د چالاکیەکا بژارتە دا وەرگێرا عەرەبی یا پەرتووکا (ل ژێر سیبەرا چیا) هاتە ئیمزاکرن
دهۆک | ٢١ نیسانا ٢٠٢٦
د بەردەوامییا چالاکییێن سەنتەر کۆماتە دا، رۆژا ٢١\٤\٢٠٢٦ێ ل باژێرێ دهۆکێ، ڕێوڕەسمێن ناساندن و ئیمزاکرنا وەرگێڕا عەرەبی یا پەرتووکا بیرەوەریێن شۆرەشێ یێن نڤیسکار “ڕزگار کێستەیی” ل ژێر ناڤێ (تحت ظلال الجبال: من ذكريات الثورة والمقاومة) ب ڕێڤەچوو.
ئەڤ ڕێوڕەسمە ژ لایێ پەرتووکخانەیا بۆتانی و ب هەڤکاری دگەل سەنتەرێ کۆماتە یێ دەکۆمێنتکرنا دیرۆکا شۆڕەشێ هاتبوو ڕێکخستن، کو تێدا دەستەبژێرەکا دیار ژ نڤیسکار، ڕۆژنامەڤان، ئەکادیمی و کەسایەتییێن رەوشەنبیری ئامادە ببوون.
پەرتووکا (ل ژێر سیبەرا چیا) کو بیرەوەریێن قۆناغەکا گرنگ یێن شۆڕش و بەرخودانا گەلێ کوردە د سەدەما شۆرەشا گولانێ دا وەرگێڕ “بلند داوود” هاتیە وەرگێڕاندیە بۆ سەر زمانێ عەرەبی. هەروەسا ژ ئالییێ نڤیسکار و دیرۆکناسێ ناڤدار “پ.د. عەبدولفەتاح بۆتانی” ڤە پێشگۆتن و پێشکێشکرن بۆ هاتیە نڤیسین.
