نێچیرڤان بارزانی سەرۆلێ هەرێما کوردستانێ د پەیامەکێ دا ب هەلکەفتا ٥٢ سالییا سێدارەدانا لەیلا قاسم و هەڤالێن وێ دێژە: لەیلا قاسم، نە تنێ سەمبولەکا نەتەوەیی یە، بەلکو چرایا هوشیاری و پێشەنگییا ژنێن کوردستانێ بوو د خەبات و گیانفیداییێ دا. وێ ب بەرخوەدانا خوە یا بێوێنە د زیندانێ دا و ل بەر خلفا سێدارێ، سەلماند کو ژنا کورد خودان ئیرادەیەکا پۆلایینە و ئامادەیە د پێناڤ ئازادی و ڕوومەتا گەلێ خوە دا، گیانێ خوە بکە قوربانی.
پەیاما سەرۆکێ هەرێما کوردستانێ
ئیرۆ، ئەم ب ڕێز و حورمەت بیرئینانا کچا تێکۆشەرا کورد، شەهید لەیلا قاسم و هەڤالێن وێ دکین، ئەوێن بەری 52 سالان د پێناڤ ئازادی و سەرفەرازییا کوردستانێ دا ڕووبەڕوویێ سێدارێ بووین و هاتینە شەهیدکرن.
لەیلا قاسم، نە تنێ سەمبولەکا نەتەوەیی یە، بەلکو چرایا هوشیاری و پێشەنگییا ژنێن کوردستانێ بوو د خەبات و گیانفیداییێ دا. وێ ب بەرخوەدانا خوە یا بێوێنە د زیندانێ دا و ل بەر خلفا سێدارێ، سەلماند کو ژنا کورد خودان ئیرادەیەکا پۆلایینە و ئامادەیە د پێناڤ ئازادی و ڕوومەتا گەلێ خوە دا، گیانێ خوە بکە قوربانی.
خەباتا لەیلا قاسم، کو بوویە میناکا ڕوومەت و باوەریبخوەبوونێ بۆ هەموو نفشێن پشتی وێ، هەر ژ باژێرێ خانەقینێ هەتا زانکۆیا بەغدایێ و هەتا کێلیا دوماهیێ یێن ژیانا وێ د زیندانێن ڕێژیما بەعس دا، وەک دەرسەکا گیانفیدایی، بەرخوەدان و وەلاتپارێزیێ، هەر و هەر د ویژدانا کورد و کوردستانییان دا ب زیندی دمینە.
د ڤێ بیرئینانا ب ئێش دا، ئەم سەرێ ڕێز و حورمەتێ ل بەر گیانێ پاقژ یێ شەهید لەیلا قاسم و هەڤالێن وێ و هەموو شەهیدێن کوردستانێ دچەمینن و سلاڤان بۆ مالباتێن وان یێن سەربلند دهنێرین.
نێچیرڤان بارزانی
سەرۆکێ هەرێما کوردستانێ
12.05.2026
