پەیاما پیرۆزباهییێ ب هەلکەفتا ١٦ی تەباخێ
ب ناڤێ خودێ مەزن و دلۆڤان
ب هەلکەفتا هاتنا ١٦ی تەباخێ، ٨٠ سالییا دامەزراندنا پێشەنگا بزاڤا رزگاریخوازا گەلێ کوردستانێ، پارتییا دەمۆکراتا کوردستانێ، و هەڤدەمی رۆژبوونا رێبەر و مەرجەعێ کورد سەرۆک مەسعود بارزانی، گەرمترین پیرۆزباهییێن خوە ئاراستەی سەرۆک بارزانی، سەرکردایەتی، کادر، ئەندام، لایەنگرێن پارتی و تەڤایا جەماوەرێ سەربەرزێ کوردستانێ و مالباتێن سەربەرزێن شەهیدان و پێشمەرگەیێن قارەمان دکەم.
دامەزراندنا پارتییا دەمۆکراتا کوردستانێ ل سالا ١٩٤٦ێ ب رێبەرایەتییا بابێ روحی یێ نەتەوا کورد، مستەفا بارزانی یێ نەمر، وەرچەرخانەکا مێژوویی و وەرچەرخانەکا مەزن بوو د خەبات و بزاڤا رزگاریخوازا گەلێ کوردستانێ دا. پارتی هەردەم سەنگەرێ بەرەڤانی و پارێزەرا ناسنامە و مافێن رەوایێن گەلێ مە بوویە، و د هەموو شۆڕش و بەرخوەدانان دا رۆلەکێ ئێکلاکەر بۆ پاراستنا مانا گەلێ کوردستانێ گێڕایە.
ل سەر ڤێ رێبازا پیرۆز، سەرۆک مەسعود بارزانی وەک سیمبولێ خوەڕاگری و سەروەرییا نەتەوەیی، ب شارەزایی و حیکمەتا خوە یا سیاسی، شیایە کەشتییا خەباتا گەلێ مە د دەریایا گۆڕانکارییێن ئاڵۆز دا بەرەڤ کەنارێن سەرکەوتنێ ببەت. رۆلێ سەرۆک بارزانی د نەخشاندنا ئایندەیێ کوردستانێ، بەرگری ژ دەستکەفتێن دەستووری، دروستکرنا ئێکرێزییا نەتەوەیی، و ڕاوەستان ل بەرامبەر گەف و ئالنگارییان دا، نەخشەکێ مێژوویی د بیرۆکی یە د هەستا هەر کوردپەروەرەکی یدا.
د ڤێ هەلکەفتا پیرۆز دا، ئەکید دکەینەوە کو پاراستنا دەستکەفتێن هەرێما کوردستانێ، قەوارەیێ وێ یێ دەستووری، و پەرەپێدانا گیانێ براتی و پێکڤەژیانێ، وەفادارییە بۆ خوینا شەهیدان و رێبازا پیرۆزا پارتی و بارزانی.
هیڤیدارین ئەڤ هەلکەفتە ببێتە مایێ بەردەوامییا ئاڤەدانی، سەقامگیری، و ب دەستڤەئینانا مافێن زێدەتر بۆ گەلێ کوردستانێ، و تەمەن درێژی و ساخلەمییا باش بۆ سەرۆک بارزانی دخوازین دا کو هەردەم وەک مەرجەع و ڕێبەرێ نەتەوەیی بمێنێت.
سەربەرزی بۆ شەهیدێن ڕێکا رزگارییا کوردستانێ
بڵند و سەرفراز بێت ئاڵایا کوردستانێ
مالپەرێ سبەهی
www.sibehi.com
