د دوازدەهەمین سالڤەگەرا کۆمکوژیا شنگالێ دا ئەم تاوانێن داعشێ ڕوورەش دکین و قوربانییان ب ڕێز و حورمەت ببیرتینین
ئەڤرۆ، ٣ێ تەباخێ، دوازدە سال ب سەر کارەساتا شنگالێ یا ب ئێش و ژان دەرباز دبن، دەمێ تیرۆرستێن داعشێ ب زۆلم و تاریاتییا هزر و بیرێن خوە هێرش کریە سەر شنگالێ و دەڤەرێن دەوروبەر. د وێ ڕۆژا ڕەش دا، خوشک و براین مە یێن ئێزدی راستی کۆمکوژی، کۆچبەرکرنا ب زۆری و توندوتیژیێ بوون، کو تاوانەکا مەزنە ل دژی مرۆڤایەتیێ.
ئێزدی، د وارێ دیرۆكێ و چاندی و چڤاكی دا، پشکەکا ڕەسەن و نەڤەقەتیایی یا گەلێ كوردە. ئەوا ل دژی وان هاتیا کرن برینەکا کوورە د جەستەیێ هەموو مللەتێ مە دا.
ب ڤێ هەلكەفتێ ئەم داخوازێ دكین كو بزاڤێن ناڤخوهیی وناڤدەولەتی و هەرێمی بەردەوام بن ژ بۆ ئاشکراکرنا چارەنڤیسێ هەموو بێسەرشووێن و رەڤاندیان و ڤەگەڕاندنا وان بۆ ناڤ خێزانێن وان.
ئەم تەكەزیێ ل سەر وێ یەكێ دكین كو پێدڤیە دەڤەرا شنگالێ ب ئاوایەكی بنەڕەتی بهێتە ئاڤەدانکرن و ئارامی و ئەولەهی بەرقرار ببە ل وێ هەموو دەڤەرێ ژ بۆنا كو هەموو ئاوارە و کۆچبەر ڤەگەرن سەر وارێ باب و بابكالێن خوە.
سەربەرزی و خوەڕاگری بۆ شنگالێ و خەلکێ وێ یێ دلێر.
مالپەرێ سبەهی
٣ تەباخا ٢٠٢٦
