نڤیسار

ل پەراوێزا رۆژا جیـهانی یا زارۆکان 

مـووسا خـالد/ دهوک

یا دیارە کو رۆژا جیهانى یا زارۆکان د رێکەفتی  ٦/١ دا بوو ،زارۆک ئێک ژ وان شەنگەستێن سەرەکی نە یێن کۆ پرۆسەسا پەروەردە، فێرکرن، زانست و زانیاریێ ل سەر د هێتە ئاڤاکرن.  هەر وەلاتەکێ گرنگیێ ب تەخا زارۆکان بدەت دێ  پێشکەفتن و پێشڤەچوون ل وی وەلاتی هەبیت،  ژ بەر کو زارۆک پاشەرۆژا هەموو مللەتانە، لەوما پێتڤیە گرنگی ب زاروکان بهێتەدان ل سەر پەروەردەکرنەکا ساخلەم و رەوشتەکێ جوان و ل سەر هزروبیرا نەتەوەیی بهێتە پەروەردەکڕن.

 سالڤەگەرا رۆژا جیهانی یا زارۆکان پر خێر و تەندرۆست بۆ زاروکێن مە ب گشتی دخوازم (فەرە ل ھەموو رۆژان گرنگی ب زاروکان بھێتە دان نە بتنێ ل رۆژەکێ) بەلکۆ ھەموو دەما زارۆک پێدڤی ب حەژێکرنا دەیک و بابانە باشترە بەردەوام دلوڤانی پێ بھێتە برن و ب پەروەردەیەکا ئاڤاکەر بھێنە پەروەردەکرن و ب رێـڤـەبرن، چونکی تەخەکا هەستیارە و بربرا ئاڤکرنا هەر مللەتەکی و پێشڤەچوونا هەر جڤاکەکێ ب هەموو سێکتەرێن ژیانێ ب ئاڤاکرنا زارۆکان ڤە گرێدایە، ل گورەی پەروەردەیەکا ساخلەم.  لەورا یا پێتڤییە دایک و بابێن دلسۆز پاشان وەک ئەرک ماموستا بەردەوام رێنیشاندەر بن و پاشان جڤاکێ سڤیل و راگەهاندنا کوردی پێکڤە هەول و بزاڤا باشتر بۆ پێشڤەبرنا رۆلێ زاروکان بدەن.  یا فەرە هەموو تەخێن جڤاکێ ب گشتی خەمخۆریەک هەرە باش هەبن و بەردەوام ب ئێکدەستی د گەشەیا مەژی و هزری و لەشەکێ ساخلەم پەروەردەیەکا پری معریفەت و رەوشت بەرز و بەردەوام ب گرێدای خواندن و فێرکرنێ و کەش و هەوایەکێ زانستی دا بیت بۆ هندێ ببنە مرۆڤەکێ ئاڤاکەر و بەرهەمدار بن بۆ جڤاکێ کوردی و مرۆڤایەتیێ و بەختەوریێ دا بن. هێڤیدارین زارۆک دگەل خێزان و کەسوکارێن خوە د ژیانەکا بەختەوەردا بژین و مرۆڤ ژ زارۆکینیێ مەزن دبیت و وەرارێ و گەشێ دکەت ژلایێ لەشیڤە یان دەروونی و جڤاکی ڤە بەرهەمێ ژینگەها خوە یە ئەڤا تێدا دژیت، هەر تشتی د ژیانێ دا پەیوەندی ب زارۆکینیا مرۆڤان ڤە هەیە، لەورا زارۆکی ب ڤیان و خوشتڤی و  پەروەردەکا ساخلەم پەروەردە بکەن و حکومەت و جڤاک دا پاشەرۆژەکا گەشتر مە هەبیت،  ژ زارۆکان دەستپێبکەین و هەموو زارۆک مافێن خۆ ل دووڤ رێکەفتنامەیا جیهانی یا مافێن زارۆکان شاد ببن و دلخووشی بو هەموو خێزانان دخوازین و پێکڤە دگەل زارۆکێن خوە د ژیانەکا ئارامدا بن .

مـووسا خـالد

Back to top button