیرڤان بارزانی ژ كۆنسول و نوونەرێن وەلاتێن یەكێتیا ئەورۆپایێ ر ا گۆت: ئەم گەلەك سپاسیا وە دكن، كو وە د دەمێن دژوار و نەخوەش دا د چارچۆڤەیا ھەڤپەیمانیا ناڤدەولەتی یا ب سەرۆكاتیا ئەمریكایێ ل دژی داعشێ پشتگریا مە كر و ئالیكاریێن مرۆڤی پێشكەشی كۆچبەر و پەنابەرێن ل ھەرێما كوردستانێ كر، نھا د وارێ رووبرووبوونا كۆرۆنایێ دا ژی ھوون ئالیكاریا مە دكن.

سەرۆكێ ھەرێما كوردسانێ ژ مێڤانێن خوە را گۆت كو پرۆسەسا چاكسازیێ ل ھەرێما كوردستانێ د ھەموو واران دا بەردەوامە و گەلەك گرنگ و پێدڤیە وەلاتێن یەكێتیا ئەورۆپایێ د وارێ چاكسازیان دا ژی ئالیكاریا ھەولێرێ بكن.

نێچیرڤان بارزانی ژ نوونەرێن یەكێیا ئەورۆپایێ را زەلال كر كا ھەرێما كوردستانێ چ ژ حكومەتا بەغدایێ دخوازە و گۆت: ھەرێما كوردستانێ پشتەڤانیا حكومەتا ب سەرۆكاتیا برێز مستەفا كازمی دكە، ھەرێما كوردستانێ دخوازە، ل گۆر دەستوورا بنگەھین یا عیراقێ، ھەموو پرسگرێكان ب بەغدایێ را چارەسەر بكە ب ئاوایەكی كو ھەموو مافێن ھەرێما كوردستانێ پاراستی بن و سیستەما فەدەرالی كا چەوا د دەستوورێ دا ھاتیە دیار كرن وەسا بھێتە ب جھكرن. عیراق ھینگێ ئارام دبە كو بەغدا و ھەولێر ئاریشەیێن خوە چارەسەر بكن، ھەموو پێكھاتەیێن عیراقێ د رێڤەبرنا وەلات دا بەشدار بن.

نێچیرڤان بارزانی تەكید ل سەر وێ یەكێ كر كو ل عیراق و دەڤەرێ ھەرێما كوردستانێ وەكە ھەرتم دێ فاكتەرێ تەناھی و ئارامیێ بە و ئەو دخوازن تێكەلیێن خوە دگەل وەلاتێن جیران ل سەر بنگەھێ بەرژەوەدنیێن ھەڤبەش پێش بخە و ب تایبەتی دگەل كۆمارا ئیسلامیا ئیرانێ و تركیێ كو تەڤگەرەكا بازرگانیێ یا مەزن د نڤابەرا وان دا ھەیە.

سەرۆكێ ھەرێما كوردستانێ دیار كر كو ل گەلەك دەڤەرێن عیراقێ جارەك دی چەكدارێن داعشێ دەركەتنە ژ بەر ڤێ یەكی گۆت كو ژ بۆنا بەرھنگاربوونا داعشێ پێدڤیە ھەڤئاھەنگیەك باش د ناڤبەرا پێشمەرگەیێ كوردستانێ و ئارتەشا عیراقێ دا ھەبە ب ئاوایەكێ كو ب ھەڤ را دەڤەرێن مادەیا 140   بپارێزن.

ل داویێ ژی کۆنسول و نوونه‌رێن وه‌لاتێن یه‌کێتیا ئه‌ورۆپایێ  چه‌ند پرسیار  ده‌ربارێ مژارێن جڤینێ، دیالۆگا ستراته‌ژیا ئه‌ریکا – عیراق و سه‌ردان و هه‌ڤدیتنێن ڤێ داویێ یێن سه‌رۆک نێچیرڤان بارزانی ل به‌غدا و ئه‌نقه‌ره‌ و چه‌ند پرسه‌ک دن‌ د ده‌ربارێ ڕه‌وشا ناڤچه‌یێ کرن و دووپات کرن کو وه‌لاتێ وان  گرینگیەك تایبەت ب په‌یوه‌ندیێن خوە یێن دگەل هه‌رێما کوردستانێ ددن

نێرین / شیرۆڤە