زۆحاكێ سەردەم- كۆرۆنا

ل هەمى سالان، ل 21ێ ئادارێ، گەلێ كورد ئاهەنگێن نەورۆزێ و جەژنا نەتەوەيا گەلێ كورد و سەرسالا كوردى ساخ دكە، سەركەفتا كاوەيێ ئاسنگەر بسەر زۆحاكێ خوينمێژ دا ب هەلكرنا ئاگرى و چوونا سەيرانان ب بيردئینن.

ياخويا يە دەمەكە ڤايروسێ كۆرۆنایێ يان ژى (كوڤيد19) جيهان هەمى پێڤە مژوول بوويە و بوويە ئەگەرێ ترس و نەخوشى و مرنا هزاران كەسان ل سەر ئاستێ جيهانێ. هەرێما كوردستانێ ژى بێ پار نەبوويە ژ مێڤانداريا ئەڤى كوژەكى كو نێزيكى 40 كەسان ل هەر سێ پارێزگەهێن (دهوك، هەولێر و سلێمانى) رووبرووبوونا مەرگى دگەل ئەڤى كوژەكى دكەن.

رولێ حكومەتا هەرێما كوردستانێ هەر ژ دەستپێكا پەيدابوونا ئەڤى ڤايروسى پێنگاڤێن هەرە باش هاڤێتنە ژ بو رووبرووبوونا ئەڤى ڤايروسى و هشياركرنا ھەڤوەلاتیان ژ چەوانيا خو پاراستنێ و ئالاڤێن پێدڤى ژ بۆ هەر حالەتەكێ نەخاستى ئامادەكرينە. هەروەسان ل دوماهيك بريارێن حكومەتا هەرێما كوردستانێ قەدەغەيا هاتن و چوونا هەڤوەلاتيان بوويە ل سەر ئاستێ گشت پارێزگەهان ژ بۆ پاراستنا گيانێ هەڤوەلاتيێن هەرێما كوردستانێ، لەوران داخازێ ژ سەرجەم هەڤوەلاتيان دكەم كو ل دەمێ هاتيە دەست نيشانكرن پێگيريێ ب رێنمايێن حكومەتا هەرێما كوردستانێ بكەن، دا كو د زووترين دەم دا سەركەفتنێ بسەر زۆحاكێ سەردەم (كۆرۆنا) يێ بينين و دووبارە ژيان ل ئەڤى وەلاتى بەردەوام بە.

نەورۆزا هەوە پيرۆز بە

ئاشتى فەتحى بێسفكى
2020.03.19

نێرین / شیرۆڤە