بەهرەم سالح ژ بۆ ڕێ ل پارچەبوونا عیراقێ بگرە بوو سەرۆک کۆمار

ڕۆژنه‌مه‌یا ئەمه‌ریکی واشینگتۆن پۆست، د ده‌ربارێ هلبژارتنا به‌رهه‌م سالح وه‌ک سه‌رۆک کۆمارێ عیراقێ راپۆرتەك وەشاندیە و د وێ راپۆرتێ دە سەدەمێن كو بەرھەم سالح بوو سەرۆك كۆمار دنرخینە و ددە ئەشكەرە كرن كو ژبونا رێ ل پارچەبوونا عیراقێ بێ گرتن عەرەبان سالح ھلبژارت.واشینگتۆن پۆست دبێژه‌ کو، ژ بۆ ڕێ ل پارچه‌بوونا عیراقێ بێ گرتن به‌رهه‌م سالح بوویه‌ سه‌رۆک کۆمارێ عیراقێ. هه‌روه‌ها ڕۆژنامه‌ دده‌ خوویاکرن کو، به‌رهه‌م سالح ده‌ما کو ڕه‌فه‌راندوما سه‌رخوه‌بوونا کوردستانێ ده‌ نه‌ ئاکتیف بوو و خوه‌ ژ ڕه‌فه‌راندومێ دوور خستبوو.هه‌روه‌ها د نڤیساندنا خوه‌ ده‌ واشینگتۆن پۆست به‌حسا به‌ربژێریا فواد حسێن ژی دکه‌ و دبێژه‌: بێ گومان ژ بۆ عیراقیان(عه‌ره‌بان) که‌سه‌ک کو ڕێ ل پارچه‌بوونا عیراقێ بگره‌ ببه‌ سه‌رۆک کۆمار باشتره‌، نه‌ که‌سه‌ک وەكە فواد حسێن کو د ڕه‌فه‌راندوما سه‌رخوه‌بوونا کوردستانێ ده‌ ڕۆله‌ک ئاکتیف گێراندبە.ڕۆژناما ناڤبوری به‌حسا داخوویانیێن به‌رهه‌م سالح یێن پشتی ڕه‌فه‌راندومێ ژی دکه‌ و دبێژه‌: به‌رهه‌م سالح گۆتیه‌ ئەنجامدانا ڕه‌فه‌راندومێ خه‌له‌ت بوو. ژ بۆ وێ ژی عیراقیان ئه‌و کرن سه‌رۆک کۆمار.

نێرین / شیرۆڤە