نه‌خوه‌شیا ده‌روونی یا بافل تاله‌بانی هه‌یه‌

نه‌خوه‌شیا ده‌روونی یا بافل تاله‌بانی هه‌یه‌.

بافل تاله‌بانی نها ژ بۆ کۆنترۆلکرنا کریار، ته‌ڤگه‌ر و ئاخافتنا خوه‌ ده‌رمانێن هێورکرنێ و ئارامیێ دخوه‌. ئه‌و گه‌له‌ک جاران پەنایێ بۆ کحۆل و ده‌رمانان ژی دبە.
ره‌وشا وی یا ده‌روونی گەلەک خه‌رابه‌، ب چاڤێن دژمناتی ل ده‌ردوورا خوه‌ دنێره‌، وه‌همێ سه‌رێ وی گرتیه‌ ژ به‌ر ڤێ یه‌کێ ژی هه‌ر ده‌م وەسا هزر دکه‌ کو ژ کەسێن نێزیکی وی پیلانگێریەکە ژ بۆ ژناڤبرنا وی هەیە، ب شه‌ڤ ب چه‌ک ڤه‌ درازێ ب ئاوایه‌کی ده‌ما دنڤیت ده‌مانجه‌یا وی د بن بالگه‌ها وی دایه‌.

به‌رێ ژی هه‌مان نه‌خوه‌شیا وی هه‌بوو، لێ نه‌ د ره‌وشا نها دا بوو، نه‌مازه‌ پشتی هه‌ولا ژه‌هرکرنا وی ره‌وش وی یا ده‌رونی گه‌له‌ک مه‌ترسیدار بوویه‌ .

یا کو هه‌ری زێده‌ وی عاجز دکه‌ و ده‌روونا وی تێکدده‌ شکه‌ستنێن وی یێن ل هه‌مبه‌ر دژبه‌رێن وی نه‌.
رەڤینا ئه‌ژی ئه‌مین و هندەک به‌رپرسێن ده‌زگه‌ها ئیستخباراتێ/زانیاری بو ‌هەولێرێ، ئاشکەربوونا دۆسیەیێن هه‌ستیار یێن ده‌زگه‌ها زانیابری و ئاشکه‌ره‌کرنا کریارا ته‌رۆریستی یا دژەته‌رۆرێ ل هه‌ولێرێ، ئه‌و گه‌له‌ک ئێشاندیه‌ و ره‌وشا وی یا ده‌روونی بریندار کریه‌.

نها ئه‌و د ره‌وشه‌کێ دایه‌ کو باوه‌ری ب خێزانا خوه‌ ژی نه‌مایه‌ و هه‌تا ژ پیره‌کا خوه‌ ژی دترسه‌

وی زێده‌تر ژ جورەیەکێ نه‌خوه‌شیان هه‌نه‌، د ناڤ وان دا نه‌خوه‌شیا که‌سایه‌تیا پارانۆئید، پسیکۆسۆماتیک، فۆبیا ترسێ، نه‌خوه‌شیا که‌سایه‌تیا ئێریشکار یا پاسیف و هتد.

تشتا هه‌ری باش ژ بۆ وی ئه‌وه‌ کو ئه‌و گه‌له‌ک جاران ئاڤێ ڤه‌خوه‌، دا کو ژ بن وێ زختا ل سەر هەیە ده‌ربکه‌ڤه‌، وه‌رزش ژ بۆ وی پر گرینگه‌، نه‌مازه‌ بازدان. ژ کحۆل، خوارن و ڤه‌خوارنێن شێرین دوور بکه‌ڤە، زوو نڤستن و زوو رابوون ژ بو وی باشە. هه‌گه‌ر باوه‌ریا وی ب خوه‌دێ هه‌به‌، گوهدانا قورانێ هێزه‌کا باش دده‌ وی. دەرباسکرنا وەختێ خوە دگەل کووچک و پشیکان ژ بۆ وی پر گرینگه‌. هلمژینا بێهنا هه‌وایێ نێزیک داران پر ب کێری وی تێ.

ئارمانج ژ ڤان شیرەتان پاراستنا مرۆڤانه‌ ژ رەفتارێن وی، ژ به‌ر کو هه‌ر کریار و ته‌ڤگه‌ره‌کا ژ ڤی که‌سی دەرکەڤە دکاره‌ مه‌ترسیه‌ک جدی ل سه‌ر ژیانا مرۆڤان چێبکه‌، ژ به‌ر کو ره‌وشا ده‌روونی یا وی پر مه‌ترسیداره‌.
هێڤیدارم د ڤێ ده‌مێ دا که‌س وی ره‌خنه‌ نه‌که‌، ئێریشی سه‌ر وی نه‌که‌ و شه‌رێ ده‌روونی پێ را نه‌که‌ ژ به‌ر کو، پێویستیا وی ب ئالیکاریێ هه‌یه‌، مرۆڤ دکاره‌ تشته‌کی بکه‌ کو که‌سایه‌ت و ده‌روونیا وی بگوهه‌ره‌ و باش بکە.

زانکۆ بورهان
26.10.2022
[email protected]

نێرین / شیرۆڤە