دادگەھكرنا سەرۆكێ دەمكی یێ پەرلامەنتۆیا كوردستانێ

دادگەھا كارگێری یا ھەولێرێ گلینامەیا فراكسیۆنا  نفشێ نوو یا ل سەر سەرۆكێ دەمكی یێ پەرلامەنتۆیا كوردستانێ رەد دكە.

ۆژا 06.11.2018ێ یەكەم جڤینا پەرلامەنتۆیا كوردستانێ ب سەرۆكاتیا تەمەنترین پەرلامەنتەر كو ئەو ژی رێڤنگ ھرۆری بوو، ژ لیستەیا پارتیا دەمۆكراتا كوردستانێ، دەست ب جڤینا خوە كر بوو و د وێ جڤینێ دا پەرلامەنەتەران سووندا یاسایێ خوار.

ژبەر كو ئالیێن سیایی ل سەر ھلبژارتنا سەرۆكاتیا پەرلامەنتۆیێ نەگەھشت بوون چ رێكەفتنان ، سەرۆكێ پەرلامەنتویێ جڤین ڤەكری ھێلا بوو.


شاسوار عەبدولواحید ل سەر ناڤێ فراكسیۆنا خوە شكایەت ل سەرۆكێ دەمكی یێ پەرلامەنتۆیا كوردستانێ، رێڤنگ ھرۆری قەید كر بوو.
نفشێ نوو دبێژە كو سەرۆكێ پارلامەنتۆیێ كارەك نە یاسایێ كریە و پێدیڤی بوو د یەكم جڤینێ دە سەرۆكاتیا پەرلامەنتۆیێ بھاتا ھلبژارتن

ل گۆر داخویانیەكا رێڤنگ ھرۆی، سەرۆكێ دەمكیێ پەرلامەنتۆیا كوردستانێ، رۆژا 24.12.2018 ێ دادگەھا كارگێریا ھەولێرێ ئەو شكایەت رەد كر.

ھرۆری دبێژە كو فراكسیۆنا نفشێ نوو ب ڤێ گلینامەیێ دخوازە دیار بكە كو ئەو ب تەنێ دلسۆز و وەفادارێن كوردستانێ نە. ئەڤ ھەلووستێ وان زێدەتر ھەلوەستەك سیاسی نە قانوونی یە.

سەرۆكێ دەمكیێ پەرلامەنتۆیا كوردستانێ دبێژە كو ئەو ژی دخوازە ب زووترین دەم ئالیێن سیاسی ل ھەڤ بكن و سەرۆكاتیا پەرلامەنتۆیا كوردستانێ دەست نیشان بكن و حكومەتا كوردساتێ ئاڤابكن. ل گۆر مادەیا 13 ژ یاسایا ئەنجومەنا شۆرا ژمارە 14 یا سالا  2008 ێ دادگەھێ، ژبەر نەبوونا تایبەتمەندیێن قانوونی، گلینامەیا داواكاران رەد كر.

نێرین / شیرۆڤە