بوو قوربانێ ئالا تالەبانی و باسكێن ناڤ یەنەكێ

عەبدالجبار مستەفا برایێ عبدالرحمان مستەفا پارێزگارێ كەركووكێ یێ بەرێ د نامەیەكێ دا زەلال دكە كا چما برایێ وی عبدالرحمان مستەفا د پەرلەمانا عیراقێ دا دەنگێن پێویست وەرنەگرتن و د كابینەیا نوو یا حكومەتا عیراقێ دا یا ب سەرۆكاتیا مستەفا كازمی، نەكاری باوەیێ ب دەست بخە و ببە وەزیرێ دادێ.

عەبدالجبار مستەفا د نامەیا خوە دا دبیژە خو برایێ وی ژ ئالیێ بەرھەم سالح سەرۆكۆمارێ عیراقێ ڤە ژ بۆ پۆستا وەزیرێ دادێ ھاتبوو بەربژێر كرن، لێ د ناڤ پەرلەمانا عیراقێ دا ئەو گرۆپ و باسكێن ناڤ یەكێتیا نشتمانیا كوردستانێ (یەنەكە) یێن دژی بەرھەم سالح ب تایبەتی ئالا تالەبانی ل دژی عبدالرحمان مستەفا دەركەت و داخواز ژ پەرلەمەنتەرێن عەرەب كر كو ژ بۆنا وەرگرتنا پۆستا وەزیرێ دادێ دەنگی ب عبدالرحمان مستەفا نەدەن.

عەبدالجبار مستەفا د نامەیا خوە دا كو رۆژا 2020.05.08 ژ رایا گشتی را بەلاڤ كریە، ب دژواری باسكێن ناڤ یەنەكێ، ب تایبەتی یێن دژاتیا بەرھەم سالح دكن، رەخنە دكە و دبێژە كو برایێ وی عەبدولرەحمان مستەفا خوەدی رابردوویەك باقژە و چ دۆسیەیێن گەندەلیێ ل سەر نینن. ئەوی بخوە داخوازا چ پۆستان كەربوو، لێ بەرھم سالح ئەو ژ بۆ پۆستا وەزیرێ دادێ بەربژێر كر بوو، لێ بەلێ چەند دەمژمێرەكا بەری جڤینا پەرلەمانا عیراقێ یا تایبەت ب باوەریدان ب كابینەیا نوو یا حكومەتا عیراقێ، بالێن دژی بەرھەم سالح ل ھەڤ ھاتن كو عەبدولرەحمان مستەفا دوور بێخن و كەسەك دن ژ بۆ پۆستا وەزیرێ دادێ بەربژێر بكن و ب ڤی ئاوایی باوەری ب عەبدولرەحمان مستەفا نەھات دان.

ناڤبووری د نامەیا خوە دا دبێژە كو پەرلەمانتەرا گەلەك دژی عەبدولرەحمان مستەفا راوەستای ئالا تالەبانی بوو و دبێژە كو یەنەكێ ئالا تالەبانی ژ رێزێن خوە دەرێخست بوو و وێ ل سەر لیستا عەرەبان خوە ژ بۆ پەرلامەنێ عیراقێ بەربژێر كر و بوو ئەندام پەرلەمان. وێ ل سەر بانێ مالا خوە ل شوونا سرودا ئەی رەقیب سرودا مەوتنئ بۆ عیراقێ دگۆت و د ھەڤپەیڤینەكا خوە دا گۆتبوو كو ئەسلێ وێ عەرەبە.

عەبدولجەبار مستەفا نامەیا خوە ب ناڤێ”وەزرەتا دادێ ژ بۆ دادپەروەران ل وەلاتێ دادپەروەریێ دا” بەلاب كریە.

نێرین / شیرۆڤە