گازی و هاوارا نڤیسکارەکێ کورد: کوردستان ل بەردەم مەترسیێ دایە
ئەز وەک نڤیسکار و ڕەوشەنبیرەکێ کورد، ئیرۆ گازی و هاوارا خوە دگەهینم هەموو ئالییەکی؛ کو پشتی کارەسات و فرۆتنا کەرکووکێ، ئەگەر ڕێگری ل بافل تالەبانی و سیاسەتا “جەلالیان” نەهێتە کرن، رەوش دێ بەر ب کارەساتەکا مەزنتر ڤە بچە. ئیرۆ کەرکووک هاتە ڕادەستکرن، سبەهی دێ دهۆک و هەولێر بن، و ل دوماهیێ ژی سلێمانی و هەموو کوردستان دێ کەڤنە دەستێ داگیرکەران. بافل تالەبانی ب ڤی عەقڵ و ئخەیالێن خوە نەک تەنێ بەرژەوەندیێن نەتەوەیی ناپارێزە، بەلکو بوویە ئالەتەک د دەستێ داگیرکەران دا.
ئارمانجا سەرەکی یا بافل و ئەڤێن دگەل دا نەک خزمەتا کوردستانێ یە، بەلکو تەنێ تێکدانا پێگەهێ بارزانیان نە. ئەو د ئامادەنە هەموو دەستکەفتێن نەتەوەیی یێن کو ب خوینا هزاران شەهیدان و ب ڕێبازا بارزانی و قوربانیدانا پێشمەرگەیێن قارەمان هاتینە دەستڤەئینان، ژ پێخەمەت تۆلەستاندنەکا دیرۆکی و کینەکا کەسۆکی بفڕۆشن.
بانگەوازەک بۆ وەڵاتپارێزێن د ناڤ یەکێتیێ و خەلکێ سلێمانیێ
ئەز گازیێ ل کەسایەتیێن کوردپەروەر د ناڤ ڕێزێن یەکێتییێ دا دکم؛ بێدەنگیا وە وێرانکاریێ ل دووڤ خوە دئینە. ئەگەر هوون ڕانەبنە سەر پێیان، نەک تەنێ بارزانی، بەلکو هەموو کورد دێ بنە قوربانی و ئەڤ ئازادییا مە هەی ژی دێ ژ دەست مە هەرە. ئیرۆ نەخشەیێن نوو دەلەتێن نوو ل دەڤەرێ دهێنە کێشان، د دەمەکێ دا کو داگیرکەر بەر ب لاوازبوونێ ڤە دچن، مخابن بافل تالەبانی دخوازە کوردستانێ تەسلیمی دژمن و داگیرکەران بکە.
خەلکێ سلێمانیێ یێ سەربلند و کادرێن وەلاتپارێزێن یەکێتییێ! بێدەنگی د ڤی دەمی دا واتە قەبوولکرنا کۆلەیی و ڕەزیلیێ یە. پێویستە هوون ب هەلوێست و پرۆتێستۆیێن خوە تخووبەکی بۆ ڤان کریارێن تێکدەرانە دانن.
گازی بۆ سەرکردایەتییا سیاسی یا کوردستانێ
- بۆ جەنابێ سەرۆک مەسعود بارزانی: داخوازێ ژ جەنابێ وە دکم کو ل هەمبەر ڤان تاوانێن بافل تالەبانی بێدەنگ نەبن، و ل سەر ئاستێ ناڤدەوڵەتی و ناڤخوەیی هەلوێستەکێ توند وەربگرن بۆ ڕاگرتنا ڤێ فرۆتنا کوردستانێ.
- بۆ جەنابێ نێچیرڤان بارزانی، سەرۆکێ هەرێما کوردستانێ: هیڤییا مە ئەوە ب ڕێیا دیپلۆماسی و کۆنفەڕانس و کۆمبوونێن ناڤدەوڵەتی، پەردێ ل سەر ڤان پیلانان لادەن و ڕێ ل ڤێ خیانەتێ بگرن.
- بۆ جەنابێ مەسرور بارزانی، سەرۆکێ حکومەتێ: داخوازێ دکم کو جەنابێ وە ب هێزا پێشمەرگەی و ب ڕێکارێن قانوونی و سیاسی یێن توند، موداخەلەیێ د ڤان تاوانێن بافل دا بکن و نەهێلن نیشتمان پارچە پارچە ببە.
بێدەنگیا مللەتێ کورد، ب تایبەت خەلکێ سلێمانیێ، دێ ببە ئەگەرێ هندێ کو پشتی کەرکووکێ، دهۆک و هەولێر و سلێمانی ژی بکەڤن. دەردێ بافل و تاقما وی نەک کوردستانە، بەلکو تەنێ کۆمکرنا پارەیە، و داگیرکەر ژی ب ڕەحەتی ڤی پارەی ددەنێ دا کو کوردستانێ پارچە بکن.
کوردینۆ! بافل تالەبانی یاریەکا مەترسیدار دکە. بێدەنگیا سەرکردێن باشوور و گەلێ کورد دێ ببە ئەگەرێ ژناڤچوونا کوردستانا ئازاد. ڕابن و بێژن: ئێدی بەسە!
نڤیسکار و ڕەوشەنبیرەکێ کورد
