سەرەدانا پاپا و نەخشەیێ كوردستانێ تركیا ھەژاند

سه‌ردانا دیرۆكی یا پاپا فرانسیس بۆ باشوورێ کوردستانێ، ئەو پێشوازیا رێكوپێك و مەز ژ بۆ وی ھاتیە كركن، هه‌روه‌ها گۆتنێن ئه‌رێنیێن پاپا د ده‌ربارێ هه‌رێما کوردستانێ دا گۆتن دەولەتێن داگیركەرێن كوردستانێ ب تیابەتی تركیا و ئیران گەلەك تۆرە و ھێرس كرن و ھەما خوێ دخون و ئاڤێ ب سەر دا ناكن.
وه‌زاره‌تا ده‌رڤه‌ یا ترکیێ وپارتیێن سیاسیێن وی وەلاتی، دەستھەلاتدار و ئۆپۆزسیۆن، ‌ د ده‌ربارێ پۆلێ کو وێنه‌یێ پاپا و نەخشەیا کوردستانێ ل سه‌رە، داخویانیێن گەلەك دوو ژ ئەخلاقێ سیاسی ل دژی ھەرێما كوردستانێ دان و ھەرێما كوردستانێ تەھدید كر و داخواز ژ بەرپرسێن باشوورێ كوردستانێ كر كو ھەلوەستێ خوە ل ھەمبەر پۆلێ ھاتیە چێكرن زەلال بكن.

ئەڤ چەند رۆژن ڕۆژه‌ڤا هه‌موو پارتیان ل تركیێ ‌ پرسا پولێ ئه‌ردنیگاریا کوردستانێ ل سه‌رە و ئەو پرس ل پارلامەنتۆیا تركیێ ھات گۆتوبێژ كرن. وه‌ک هه‌ر جار هنده‌ک پارتیان ئه‌ڤ یه‌ک ژ خوە را کرن مزایەدا سیاسی. هه‌موو پارتیان دان خوویاکرن کو، ل باشوور به‌شه‌ک ژ ئاخا ترکیێ‌ وه‌ک کوردستان دایه‌ ناساندن و ئه‌ردنگاریا کوردستانێ دا‌ ھندەك پارێزگەھێن “تركیێ” د ناڤ وی نەخشەیی دا ھەنە‌.

ئه‌ڤ هه‌لوه‌ستا وه‌زه‌ره‌تا ده‌رڤه‌ و هه‌روه‌ها یا پارتیێن سیاسی د پارله‌مه‌نتۆیێ دا‌، نه‌ تشته‌ک نوویه‌ و د ڕاستیا خوه‌ دا‌ نه‌ گه‌له‌ک بالکێشه‌ ژی. ژ به‌ر کو هه‌ر ده‌ما به‌هسا کوردستانێ تێ کرن ئالیێن سیاسی یێن ترکیێ‌ هه‌مان هه‌لوه‌ستی نیشان ددن. پرانیا جاران ژی پرسێن ب ڤی ئاوایی وەك مزایەدا سیاسی ژ بۆ سیاسه‌تا ناڤخوه‌ و وه‌ک بابه‌ته‌ک کو وه‌لاتپارێزیا خوه‌ بدن خوویاکرن بكارتینن.
وه‌زه‌ره‌تا ده‌رڤه‌ یا ترکیێ‌ جاردن داخوویانیه‌ک نه‌ دپلۆماتیک و دوو ژ ئەخلاق و ئێتیكا سیسەتێ دا داكو ئەو ‌ ژی بکه‌ڤه‌ ڕێزا ئالیێن دن یێن سیاسی.

کۆنسولوسخانه‌یا ترکیێ ل هه‌ولێرێ هه‌یه‌ و ڕۆژانه‌ ئه‌ردنگاریا کوردستانێ دبینە، لێ وه‌ک کو، ئه‌ڤ جارا یه‌که‌مه‌ کو ئه‌ڤ یه‌ک هاتی ڕۆژه‌ڤه‌ نرخاندنا دکه‌ و داخوویانیا ڕادگەهینه‌.

ترکیە‌ و ئالیێن سیاسی بلا بێخن د مه‌ژیێ خوه‌ دا‌ کو، به‌شه‌ک ژ ئاخا کوردستانێ ژ ئالیێ‌ ترکیێ ڤه‌ هاتیه‌ داگیرکرن و ئه‌و ویلایه‌تێن ئه‌و بەحس دكن کوردستانه‌. لێ چو جارا ئالیێن سیاسی ل ترکیێ‌ ناخوازن ڤێ ڕاستیێ ببینن. د پارله‌مه‌نتۆیێ دا‌ هه‌موو پارتیێن سیاسی به‌حسا ڤێ یه‌که‌ کرن و ل دژێ ده‌ستهلاتداریا باشوورێ کوردستانێ گۆتنێن توند گۆتن.

مخابن د پارله‌مه‌نتۆیا تركیێ دا ئالیه‌ک یان ژی که‌سه‌ک نه‌بوو کو به‌رسڤا گۆتنێن پارتیێن سیاسی یێن نژادپه‌رستێن ترك بدن. که‌سه‌ک نه‌بوو کو بێ‌ژه‌ ئه‌و ده‌ڤه‌ر کوردستانه‌ و چو تشته‌ک عه‌جێب نه‌هاتیه‌ کرن. که‌سه‌ک نه‌بوو ڤێ ڕاستیا دیرۆکێ ل ڕوویێ نژادپه‌ره‌ستێن ترک بده‌. که‌سه‌ک نه‌بوو ببه‌ به‌رسڤه‌ک ژ هه‌ستێن مله‌تێ کورد ڕه‌.
مخابن هەدەپێ سه‌رێ خوه‌ ته‌واند/چەماند و ده‌نگ ژێ دەرنەكەت. لێ ده‌ما به‌حسا هنده‌ک پرسان کو چو پەیوه‌ندیا وان ب کوردستانێ ڕا نینە، هەدەپێ شۆڤا سیاسی دکه‌. لێ ده‌ما پرس کوردستان به‌ ، هەدەپە کور، که‌ر و لاله‌. ب ناڤێ کوردان ھەبوونا وان د پارله‌مه‌نتویا ترکیێ دا‌ بێ واته‌یه‌ و ژ خوسارێ پێڤه‌ تشته‌کێ دن ژ بۆ کوردان ناکن.

مخابن هه‌تا ڤێ گاڤێ ده‌نگ ژ پارتیێن کورد ل باکورێ کوردستانێ ژی ده‌رنه‌که‌تیه‌. هێڤی ئه‌وه‌ کو د ده‌مه‌ک گەلەك نێزیك دا‌ هنده‌ک ئالی د ڤێ ده‌ربارێ دا‌ دو گۆتنان بێژن و بدن خوویاکرن کو ڕاستیا ئه‌ردنیگاریا کوردستانێ هه‌یه‌ و ئالیێن سیاسی ل ترکیێ د ڤێ ده‌ربارێ دا نژادپه‌رسه‌تیێ دکن.

د ڕاستیا خوه‌ دا ده‌ما مرۆڤ به‌حسا ئالۆزبوونا هه‌ستێن نه‌ته‌وی ل باکورێ کوردستانێ دکه‌، د بوویه‌رێن ب ڤی ئاوایی دا دیار دبە، کورد ل خوه‌ و درۆکا خوه‌ وەكە پێوست خوه‌دی ده‌رناکه‌ڤن. ده‌ما پێوست ب دو ڕێزان نڤیساندن یان ژی ب داخوویانیه‌کێ به‌رسڤا نژادپه‌ره‌ستێن ترک نادن.

ئالیێن سیاسی ل ترکیێ‌ ته‌ڤی حوکومه‌تێ و ده‌ستهلاتا خوه‌ ب هه‌ڤره‌ ل هەمبه‌ر خه‌تا نه‌ته‌وییا کوردستانێ ڤه‌ره‌شییان و نژادپه‌رستیا خوه‌ دوپات کرن. لێ دێ ڕۆژه‌ک ژ ڕۆژا ل هەمبه‌ر ڕاستیا هه‌یی بێ حه‌مدێ خوه‌ سه‌ره‌ خوه‌ چەمینن.

2021.03.12

نێرین / شیرۆڤە