ئونەن: ژ بۆ پدک په‌ره‌سترۆیکا و گلاسنۆست لازمه‌

ئەكرەم ئونەن كو دكتورا د وارێ رۆژنامەاڤانیێ دە ھەیە، دھەڤپەیڤینەكە خوە دە دگەل مالپەرا رۆژەڤاكورد دبێژە: دڤێ پدك بچه‌ کۆنگه‌ره‌یه‌ک نه‌ د وه‌خت ده‌ کو پرسێن خوه‌ چاره‌سه‌ر بکن و سیاسه‌تا کادرۆیان د به‌ر چاڤا ره‌ ده‌رباس کن. ئه‌ڤ پرسگرێک ته‌ڤ ژ به‌ر سه‌به‌بێن تێکلیێن کادرۆیێن پارتی ب خه‌لکێ ڕه‌یه‌، پدک دڤێ کادرۆیێن خوه‌ یێن د هه‌موو ستروکتوورێن ده‌وله‌تێ یێن هه‌رێما کوردستانێ د به‌ر چاڤ ره‌ ده‌رباس که‌، ژ کادرۆیێن ئیداری، خزمه‌تکاری، جڤاکی، مه‌دیا، ڕێخستنی بگره‌ هه‌تا کادرۆیێن فکری. ب
کورت کورمانجی ژ بۆ پدک په‌ره‌سترۆیکا و گلاسنۆست لازمه‌.

ئەڤ لژێر ھەموو ھەڤپەیڤین:

پرس: هلبژارتنێن پارله‌مه‌نتۆیا کوردستانێ چێبوون. ئه‌نجامێن هلبژارتنا ئه‌شکه‌ره‌ بوون. ل گۆرا ئه‌نجاما هلبژارتنا هوون ڕه‌وشا سیاسی ل باشوورێ کوردستانێ چه‌وا دنرخینن؟

ئەكرەم ئونەن: هلبژارتنێن هه‌رێما کوردستانێ، د ڕه‌وشه‌که‌ گه‌له‌ک زه‌حمەت ده‌ ده‌رباس بوون، یه‌ک ژێ پشتی بوویه‌رێن که‌رکووکێ ب ساله‌کێ، ناکۆکییێن ناڤبه‌را هێزێن سیاسی ل هه‌رێما کوردستانێ و گوهه‌رتنێن د تێکلییێن هه‌رێما کوردستانێ یێن ناڤنه‌ته‌وی ده‌. ته‌ڤی وێ ژی هلبژارتن بوون. د هلبژارتنا ده‌ ته‌کنیکا ب کارهات ئانین هنه‌ک بو سه‌به‌بێ کێم به‌شدار بوونا خه‌لکێ. (گه‌له‌ک هه‌موه‌لاتی نکاریبوون ۳ دۆکومه‌نتا ب هه‌ڤره‌ ڕێ بدن، ژ به‌ر وێ ژی نەکاری بوون ده‌نگێ خوه‌ بدن) دیاره‌ هلبژارتن ب ئاوایه‌کی شه‌فاف و ده‌مۆکراتیک بوون. هه‌گه‌ر هنده‌ک فه‌ن و فووت بووبن ژی ئه‌و فه‌ن و فووت ته‌ئسیر ل سه‌ر ئه‌نجامێ هلبژارتنا نه‌ کرییه‌. ئه‌نجامێ هلبژارتنا یێن پارتییا گه‌له‌ک بالکێشه‌.

ته‌ڤی کوپارتیا دەموراتا كوردستانێ ( پدک) ب فه‌رقه‌ک پر مه‌زن ڕاقیبێن خوه‌ ل پشت خوه‌ هشت ژی، لێ ئه‌نجامێن پدک ژی هێژا یه‌ پدک ل سه‌ر بفکره‌، گه‌له‌ک پرسێن به‌رسڤان وان زه‌حمه‌ته‌ ژ بۆ پارتی هه‌نه‌. وه‌ک میناک؛ هه‌گه‌ر ئه‌م ئه‌نجامێ سالا ۲۰۱۳ و یێن نوها بدن به‌ر هه‌ڤ، پارتی ل گۆر سالا ۲۰۱۳ کێم ڕای وه‌رگرتنه‌.

د سالا ۲۰۱۳ ده‌ ۷۴۳۹۸۴ هه‌زار ڕای وه‌رگرتن و ۳۸ کورسی ب ده‌ست خستن، د
سالا ۲۰۱۸ ده‌ ۶۸۶۰۷۰ هه‌زار ڕای گرتن و ۴۵ کورسی ب ده‌ست خستن. ته‌ڤی کو ژ سالا ۲۰۱۳ هه‌تا نوها که‌سێ ئه‌مرێ وان گیهایه‌ کو ڕایا ب کار بینن زێده‌ بوویه‌. ب یا من ته‌ڤی پدک ب سه‌رکه‌تییه‌ لێ گه‌له‌ک پرسێن کو کادرۆیێن پدک لازمه‌ به‌رسیڤا وان بدن هه‌یه‌ .
دیاره‌ پارتی لازمه‌ ستروکتورا خوه‌ یا ڕێخستنی، فکری، سیاسی و ب ته‌یبه‌ت یا کادرۆیان د به‌ر چاڤ رە ده‌رباس که‌، ژ به‌ر ئیرۆژ پدک ته‌کانه‌ هێزا سیاسه‌تا مڵی ب هه‌لوه‌سته‌ک نه‌ته‌وی د مه‌شینه‌ و پر ئه‌شکه‌ره‌یه‌ چ ژ ده‌رڤه‌ چ ژی ژ هوندر ئێریشێن مه‌زن ل سه‌ر پدک هه‌نه‌ ئه‌و ژی سەبەبێن ئەساسی ئه‌وه‌ کو ته‌کانه‌ هێزا کو سیاسه‌ته‌ک نه‌ته‌وی مڵی دمه‌شینه‌ ، نابه‌ ئه‌و شاشتییێن مه‌زن بکن، ژ به‌ر شاشیتییێ وان ته‌ئه‌سیرا خوه‌ ل سه‌ر ته‌ڤایا پارچێن کوردستانێ دکه‌.

ب یا من کو لازم به‌ پدک دبێ بچه‌ کۆنگه‌ره‌یه‌ک نه‌ د وه‌خت ده‌ کو پرسێن خوه‌ چاره‌سه‌ر بکن و سیاسه‌تا کادرۆیان د به‌ر چاڤا ره‌ ده‌رباس کن. ئه‌ڤ پرسگرێک ته‌ڤ ژ به‌ر سه‌به‌بێن تێکلیێن کادرۆیێن پارتی ب خه‌لکێ ڕه‌یه‌، پدک دڤێ کادرۆیێن خوه‌ یێن د هه‌موو ستروکتوورێن ده‌وله‌تێ یێن هه‌رێما کوردستانێ د به‌ر چاڤ ره‌ ده‌رباس که‌، ژ کادرۆیێن ئیداری، خزمه‌تکاری، جڤاکی، مه‌دیا، ڕێخستنی بگره‌ هه‌تا کادرۆیێن فکری. ب کورت کورمانجی ژ بۆ پدک په‌ره‌سترۆیکا و گلاسنۆست لازمه‌. ژ ئالیکی دن ڤه‌ د ڕه‌وشه‌ک وه‌ها زه‌حمه‌ت ده‌ چێکرنا هلبژارتنا ب ئاوایه‌کی شه‌فاف ،ئارام و ده‌مۆکراتیک، بێ گومان سه‌رکه‌فتنه‌که‌ حوکومه‌تا هه‌رێما کوردستانێ یه‌.

پرس: ل گۆرا وه‌ گه‌ره‌ک حکومه‌ته‌ک چه‌وا بێ ئاڤاکرن؛ حکومه‌ته‌ک بنگه‌ه به‌رفرە ب لهه‌ڤکرنا هه‌موو ئالیان و کۆمپرۆمیس یان ژی حکومه‌ته‌ک ل گۆر ئه‌نجامێن هلبژارتنان به‌؟

ئەكرەم ئونەن: ب یا من دڤێ حوکومه‌ته‌ک ل سه‌ر ئاساسێ ئه‌نجامێ هلبژارتنا و ته‌کنۆکرات بێ ئاڤاکرن. ژ به‌ر لازمه‌ د ستروکتوورا هه‌رێما کوردستانێ ئا ئیداری، خزمه‌تکاری و سیاسی ده‌ گوهه‌رتن ببه‌. برا حوکومه‌ته‌ک مایۆریته‌ت خورت و ئۆپۆزسیۆنه‌ک خورت هه‌به‌. ب ڤی ئاوایی وێ هه‌ردوو ئالی ژی وێ لێ بخه‌بتن کو کارێن خوه‌ ڕاست بکن، ژ به‌ر، وێ هه‌ڤ کۆنترۆل بکن.

پرس: ل گۆرا دیتنا وه‌ گه‌ره‌ک به‌رنامه‌یا حکومه‌تا نوو ده‌ چ ئارمانجین سه‌ره‌که‌ و له‌زتر هه‌بن ژ بۆ باشترین ڕه‌وشا کوردستانێ.

ئەكرەم ئونەن: ب یا من نوها دڤێ به‌رنامه‌یا حوکومه‌تا نوو ده‌ گوهه‌رتنێن مه‌زن ببه‌، به‌ریا هه‌ر تشتی دڤێ ئەساسێ به‌رنامه‌یا حوکومه‌تا نوه خوه‌شکرنا حالێ خه‌لکێ هه‌رێما کوردستانێ به‌. دڤێ ستروکتووره‌ک نوو وه‌ره‌ ئاڤا کرن کو باژارێن هه‌رێما کوردستانێ بکاربن د خوه‌شکرنا حالێ خه‌لکێ ده‌ ڕه‌قابه‌تێ بکن. وه‌ک مینا بودجه‌یا هه‌موو باژاران شه‌فاف ئه‌شکه‌ره‌ به‌ و به‌رپرسیارییێ د ته‌سه‌رووفا بودجه‌یا باژار بدن ئیدارا باژێر، ئه‌ڤ ژ بۆ حوکومه‌تا هه‌رێما کوردستانێ ژی دبه‌ هێسانی.

وه‌ک میناک کیژان ئیدارا باژێر حالێ خه‌لکێ خوه‌ش بکه‌ و ئه‌و ئیداره‌ د ده‌ست کیژان پارتییێ ده‌به‌ د هلبژارتنا ده‌ خه‌لکێ پشتگری بده‌ وان و کیژان ئیدارا باژاره‌کی گه‌نده‌لی بکه‌ مه‌عاشێ خه‌لکێ نه‌دێ خه‌لک وێ ل دژی وان نه‌رازیبوونا خوه‌ ئه‌شکه‌ره‌ بکه‌ و د هلبژارتنا ده‌ وێ ده‌نگێ خوه‌ بدن ئه‌و پارتییا کو ل باژارێن دن حالێ خه‌لکێ خوه‌ش کرنه‌. د ڤر ده‌ وێ ڕه‌قابه‌ته‌ک د خوه‌شکرنا حالێ خه‌لکێ ده‌ ببه‌. ژ به‌ر نوها ترانسفۆرماسیۆنه‌ک د جڤاتا هه‌رێما کوردستانێ ده‌ چێبوویه‌، کو هه‌ر هه‌موه‌لاتیک ب قاسی به‌رژه‌وه‌ندییێن مڵی به‌رژه‌وه‌ندییێن ئابۆری و خوه‌شکرنا حالێ وی یێ مالباتی ژی هه‌وقاس گرینگه‌.

ب سیسته‌ما که‌ڤن هه‌رێما کوردستانێ هه‌و دکاره‌ پێشده‌ هه‌ره‌. نوها ل هه‌رێما کوردستانێ به‌س ب ڕێیێن ئابۆری و خوه‌شکرنا حالێ هه‌موه‌لاتییان و سیاسه‌ته‌ک مڵی پارتییێن سیاسی دکارن پشتگرییا هه‌موه‌لاتییان بگرن. ژ بۆ ڤێیا ژی کادرۆیێن نوو ژ بۆ سترووکتوورێن هه‌رێما کوردستانێ لازمه‌. ب پاران کادرۆ چێ نابن. لێ کادرۆ دکارن پارا چێکن. کادرۆ که‌سێن زانستی، فه‌ده‌کار، ژ کارێ خوه‌ فام بکه‌، ژ فکرێن نوو ڕه‌ ڤه‌کری و سه‌رده‌می ب فکره‌.

چاڤكانی:مالپەرا رۆژەڤاكورد

نێرین / شیرۆڤە