کۆنگرە دەلیڤەیە کو پارتی پێداچونێ د ئیدارێ و حکومەتێ دا بکە

پرسێن مالپەرێ سبەهێ:

ژ کۆنگرەیێ ١٣ یێ پارتییا دەمۆکراتا کوردستان هەتا نها ١٢ سال دەرباس بوون، د ناڤا ڤان ١٢ سالان دا گەلەک بوویەر قەومین و ل دەڤەرێ گەلەک گوهەرتن چێبوون. د رۆژا مە یا ئیرۆ ژی دا،  دەڤەر د ناڤ کەلینێ دایە و بەر ب گوهەرتنێن مەزنتر دچە. ل باشوور ژی خەلک ب ئاوایەکی گشتی ژ رەوشا هەیە نەرازیە و گەلەک گلی و گازندە هەنە. د ناڤ ڤێ رەوشا :ئالۆز و تەژی تەڤلیهەڤی دا دێ پەدەکە کۆنگرەیێ خوە یێ ١٤ێ بکە. 

١- وە چ هیڤی ژ کۆنگرەیێ ١٤ێ یێ پەدەکێ هەنە؟

٢- ل سەر ئاستا ناڤدەولەتی و جیهانی  پێشنیارێن وە ژ بۆ کۆنگرەێی هەنە؟

٣- ل سەر ئاستا ناڤخوەیی، ب تایبەتی ئیدارە و حکومەتێ وە چ پێشنیار هەنە؟

٤- ژ بۆ گوهەرتنێن ناڤخوەیا پارتی و هەیکەلێ وێ هوون چ پێشنیار دکن؟ 

بەرسڤێن بەدرخان زاویتەیی:

– کۆنگرەیێ پارتییا دەمۆکراتا کوردستانێ (پارتی) د ڤێ قوناغێ دا 

پێتڤیەکا ھەرا مەزن یا دۆزا کوردیە بو خوە حازرکرن بو قوناغا داھاتی، چونکی پێشبینیا گورانکاریێن مەزن دئێتەکرن د دەڤەرێ دا، لەورا چاڤەرێ دئێتەکرن پارتی ب پلان و ستراتیجیەتەکا نوو تەڤلی ڤان تەحدیات و گورانکاریان ببیت و بدیتن و حازری بەرامبەر پیلانا راوەستیت. 

٢_ پارتی حزبەکە کو بەردەوام کۆنگرەیێن وێ جھێ پیتەدانا ھەرێمی و ناڤدەولەتی بویە چونکی دۆزا کوردی پێڤە گرێدایە و بەردەوام چاڤدێریەکا مەزن ل کونگرەیێ پارتی و دروشمێن پارتی و پلان و ستراتیجیەتا پارتی ھاتیەکرن. لەورا گرنگە ل ڤی کۆنگرەیی ئێدی پارتی کارەکێ جدی و مەزن بکەت بۆ دروستکرنا لوبیین بھێز ل سەر ئاستێ ناڤدەولەتی و کارکرن بۆ دەرباسکرنا دۆزا کوردی ژ ڤێ قوناغێ بو قوناغەکا باشتر. 

٣_ کونگرە دەلیڤەکا مەزنە بۆ پارتی کو پێداچونێ د پلان و بەرنامێن خوە یێن ئیداری و حکومەتێ دا بکەت وەک پارتییەکا دەستھەلات و بەردەوام گورانکاریێ بکەت بو پاراستنا دەستھەلاتا خوە و خزمەتکرنا خەلکێ کوردستانێ . 

٤_ ژ خوە کونگرە بۆ پێداچون د پەیرەوێ نافخوە یێ حزبێ دئێتەکرن و ھەیکلیەتا حزبی و بەردەوام گورانکاری تێدا بێنەکرن بو گونجاندنا وی دگەل بارودوخێ ناوچێ و خەلکێ کوردستانێ  و گرنگە ل ڤی کونگرەیی ئێدی پارتی گورانکارین مەزن و بەرچاڤ د ھەیکلیەتا حزبی و شێوازێ رێکخستنێدا بکەت.

نێرین / شیرۆڤە