بەحسا زیانێن شەرێ پەكەكێ ل باشوور دكە

رۆژنامەیا (گاردیان) یا بریتانیایی راپۆرته‌ك ل دۆر زیانێن شه‌رێ په‌كه‌كێ و تركیێ ل ده‌ڤه‌رێن سەر سنوری یێن هه‌رێما كوردستانێ به‌لاڤ دكە..

وێ رۆژنامەیا بریتانیایی د وێ راپۆرتا خوه‌ دا به‌حسا  نه‌هامه‌تیێن خه‌لكێ ده‌ڤه‌رێن سەر سنوری یێن باشوورێ كوردستانێ دكە كو به‌رده‌وام دبنه‌ قوربانیێن شه‌رێ چه‌كدارێن په‌كه‌كێ و له‌شكرێ توركیێ.

چه‌ند كه‌سه‌كان ژ رۆژنامەی ناڤبپریی را  به‌حسا  چیرۆكا ژیانا خوە یا دژوار و جانژده‌ستدانا كه‌سوكارێن وان ژ ئه‌نجامێ شه‌رێ په‌كه‌كێ و له‌شكرێ توركی ل ده‌ڤه‌رێن وان دكن.

ل گۆر وێ رۆژنامەتێ، پشتی ا ئاگربه‌ستا د ناڤبه‌را له‌شكرێ توركیێ و چه‌كدارێن په‌كه‌كێ د سالا 2015ێ ھلوەشیای، هژمارا قوربانیێن مه‌ده‌نی ل ده‌ڤه‌رێن سەر سنوری، ب تایبه‌تی ل سنورێ قه‌زا ئامێدیێ ل پارێزگه‌ها دهۆكێ، زێدە بوویه‌.

 د وێ راپۆرتێ دا، رۆژنامەیێ كوشتنا سێ ھەڤوەلاتی  و پێشمه‌رگێن خانه‌نشین ل دوماهیا سالا 2020 ێ ل سنورێ قه‌زا ئامێدیێ وه‌كو نموونه‌ بەرچاڤ كریە و ئاماژه‌ ب وێ چه‌ندێ كریە  كو خه‌لكه‌كێ زێدە یێ وێ ده‌ڤه‌رێ ژ ترسا شه‌رێ په‌كه‌كێ و له‌شكرێ توركیێ، گوند و جهێن خوه‌ ڤالاكرنە‌ و به‌ر ب ده‌ڤه‌رێن دی ڤە چووینه‌.

رێكخراوا (تیمێن ئاشتپارێز ئێن كریستیانان) ئاشكرا كریه‌ كو، زێده‌تر ژ 400 گوندان ژ ئه‌گه‌رێ شه‌رێ په‌كه‌كێ هاتینه‌ چۆلكرن و زێده‌تر ژ 100 وه‌ولاتیێن مه‌ده‌نی ژی ژ ئه‌نجامێ شه‌رێ په‌كه‌كێ و له‌شكرێ توركیێ   شه‌هید بوونە”.

ئێك ژ وان كه‌سێن ژ بۆ رۆژنامەیا (گاردیان) یا بریتانیایی ئاخڤتی، ناڤێ وی (به‌ختیار) ە، ئه‌و دبێژیە: ژبلی كو په‌كه‌كێ شه‌ر یێ ئینایه‌ ده‌ڤه‌را مه‌، رێ ژی ناده‌‌ خه‌لكی بچنه‌ سه‌ر جهێن خو و كارێن خوه‌ یێن چاندنێ بكن”.

هه‌روه‌سا شڤانه‌كێ په‌زی ب ناڤێ (شێخۆ) ژ بۆ رۆژنامەیا بریتانیایی گۆتیە: هه‌تا نوكه‌ دو شڤان ب ده‌ستێ چه‌كدارێن په‌كه‌كێ یێن هاتینه‌ كوشتن و ئێك ژی یێ كه‌فتیه‌ به‌ر بوردۆمانا فرۆكێن توركیێ”.

ل دووڤ داتایێن رێكخراوا، ئایروارس، ل سالا 2020ێ  نێزیكی 33 وه‌لاتیێن مه‌ده‌نی ل ده‌ڤه‌رێن سەر سنوری یێن هه‌رێما كوردستانێ ژ ئه‌نجامێ شه‌رێ په‌كه‌كێ و له‌شكرێ توركی شه‌هید بووینه‌ و 23 كه‌س ژی بریندار بووینه‌، وێ رێكخراوێ ئاماژه‌ كریه‌ ژی كو ئه‌ڤ هژماره‌ هه‌مبه‌ركرن ل گه‌ل سالا 2019ێ دوجاركی بووینه‌. راپۆرتا رۆژنامەیا بریتانیایی دیاركر ژی كو ئێرشێن په‌كه‌كێ و چالاكیێن له‌شكری د ناڤ ئاخا توركیا و باكوورێ كوردستانێ ل سالا 2020 ب رێژه‌یا 60% یێن كێم بووین و پتریا چالاكی و شه‌رێن خوه‌ ئیناینه‌ ده‌ڤه‌رێن سنووری یێن هه‌رێما كوردستانێ

ئەڤرۆ

نێرین / شیرۆڤە