ئێڤاریا رۆژا شهمبیێ ١٨\٤\٢٠٢٦، ههر د بهردهوامیا بهرنامهیا خوه دا ل فۆروما دیپلۆماسییا ئانتالیایێ، نێچیرڤان بارزانی، سهرۆکێ ههرێما کوردستانێ دگەل رهجهپ تەییپ ئهردۆگان، سهرۆکۆمارێ ترکیهیێ جڤیا.
د جڤینێ دا، ب بەرفرەهی گۆتووبێژ ل دۆر بهێزکرنا ههڤکاریا ترکیهیێ دگەل ههرێما کوردستانێ کرن و ل سهر ڕهوشا ناڤچهیێ، نێرینێن خوه ل ههڤ گوهارتن. ههردو ئالییان تهکهز ل پێگیریا خوه یا ههڤبهش یا ژ بۆ پێشێخستنا گهشهپێدانێ و پاراستنا ئارامی و تهناهیێ ل ناڤچهیێ کرن.
د بهشهکا دن یا ههڤدیتنێ دا، تهکهز ل فهرههکرنا ئاسۆیێن ههڤکاریا ههڤبهش یا د وارێن جودا دا هاته کرن و ههردو ئالیان دیسا گۆتن کو دیالۆگ ڕیا ههری دروست یا چارهسهرکرنا قهیرانان و پاراستنا بهرژهوهندیێن ههڤبهشه.
ژ ئالیێ خوه ڤه سهرۆک نێچیرڤان بارزانی سپاسیا سهرۆک ئهردۆگان کر ژ بۆ سهرکردایهتی و ههولێن وی یێن بهردهوام یێن ژ بۆنا ئارامکرنا ئالۆزیان و پاراستنا ئهولههی و تهناهییا ناڤچهیێ.
