سه‌رۆک بارزانی دگه‌ل نوونه‌رێن پێکهاته‌یێن پارێزگه‌ها که‌رکووکێ جڤیا

ئیرۆ پێنچشه‌مێ (٢٠٢٣/٩/١٤) ل سه‌لاحه‌دین،  سه‌رۆک مه‌سعود بارزانی پێشوازیا نوونه‌رێن پێکهاته‌یێن جودا یێن پارێزگه‌ها که‌رکووکێ کر.

د جڤینێ دا به‌شداران نێرینێن خوه‌ ده‌ربارێ بوویه‌رێن ڤێ داویێ یێن که‌رکووکێ،  ره‌وشا گشتی یا پارێزگه‌ها که‌رکووکێ و مه‌ترسیێن ل سه‌ر ئارامی و ژیانا هه‌ڤبه‌ش ل پارێزگه‌ها که‌رکووکێ ژ سەرۆک بارزانی را گۆتن.

شەرۆک بارزانی ب هووری گوهداریا دیتن و بۆچوونێن نوونەرێن هەموو پێکهاتەیێن کەرکووکێ کر و د اخاڤتحنا خوە دا  بەهسا بوویەر و  ره‌وشا که‌رکووکێ کر و تەکید ل سه‌ر وێ یه‌کێ کو که‌رکووک باژارێ بهه‌ڤره‌ژیان و براتیێ یه‌ و دڤێ هه‌ر که‌س به‌شداری د برێڤه‌برن و ئاڤاکرنا پاشه‌رۆژا باژێر دا بکه‌.

ئێڤارا رۆژا شه‌میێ ۲ێ ئیلۆنا ۲۰۲۳ێ، هه‌ژماره‌ک جوانێن کورد یێن نشته‌جیێن تاخێن شۆراو و ره‌حیماوا یێن ل که‌رکووکێ ل دژی گرتنا رێیا سه‌ره‌کی یا هه‌ولێر – که‌رکووکێ ژ ئالیێ هنده‌ک عه‌ره‌ب و ترکمه‌نان ڤه‌، خوه‌پێشاند کر د خوه‌پێشاندانێ دا ئالۆزی ده‌رکه‌ت و هێزێن ئه‌وله‌هیێ گوله‌ ره‌شاندن سه‌ر خوه‌پێشانده‌رێن کورد یێن بێ چەک.

ژ به‌ر ره‌شاندنا گوله‌یان ژ ئالیێ هێزێن ئه‌وله‌هیێ ڤه‌ ب سه‌ر خوه‌پێشانده‌ران دا، چار وه‌لاتیێن کورد یێن که‌رکووکێ یێن ب ناڤێن “هاوکار ئه‌بدولا، هه‌ڤال ستار، سه‌مه‌د محه‌مه‌د و حسێن سابر” شه‌هید بوون و نێزیکی ۱٥ که‌سان ژی بریندار بوون.