کێ دنیا هەژاند و کورد زیندی کرن

 ئه‌و مه‌لا مسته‌فا یێ نه‌مر بوو کو ب شۆره‌ش ئیلۆنا سالا ۱۹٦۱ێ کو ب گوله‌یا ئه‌ول ژ بۆنا ئازادی و سه‌رخوه‌بوونا کوردستانێ ته‌قاند، هەم کورد ژ وێ ترسا داگیرکه‌ران خستبوون ناڤا وان رزگار کرن  و هەم ژی دنیا هه‌ژاند  و گۆت: کورد نامرن دێ هه‌ر زیندی بن.

ئه‌و بارزان یێ کو سه‌رۆک و ڕێبه‌رێ گه‌لێ خوه‌ بوو. ئه‌و ب هه‌لوه‌ست و قه‌رار و بیره‌ورێ گه‌لێ خوه‌ بوو کو گه‌لێ خوه‌ د ناڤا پەنجێن داگیرکه‌ران دا نه‌هشت.

ئه‌و سه‌رۆکێ نه‌ته‌وه‌یی بوو کو ب هه‌می هێز و قوه‌تا خوه‌ و بێ وه‌ستان شه‌ر ژ بۆنا ئازادی و سه‌رخوه‌بوونا گه‌لێ خوه‌ کر.

ئه‌و سه‌رۆکێ نه‌ته‌وه‌یی بوو کو ژ بۆنا گه‌لی وی ڕێیا خوه‌  شاش نه‌که‌، ژ بۆ وان ڕێ و ڕێبازه‌ک، ئانکۆ فه‌لسه‌فه‌یه‌ک ئاماده‌ کر کو کورد ل گۆر وێ ڕێبازێ ته‌کۆشین و خەباتا خوە بکن.

ئه‌و سه‌رۆکێ نه‌مر بوو کو هه‌می زارۆک و نه‌ڤیێن خوه‌ ب ڕوحیه‌تا کورد و کوردستانی مه‌زن کر و ب وان دا زانین کو هه‌تا کورد نه‌بن ده‌وله‌ت دێ هه‌ر بنده‌ست و په‌ریشان بن.

ئه‌و بارزانی یێ نه‌مر بوو کو دژمنێ خوه‌ باش ناس دکر لۆما قه‌ت ب گۆتن و سۆزێن وان باوه‌ری نه‌دئانی.

ئه‌و بارزانیێ نه‌مر بوو کو ب سایا وی، ل گۆر ڕێبازا وی، ئیرۆ ئه‌م ل باشوورێ کوردستانێ خوه‌دیێ خوه‌ و ده‌وله‌تا خوه‌ یا کو هێشتا د قادا ناڤنه‌ته‌وی دا نه‌هاتیه‌ ناسین.

ئه‌و سه‌رۆک و ڕێبه‌رێ گه‌لێ خوه‌ بوو کو ژ بۆنا ئازادی و ئاڤادانا گه‌لێ خوه‌، ژ بۆنا شیاربوون و ته‌کۆشینا وی و ژ بۆنا کورد ب ڕوحیه‌ته‌کا نه‌ته‌وه‌یی ته‌کۆشینا گه‌لێ خوه‌ بدن ئه‌و کرن خوه‌دی ڕێباز و فه‌لسه‌یه‌ک نه‌ته‌وه‌یی.

ئه‌و بارزانی یێ نه‌مر بوو کو باش دزانی کو هه‌تا کورد ب هشێ خوە نه‌بن نه‌ته‌وه‌یی دکاره‌ ژ بۆنا به‌رژه‌وه‌دیا خوه‌ وه‌لاتێ خوه‌ بفرۆشه‌.

ئه‌و بارزانی یێ مه‌زن بوو کو ب سایا وێ ڕێبازا ژ بۆنا مه‌ کوردان دانی بوو، ئیرۆ ئه‌م ل باشوورێ کوردستانێ ب ئازادی و سه‌ربه‌ستی دژین و دێ د ده‌مه‌که‌ نێزیک دا ئه‌و هه‌بوون ببه‌ ده‌وله‌تا کوردی یا سه‌ربخوه‌.

ئه‌و بارزانی یێ مه‌زن بوو کو د دلێ هه‌ر کورده‌کی ژ وه‌لاتێ خوه‌ هه‌ز دکه‌ جهێ خوه‌ ڤه‌کر و خوه‌ د وی دلێ ژ بۆنا کوردستانی لێ ددا ب جه کر.

ئه‌و بارزانی یێ مه‌زن بوو کو ب گولەیا شۆره‌شا ئیلۆنێ کورد زیندی کر و ڕوحیه‌تا کورده‌واری ژ نوو ده‌ دا وان.

ئه‌و بارزانییێ مه‌زن بوو کو ب کوردان دا فێم کرنێ هه‌تا کورد نه‌بن خوه‌دی ده‌وله‌تا خوه‌، دێ هه‌ر لبه‌رخوه‌ بدن، هه‌تا کو مافێ خوه‌ یێ ڕه‌وا ب ده‌ست بخن.

ئه‌و بارزانی یێ مه‌زن بوو کو ب شۆره‌شا گولان ۱۹۷٦ئ ئەساسێ ده‌وله‌تا کوردی دانی. ل گۆر وێ ڕێبازێ ئه‌م کورد ئیرۆ ل باشوورێ کوردستانێ خوه‌دیێ خوه‌ و ده‌وله‌تا خوه‌ نه‌.

ئه‌م کورد قه‌رزدارێ وی بارزانی یێ مه‌زنن. دڤێ ئه‌م وێ داخوازا وی یا ژ بۆنا کوردستانه‌کا سه‌ربخوه‌، پێک بینن.

دڤێ ئه‌م بارزانی یێ مه‌زن و هه‌می سه‌رۆکێن ژ بۆنا کوردستان ئازاد و سه‌رخوه‌ ببە بوونه‌ جانگۆری، ژ بیر نه‌کن و تێبکۆشین هه‌تا کو مزگنیا کوردستانا سه‌ربخوه‌ بگەهینینه‌ وان دا کو ئه‌و ژی بزانن  کو زارۆک و نه‌ڤی و گه‌لێ وان ئەو ئالا وان  ژ بۆنا کوردستانه‌کا سه‌ربخوه‌ هلگرتبوو، گەهاندن ئارمانج  وێ…

ڕوحێ وی شاد مه‌کانێ بارزانی یێ نه‌مر هه‌ر ڕۆنی به‌. هه‌تا جیهان هه‌به‌ دێ بارزانی یێ نه‌مر ژی د دلێ کوردان دا هه‌ر بژی.

بارزانی یێ نه‌مر ب ته‌کۆشین و به‌رخوه‌دانا ژ بۆنا کوردستانه‌کا سه‌ربخوه‌ ترسا کو وی خستبوو دلێ داگیرکه‌ران ژی دێ هه‌ر به‌رده‌وام به‌.

بارزانی یێ مه‌زن نه‌مره‌ و تم د دلێ مه‌ کوردان دا زیندی دژی و دێ بژی…

بارزانی یێ نه‌مر

ئه‌و بوو ئه‌و بارزانی یێ نه‌مر

خه‌بات کر بۆ کورد نه‌مرن

پێک ئانی وی ئه‌و باوه‌ریا خوه‌

لێ نه‌دیت وی ئازادیا گه‌لێ خوه‌

کوردنۆ ببینن ئه‌و بارزانی بوو

نه‌ کێمێ چو مه‌زنێ جیهانی بوو

ب خه‌باتێن خوه‌ ئازادی ئانی بوو

بۆ مه‌ کوردان ده‌وله‌ت دانی بوو

ته‌مه‌نێ خوه‌ دا بۆ ڤێ دۆزێ

بێ ده‌نگ نه‌ما بۆ وێ سۆزێ

بووبێ گازی کر و گۆت؛ کوردنۆ

به‌رنه‌دن چو جار وێ ڕێبازێ

Bûbê Eser

نێرین / شیرۆڤە