دهۆک – راپۆرت:
باژێرێ دهۆکێ ئێك ژ دیارترین و بەرنیاسترین کەسایەتیێن خوە یێن ڕەوشەنبیری ژ دەست دا. پارێزەر، رۆژنامەڤان و نڤییسكار شڤان تۆفیق ل تەمەنێ ٥٧ سالیێ، رۆژا ٢٠٢٦/٨/٢٢ کۆچا داویێ کری و ل گۆرستانا شاخکێ ل دهۆکێ ب ئاخێ هات سپاردن.
ڕەحمەتی شڤان تۆفیق ژ مەها کانوونا دوویێ یا ئەڤ سالە تووشی نەخۆشیەکا گران ببوو. ئەو نێزیکی ١٠ مەهان د بەربەرەکانێیەكا دژوار دا بوو دگەل وێ نەخۆشیێ و بۆ وەرگرتنا چارەسەریا پزیشکی چەندین جاران سەرەدانا نەخۆشخانەیان کربوو، بەلێ ل داویێ ل بەرامبەر نەخۆشیێ سەرێ خۆ دانەئێخست و کۆچا داویێ کر.
ئەو ئەندامەکێ چالاک یێ تایێ دهۆکێ یێ سەندیکایا رۆژنامەڤانێن کوردستانێ بوو. ناڤبری د ژیانا خوە یا پیشەیی دا وەک پارێزەر، رۆژنامەڤان و نڤیسكار رۆلەکێ بەرچاف د بزاڤا ڕەوشەنبیری یا دەڤەرێ دا هەبوو.
یەك ژ بەرهەمێن وی یێن ناڤدار ئەلبۆما “دهۆکا کەڤن” بوو كو، شڤان تۆفیق خزمەتەکا مەزن پێشکێشی مێژوو و ئەرشیفێ باژێرێ دهۆکێ کر ب ڕێیا بەرهەڤکرنا ئەلبۆما خوە یا ناڤدار “وێنەیێن دهۆکا کەڤن”.
ئەڤ بەرهەمە نوکە وەک ژێدەرەکێ گەلەک گرنگ یێ مێژوویی و بەڵگەنامەیی بۆ توێژەر و ئارەزوومەندێن مێژووا دەڤەرێ دهێتە ژمارتن.
هەروەسا یەك ژ بەرهەمێن وی یێن دی سترانا دهۆكیۆ ل بیرا تە” یە كو” تێدا بەحسێ هەموو كەساتییێن ناڤدارێن دێرین و جهێن شوونواری یێن دهۆكێ دكەت
مەراسیما ڤەشارتنا تەرمێ رەحمەتی ل گۆرستانا شاخکێ ل دهۆکێ ب ئامادەبوونا جەماوەرەکێ مەزن بڕێڤە چوو، کو پێکهاتبوون ژ خەڵکێ باژێری، ڕەوشەنبیر، رۆژنامەڤان، نڤیسكار و بەرپرسێن دەزگەهێن کارگێڕی یێن دهۆکێ.
