رۆژا 17/9/2026 پشتی ب داویهاتنا ڕێورهسما ڤهكرنا لۆتكهیا سلێمانیێ یا ئابۆری و ڤهبهرهێنان و گهشهپێدانێ، نێچیرڤان بارزانی، سهرۆكێ ههرێما كوردستانێ، د داخویانیهكێ دا بۆ ڕۆژنامهڤانان، بەحسێ گرنگیا چالاكیێ و ڕهوشا سیاسی یا ناڤخوەیا ههرێما كوردستانێ كر، د بهرسڤا پرسیارێن ڕۆژنامهڤانان ژی دا، ل سهر پرۆسهیا یهكخستن و ڕێكخستنا پێشمهرگهی و پێكانینا كابینهیا نوو یا حكومهتا ههرێما كوردستانێ ڕاوەستیا.
” سەرۆک نێچیرڤان بارزانی گۆت: ئەز گەلەک كێفخۆش بووم ب ڤێ یهكێ كو جارەكا دی ل باژێرێ خۆشڤییێ سلێمانیێ د خزمەتا وه ههموویان دا مە. ژ ڤێرێ ئەز دخوازم ڕێز و حهزژێكرن و سلاڤێن خوە بۆ ههموو سلێمانیێ و ههموو كوردستانیان بنێرم.”
“سەرۆک نێچیرڤان دەربارێ کۆفرەنسێ گۆت: ئەز وهسا هزر دكهم كو كۆنفرانسهكا گەلەک بهرههمدار بیت، كۆنفرانسهكا گرنگه دا كو ئهم هزر د ڤێ یهكێ دا بکەین کا چهوا ههرێما كوردستانێ ببیتە ئهو هەرێم كو ڤهبهرهێنان د ههموو كهرتان دا ل كوردستانێ بێته كرن، ژ ڤێرێ ڤه ب هاریکاریا خـودێ پێنگاڤ بۆ هەموو عێراقێ بێته هاڤێتن.”
“سەرۆک نێچیرڤان گۆت كو نوكه كهشوههوایهكێ باشتر د ناڤبهرا هێزێن سیاسی یێن كوردستانێ دا، د ناڤبهرا یهكێتی و پارتی دا ههیه. هێڤیدارین بگههیتە ئهنجامهكێ باش
