ئیحتمالا هه‌ڤدیتنا سه‌رۆک پوتن و زیلینسکی ل دوبەی
به‌رده‌ڤکێ وه‌زاره‌تا ده‌رڤه یا ئەمریکایێ ماتیو میله‌ر راگەهاند کو، کیڤ دێ بریارێ ده‌ربارێ ئیحتمالا لدارخستنا هه‌ڤدیتنا سه‌رۆک پوتن و زیلینسکی ل دوبەیێ، د چارچۆڤه‌یا لووتکه‌یا ئاڤهه‌وایێ یا بهێت دا بده.
ڕێڤه‌بریا ئەمریکایێ ئیدیعا کر کو د چارچۆڤه‌یا لووتکه‌یا ئاڤهه‌وایێ یا نه‌ته‌وه‌یێن یه‌کبوویی “جۆپ۲۸” یا کو ب مێڤانداریا ئیماراتێ تێ لدارخستن دا بریارا ل سه‌ر ئیحتمالا هه‌ڤدیتنا سه‌رۆکێ رووسیایێ ڤلادیمیر پووتین و سه‌رۆکێ ئوکراینایێ ڤلادیمیر زیلینسکی دێ ژ ئالیێ کیڤ ڤه بێ دان.
ل گۆر به‌رده‌ڤکێ وه‌زاره‌تا ده‌رڤه یا ئەمریکایێ ماتیو میله‌ر، ئالیێ ئوکراینایێ ژ بۆ دانووستاندنێن دگه‌ل مۆسکۆیێ ئاماده یه.
میله‌ر د جڤینه‌کا چاپه‌مه‌نیێ دا گۆت: “ژ بۆ هه‌ر هه‌ڤدیتنه‌کا د ناڤبه‌را سه‌رۆک پووتین و سه‌رۆک زیلینسکی دا، ئه‌ز دبێژم کو بریارا سه‌رۆک زیلینسکی یه.”
ڕۆژنامه‌یا “ل ئۆره‌نت-له ژۆئور” ژی به‌ری نها ل سه‌ر زارێ چاڤکانیێن دیپلۆماتیک ئین ئه‌ورۆپی راگەهاندبوو کو “سه‌رۆکێ ئیماراتا عه‌ره‌بی شێخ محه‌مه‌د بن زاید ئال نه‌هیان ئاماده یه جڤینه‌کێ د ناڤبه‌را پوتن و زیلینسکی دا چارچۆڤەیا جڤینا بلند یا ئاڤهه‌وایێ یا نه‌ته‌وه‌یێن یه‌کبوویی، کو دێ د هه‌یاما ژ ۳۰ێ مژدارێ هه‌یا ۱۲ێ کانوونا پێشین یا ۲۰۲۳ئان دا ل دوبەیێ بهێتە لدارخستن.
ل گۆر رۆژنامه‌یا ل ئۆره‌نت-له ژۆئور، سه‌رۆکێ ئیماراتێ ب به‌رفره‌هی ل سه‌ر ڤێ ده‌ستپێشخه‌ریا پاپا فرانسیس ئاخڤی، کو “ب دلگه‌رمی پشتگری دا ڤێ فکرێ.” هه‌ر وها دیار کر کو وی فکرا خوه پێشکێشی سه‌رۆکێ ئەمریکایێ باید‌ن کر و وی ژی ئه‌و ئه‌رێ کر و ئاماده‌بوونا خوه ژ بۆ پێشکێشکرنا ئالیکاریێن پێویست ژ بۆ پێکانینا ئارمانجان نیشان دا.
میله‌ر نخوەست‌د زه‌لال بکه کا ئینیسیاتیفا ناڤبۆری ژ به‌رێ ڤه هاتیه پێشکێش کرن، ئان گه‌لۆ وه‌زاره‌تا ده‌رڤه و قه‌سرا سپی ل سه‌ر وێ گۆتووبێژ دکن، وی گۆت: “بلا قه‌سرا سپی شیرۆڤه بکه ل سه‌ر هه‌ر دانووستاندنێن کو ب سه‌رۆک را چێ دبن یان نا.”
