نێچیرڤان بارزانی سەرۆکێ هەرێما کوردستانێ د پەیامەکێ دا ب هەلکەفتا ١٢٨ سالییا رۆژا رۆژنامگەرییا کوردی تەئکیدێ ل سەر پابدندبوونا ب پاراستنا ئازادییا رۆژنامەگەرییێ و ئازادییا رەئی دەربرینێ وەکە پرەنسیپەک بنگەهین یێ دەمۆکراسیێ و جڤاکا مەدەنی.
سەرۆک نێچیرڤان بارزانی داخوازێ ژ ڕۆژنامەڤانان دکە کو ب دلسۆزی و پیشەیی بەرژەوەندییا گشتی و ئاشتییا جڤاکی بپارێزن و رۆلێ خوە د بجهئینانا چاندا پێکڤەژیانێ، هەڤدووقەبوولکرن و لێبۆردەییێ دا بگێڕن و ڕوحێ وەلاتپارێزیێ و حەزژێکرنا نیشتمانی گەش بکن.
سەرۆکێ هەرێما کوردستانێ دپەیاما خوە دا دبێژە کو ڕۆژنامەگەرییا ئازاد و وێرەک هەڤپارەک کاریگەرە د ئاڤاکرنا حوکمڕانیەکا باش و دادپەروەر دا
پەیاما سەرۆکێ هەرێما کوردستانێ ب هەلکەفتا ڕۆژا ڕۆژنامەگەرییا کوردی
سالڤەگەرا ١٢٨ سالییا دەرکەفتنا ئێکەم ژمارەیا ڕۆژنامەیا (کوردستان) ل سەر دەستێ میر مقداد میدحەت بەدرخان، و سالڤەگەرا ٢٨ سالییا دامەزراندنا سەندیکایا ڕۆژنامەڤانێن کوردستانێ، ب گەرمی ل هەموو ڕۆژنامەڤان و میدیاکارێن کوردستانێ پیرۆز دکم و هیڤییا سەرکەفتنێ بۆ وان دخوازم.
د ڤێ هەلکەفتنێ دا، جارەکا دی ئەم تەئکیدێ ل سەر پابەندبوونا خوە یا نەگوهۆر دکین بۆ پاراستنا ئازادییا ڕۆژنامەگەریێ و دەربڕینا رامانێ، وەک بنەمایەکێ سەرەکی یێ دیمۆکراسیێ و جڤاکەکێ مەدەنی یێ پێشکەفتی.
ئەم دێ د بزاڤێن خوە دا بەردەوام بین بۆ دابینکرنا ژینگەکا مناسب و دوور ژ هەر ئاستەنگیەکێ بۆ کارێ میدیایی، ب ئاوایەکی کو مافێ گەهشتنا ب زانیارییان بهێتە مسۆگەرکرن و پاراستنا پیشەیی بۆ ڕۆژنامەڤانان دابین بکەت.
ڕۆژنامەگەرییا ئازاد و وێرەک، هەڤپارەک کاریگەرە د ئاڤاکرنا حوکمڕانیەکا باش و دادپەروەر دا؛ لەوما ژ ڕۆژنامەڤانان داخواز دکەم کو ب دلسۆزی و ب بلندترین ئاستێ پیشەیی، بەرژەوەندییا گشتی و ئاشتییا جڤاکی بپارێزن. هەروەسا رۆلێ خوە د بجهئینانا چاندا پێکڤەژیانێ، هەڤدووقەبوولکرن و لێبۆردەییێ دا بگێڕن و ڕوحێ وەلاتپارێزیێ و حەزژێکرنا نیشتمانی گەش بکن.
سلاڤ ل بیرانین و گیانێ پاقژێ شەهیدێن قەلەم و ڕۆژنامەگەریێ، و وان هەمی پێشەنگێن کو تەمەنێ خوە بۆ خزمەتا پەیڤا ئازاد تەرخان کری.
نێچیرڤان بارزانی سەرۆکێ هەرێما کوردستانێ
٢٢ی نیسانا ٢٠٢٦
