جەلالیێ هێژا و بافلێ دەلال
بخوە وانا ژ مێژویا باب و باپیران وەربگرە.
ئەگەر چارسم بەگ جارەکێ بکەڤیتە د ناڤ هەریێ دا، جارەکا خوە ل وێ رێکێ نادە یان ژی دێ خوە ژ وێ رێ ڤەدەت و رێیا خوە گوهریت .
باب و باپیرێن جەنابێ وە، گەلەک رێیێن زراڤ، بڤە، چەپوچیر، درێژ چەوت و شاش گرتنە بەر، خو دایە گەلەک بۆران، هندەک ژ وان کوور و رژد بوون. لێ هەر ڤەگەریان نک لێڤەگەرێ دۆزا کورد.
باب و باپیران، گەلەک هۆزان، گۆتار و هەتا کتێب ژی دژی بزاڤا ئازادیخوازا کوردستانێ و رێبەرێ وێ ژی نڤیسین. گۆڤار و رۆژنامە ل بەغدایێ دەرێخستن، لێ هەر بێ بارندور مان و ڤەگەریان وی جهێ کو پێتڤی نەبوو ژێ جودا ببن.
گەلەک و تەنسیق و مەنسیق ژی دگەل ڤی ئالی و ئالیێ دن کرن، لێ د هەموویان شکەستن خوار، بۆ نەچوونە سەر و ئەنجام تبلێن پەشیمانیێ گەستن.
نە گەرەکە دووبارە جهان و چاخان دووبارە بکەین.
باب و باپیر، پارێزەر بوون. دیرۆکناس، هەلبەستڤان، نڤیسەر، سیاسەتڤان و خودان سەربۆر بوون. لێ ل هەمبەر جەنەرالێ چیان بێ پەر و باڵ بوون.
٣١ێ ئابا ١٩٩٦ ێ، دایکا تە یا دلۆڤان، مێهڤانا سەرێ بڵند بوو.
لێ دیسان ژی، دووماهیا هەمی گەر، گەشت و سەیرانێن وە، ئیزگەهێ دویماهیێ بارزان کاروانسەرایێ وە بوو.
بۆ جەنابێ وە ژی، دوور نەچین، ژ نێزیک راوەستین، پیێن خوە ل سەر ئاخا کوردستانێ، ل پردێ و سەحێلا و مەحمودیێ بچەقینین، بەرەڤ ئاراستێ باشوور راوەستین و ژ لەشکەرێ عیراقا عەرەبی و پاسدارێن قاسم سلێمانی و حزب اللە یا نەسروللای و ب چاڤساخیا وە ژ پێش و پاشیا وان بنێرین، مە دیت تو دگەل دایکا خوە بەرەڤ سەرێ بڵند برێکەتن و لێبوورینا خوە ژ رێبەرێ ریفراندۆمێ خوەستن.
لێ وەسا دیارە، هێژ تو فێرنەبوویی و بێخەبەر ژ هەمیێ دەرچوویی.
نزیکترین و ئێمنترین رێ، وەکی باب و باپیران، هەر بارزان و هەر و هەر بارزانە.
محیەدین ئەحمەد
