نێچیرڤان بارزانی، سەرۆکێه هەرێما كوردستانێ رۆژ سێشەمێ ٢٠٢٦/٦/١٦ێ ل باژاراێ هەولیرێ دگەل تۆم باڕاک، نوونەرێ تایبەت یێ دۆنالد تڕەمپ سەرۆکێ ئەمریکایێ بۆ کاروبارێن عیراق و سووریایێ و مەزلووم عەبدی، فەرماندارێ گشتی یێ هێزێن سووریایا دیموکرات (هەسەدە) جڤیا.
د جڤینێ دا، پێشهاتێن داوی یێن سیاسی و ئەولەکاری یێن دەڤەرێ، ڕەوشا سووریایێ و هەڤکاریا کورد و شامێ هاتنە گۆتۆبێژکرن. نوونەرێ تایبەت یێ سەرۆکێ ئەمریکایێ جەخت ل سەر بەردەوامیا پشتگیریا وەلاتێ خوە بۆ پاراستنا ئارامی و ئەولەکاریێ و دیتنا چارەسەریێن گونجاو بۆ کێشەیێن ل سووریایێ کر.
ژ ئالیێ خوە ڤە، سەرۆک نێچیرڤان بارزانی دوپات کر کو گۆفتوگۆ و هەڤتێگەهشتنا د ناڤبەرا ئالیان دا و پاراستنا مافێن کوردان و پێکهاتەیان ل سووریایێ، ڕێیا چارەسەرکرنا کێشەیانە. هەر د ڤی دەربارەی دا، وی هەموو هەڤکاری و پشتگیریا هەرێما کوردستانێ بۆ چارەسەرکرنا کێشەیان و پاراستنا ئاسایش و ئەولەکاریێ نیشان دا.
پێشخستنا هەڤکاری و هەماهەنگیا هەڤپشک ب مهبەسهتا ڕووبەڕووبوونا مەترسیێن تەرۆرێ و دابینکرنا ئاسایش و ئارامیەکا بەردەوام ل دەڤەرێ، د ڤێ جڤینا هەڤبەش یا سێقولی هاتنە نرخاندن.
