ئێریشێن ل سەر باشوور و پەدەكێ بەردەوامن

بەرپرسێن پەكەكێ و پەرلەمانتەرێن ھەدەپێ ب رێیا سازیێن مەدیایا خوە ب بەردەوامی ئێریشی سەر باشوورێ كوردستانێ، حكوومەتا كوردستانێ و ب تایبەتی ژی ئێریشی سەر پارتیا دەمۆكراتا كوردستانێ (پەدەكێ) و خەتا نەتەوەیی و دەولەتبوونێ دكن.

نھا گەر گەھشتیە پەرلەمانتەرێ ھەدەپێ یێ شەرنەخێ هاسان ئۆزگونه‌ش، ڤان رۆژان وی ژی داخویانیەك دایە ئاژانسا نووچەیان یا پەكەكێ (ئا ئێن ئێف) ێ. هاسان د داخویانیا خوه‌ دا‌ تشته‌ک نوو نابێژه، ھەر گۆتنێن بەرێ یێن كو گەلەك جاران ژ ئالیێ بەرپرسێن پەكەكی ڤە ھاتینە گۆتن دوبارە دكە. ھەر كەسێ ھاسان ئۆزگونەش ناس بكە دزانە كا زانین و كەپاسیتا وی یا سیاسی چەندە نزانە تشتەك نوو بێژە، ب تەنێ ئەو تشتێ ژێرا ھاتیە نڤیسین دخوینە و دوبارە و سێبارە دكە.

هاسان ئۆزگونه‌ش د داخوویانیا خوه‌ دا‌ بەحسا ھەڤبەندیا ناڤبەرا پارتیا دەستھەلاتدار ئاكەپێ و پارتیا نژادپەرست مەھەپێ دكە و دبێژە: “تفاقا ئاکەپ-مەهەپێ ژ خوه‌ ڕا کریه‌ ئارمانج کو هه‌موو هێزێن کورد ئێن ئازادیێ دخوازن ژ هۆلێ ڕاکن و د ڤی واری دا‌ هنده‌ک پارتیێن کورد ئێن به‌رژه‌وه‌ندیپارێز کرینه‌ شریکێ خوه‌. نها ئاکەپ-مەهەپە، پەدەکێ ژ بۆ خوه‌ وه‌که‌ ئامووره‌کێ ب کار تینن. ئاکەپ، پەدەکێ ژ بۆ خوه‌ وه‌که‌ کوردێ باش ب ناڤ کریه‌ و ل گۆری به‌رژه‌وه‌ندیێن خوه‌ ب کار تینه‌. پەدەکێ ژی ب هه‌موو ئاوایی خوه‌ ڕاده‌ستی ئاکەپێ کریه”‌.

ژ به‌ری هه‌ر تشته‌کی ئه‌ڤ گۆتنێن ڤی نه‌جامێری ده‌ره‌ون و ژ ڕاستیێ دوورن. وه‌ک هه‌ر جارێ ئه‌م دبێژن، نه‌ پەدەكێ لێ حوکومه‌تا هه‌رێما کوردستانێ پەیوه‌ندی ل گه‌ل هه‌موو ده‌وله‌تێن جیران هه‌نه‌ و ئه‌ڤ ژ بۆ ھەرێما كوردستانێ پێوستیه‌که‌.

 سیاسەتا پەكەكێ ل باكورێ كوردستانێ تێكچوویە و رۆژ ب رۆژ جەماوەرێ وێ كز دبە و پەرلەمانتەرێین ھەدەپێ ژی چەندەھا سالا ل پەرلەمانتۆیا تركیێ ھەنە لێ  یەك پرۆژەیاسا ژی ژ بۆ پرسا گەلێ كورد ژ بۆ زمانێ كوردی پێشكەش نەكریە . هاسان ئۆزگونه‌ش ب خوه‌ دیلێ چه‌پێ ترکا یێن که‌مالیسته‌. لێ ئه‌و ب خوه‌ نه‌ د وێ زانه‌بوونێ دا‌ یه‌ کا، که‌مالیزم یان ژی چه‌پێن ناسیۆنالستێن ترک چقاس ل سه‌ر سه‌روه‌ریا کوردا خه‌ته‌ره‌. ڤێجا ب زمانه‌ک ئه‌رزان به‌هسا پەدەكێ دکە و ب ڤێ یه‌کێ ژی دژمنه‌تیا خه‌تا نه‌ته‌وی و ده‌وله‌تبوونا کوردا دکن.

هاسان ئۆزگونه‌ش

هاسان ئۆزگونه‌ش د به‌شه‌ک دن یا داخیانیا خوه‌ دا‌ دبێژه كو ل دژی دەولەت-نەتەوەنە و ئەو براتیا گەلان و جمھوریەتا دەمۆكراتیك دپارێزن‌: “په‌رگالا هێزا ئازادیخواز، په‌رگالا ده‌مۆکراتیک مۆده‌رنیته‌، نه‌ته‌وه‌یا ده‌مۆکراتیک و کۆنفه‌ده‌رالیزما ده‌مۆکراتیکه‌. د هه‌مان ده‌مێ دا‌ په‌رگالا گه‌لان، باوه‌ریان، ژنان، جوانان و که‌دکارانه‌. یانی په‌رگالا جڤاکێ یه‌، نه‌ شه‌رخوازه‌ و به‌رۆڤاژی وێ ئاشتیخوازه‌. نه‌ خوینمێژه‌، ژیانه‌ک  ده‌مۆکراتیک دخوازه‌. هه‌روها ب خوەزایێ ڕا‌ دۆسته‌. ژ بەر ڤێ یه‌کێ ژی دژمناتیا ڤێ مۆده‌لێ دکن و ژ ڤێ مۆده‌لێ دترسن…… په‌رگالا وان (مەرەم ژێ پەدەكە) یە، په‌رگالا مۆده‌رنیته‌یا کاپیتالیسته‌ و ل سه‌ر هیمێ نه‌ته‌وه‌-ده‌وله‌تێ ئاڤا دبه‌. نه‌ته‌وه‌ ده‌وله‌تێن هه‌تا ئیرۆ هاتنه‌ ئاڤاکرن ب خوه‌ ڕا‌ گه‌له‌ک شه‌ر و ڕاگه‌شیێن مه‌زن ئانینه‌. چو جاری نکاره‌ چاره‌سه‌ریه‌ک مایینده‌ ببینه‌ و هه‌ر ده‌مێ د ناڤا خوه‌ دا‌ دفه‌تسه”‌.

د ڕاستیا خوه‌ دا‌ گه‌له‌ک زه‌همه‌ته‌ کو مرۆڤ ڤان گۆتنێن هاسان ئۆزگونه‌ش بنرخینه‌. ژ به‌ر کو نه‌ گۆتنێن كەسەك سیاسی و نۆرمالە و ژ هه‌موو نۆرمێن مرۆڤاتیێ دوورن. هاسان ته‌نێ هنده‌ک تشتێن دانین پێشییا وی دخوینه‌. ژ خوه‌ ئه‌و ژ بۆ ڤێ د پەرله‌ما‌نتۆیێ دا‌ یه‌. ئۆزگونه‌ش د پەرله‌مه‌نتۆیا ترکان دا یه‌. نانێ وان دخوه‌ ، ئه‌و ژ بۆ معاشێ دستنه‌ دکاره‌ ئاگر به‌رده‌ هه‌موو کوردستانێ. کورت کورمانجی ئۆزگونه‌ش، وه‌ک چه‌په‌ک نژادپه‌ره‌ستێ ترک ئێریشێ باشوورێ کوردستانێ و پەدەكێ دکه‌. ده‌ما معاشێ وی یێ پەرله‌مه‌نتریێ خلاس ببه‌، هوونێ پرێزا ئۆزگونه‌ش ببینن کا دێ چه‌وا‌ به‌. ب یه‌ک مه‌سه‌له‌یه‌کی مرۆڤ دکاره‌ ڤان گۆتنێن پەرله‌مه‌نته‌رێ ھەدەپێ شرۆڤه‌ بکه‌: گۆتنه‌ک کوردی هه‌یه‌ دبێژه‌ : دێ وه‌ره‌ ڤی که‌ری د ڤی بۆری ڕا‌ ده‌رباس بکه‌

نێرین / شیرۆڤە