نڤیسار

رێڤه‌بری خوه‌دی ل خوه‌ ده‌رکه‌تن و دیپلۆماسی

رێزدار نێچیرڤان بارزانی یێ کو د هه‌می کار و خه‌باتێن خوه‌ دا، د هه‌می دیپلۆماسیا ناڤده‌وله‌تێ دا دخه‌بته‌ کو رۆژه‌کێ به‌ری رۆژه‌کێ سه‌رخوه‌بوونا کوردستانێ راگەهینه‌، هه‌ر د ناڤا هه‌ولدانان دا یه‌.

بووبێ ئه‌سه‌ر

جارنا مرۆڤ پێویستی نابینه‌ کو زێده‌ بنڤیسینه‌. لۆما ل گه‌ل هندەک وێنه‌یان و ب نڤیسه‌که‌ کورت مرۆڤ دگەهیتە ئارمانجا خوه‌. مرۆڤ ب وان دخوازە مه‌ساژا خوه‌ بده‌.

لێ هندەک جاران ژی وه‌ها دبه‌ کو یێن ل هه‌مبه‌ر ته‌ فێمکۆرن، فێمناکن، ژ به‌ر کو سه‌رێ وان ب گه‌له‌ک گۆتن و مه‌سه‌لۆکێن ڤالا هاتنه‌ تژی کرن. له‌ورا دڤێ مرۆڤ ژ بۆنا که‌سێن وه‌ها بنڤیسینه‌ کو ئه‌و ژی راستیێ فێم بکن.

ژ به‌ر ڤێ دبێژم: هه‌تا کو کورد خوه‌ ناس نه‌کن، راستیا خوه‌ و مله‌تێ خوه‌ نه‌بینن. هه‌تا کو فێم نه‌کن کو یێن ژ بۆنا وان و ئازادیا وه‌لاتێ وان، کی ب چ رێ و ئۆلاخان کار دکن، ژ هه‌ڤ ده‌رنه‌خینه‌ زه‌حمته‌ کو ئازادیا خوه‌ و سه‌رخه‌بوونا وه‌لاتێ خوه‌ ژی ببینن.

ئاها بنه‌رن ئه‌ڤە سه‌د سالن هه‌می بارزانی ل گۆر رێبازا بارزانیێ نه‌مر هه‌ر ژ بۆنا ئازادیا گه‌ل و ژ بۆنا سه‌رخوه‌بوونا وی د ناڤا شه‌ر و په‌ڤچوونان ده‌بوو و دایه‌. ب سایا وێ ته‌کۆشینا درێژ، کورد ل باشوورێ کوردستانێ کرنه‌ خوه‌دی پارچه‌یه‌کا ئازاد.

ل سه‌ر وێ پارچا ئازاد، نها دیپلۆماسیه‌کا ناڤنه‌ته‌وه‌یی ددن دا کو کوردان بکن خوه‌دی ده‌وله‌ته‌کا سه‌ربخوه‌. ژ بۆنا وێ ژی بارزانیێن ته‌کۆشەر، ده‌مۆکرات و ئازادیخواز هه‌ر د ناڤا هه‌ولدانان دانه‌. فرسه‌تێن دکه‌ڤن ده‌ستێ وان ژ بۆنا گه‌لێ خوه‌ ب کار تینن.

رێزدار نێچیرڤان بارزانی یێ کو د هه‌می کار و خه‌باتێن خوه‌ دا، د هه‌می دیپلۆماسیا ناڤده‌وله‌تێ دا دخه‌بته‌ کو رۆژه‌کێ به‌ری رۆژه‌کێ سه‌رخوه‌بوونا کوردستانێ راگهەینه‌، هه‌ر د ناڤا هه‌ولدانان دا یه‌.

ژ به‌ر ڤێ یه‌ رێزدار ئه‌و فرسه‌تا کو ل دۆحا پایتەختا قەتەر ژ بۆنا یاریێن فۆتبۆلێ دبوو، ژ ده‌ست به‌رنه‌دا و ژ بۆنا ڤێ موناسه‌به‌تێ چه‌ند رێڤه‌بر، سه‌رۆک و سه‌رۆکوه‌زیران ببینه‌ ئه‌و ژی ل ور بوو. ب چووینا خوه‌ یا ور رێزدار ب هه‌ڤالبه‌ند و رێبه‌رێن جهانێ را روونشت. دیپلۆماسیه‌ک ژ بۆنا کوردان مه‌شاند. گه‌له‌ک هه‌ڤدیتن و دانوسته‌ندنێن هێژا کر.

ژ بۆنا وێ دڤێ کورد ژی ب هه‌می هێز و قوه‌تێن خوه‌، ژ رێزدار را ببن ئالیکار دا کو ئه‌و ژی ب ره‌حه‌تی بکاربه‌ ل سه‌ر ناڤێ گه‌لێ خوه‌ دیپلۆماسیا ناڤنه‌ته‌وه‌یی ل گۆر به‌رژه‌وه‌ندیا گه‌ل و ب ئارمانجا سه‌رخه‌بوونا کوردستانێ بدۆمینه‌.

ئیرۆ ل ڤێ جیهانا ئه‌م ل سه‌ر دژین، هه‌ر تشت ب قوه‌ت و هێزێ، ب زانین و دیپلۆماسیێ، ب هشمەندیێ تێ مه‌شاندن. دڤێ ئه‌م وه‌که‌ کورد شانازی ب ڤێ بکن کو ئه‌م ئیرۆ خوه‌دی سه‌رۆککۆماره‌کی خوه‌ نه‌ کو ئه‌و ب وێ زانین و کانینێ د قادا ناڤنه‌ته‌وه‌یی دا دیپلۆماسیه‌که‌ کوردستانی دمه‌شینه‌.

ئه‌م وه‌که‌ مله‌تێ کورد ب سه‌رۆکۆمارێ باشوورێ کوردستانێ شانازن کو ئه‌و چو جاران فرسه‌تا دکه‌ڤه‌ ده‌ست، به‌رناده‌ و هه‌ر وێ ژ بۆنا گه‌لێ خوه‌ ب کار تینه‌.

چووینا رێزدار یا قەتەر، هه‌ڤدیتنێن وی یا ل ور کو گه‌له‌ک سه‌رۆک، رێڤه‌به‌رێن وه‌لاتان را روونشت، دانوسته‌ندن کر. ڤان هه‌ڤدیتنێن وه‌ها هه‌می ژ بۆنا کوردستانه‌کا ئازاد و سه‌ربخوه‌ یه‌.

ته‌نێ دکارم بێژم: مالا ته‌ ئاڤا بە سه‌رۆکۆمارێ باشوورێ کوردستانێ رێزدار نێچیرڤانێ کورێ ئیدریس بارزانیێ نه‌مر. جانابێ ته‌ ئه‌و په‌روه‌رداهیا کو ژ نه‌مرێ باڤێ خوه‌ گرتیه‌، پێک تینه‌. هه‌ر هه‌ڤدیتنه‌که‌ ته‌، هه‌ر دانووسته‌ندنه‌ک ته‌ یا ناڤنه‌ته‌وه‌یی، گاڤ ب گاڤ سه‌رخوه‌بوونا کوردستانێ نێزیک دکه‌.

ئه‌ز وه‌که‌ ره‌وشه‌نبیره‌کی گه‌لێ خوه‌ یێ باکورێ کوردستانێ سپاسیه‌ک ژ دل ژ جه‌نابێ وه‌ را دکم کو هوون ب شه‌ڤ و رۆژێن خوه‌ بێ وه‌ستان دیپلۆماسیا ناڤنه‌ته‌وه‌یی ژ بۆنا کوردستانه‌که‌ سه‌ربخوه‌ دمه‌شینن.

Back to top button