مه‌ترسیه‌کا جدی ل سه‌ر ڕۆژاڤایێ کوردستانێ هه‌یه‌

ئه‌ندامێ نوونه‌راتیا ئه‌نەکسێ ل هه‌رێما کوردستانێ، نه‌واف حه‌سه‌ن، دبێژه‌: هه‌تا پەكەکە ل ڕۆژاڤایێ کوردستانێ ھەبه‌ ئه‌م ئارامیێ نابینن و دێ ترکیا  ل سه‌ر گه‌فێن خوه‌به‌رده‌وام به‌. ئه‌م ب ڕێیا وه‌لاتێن جیهانێ هه‌ول ددن کو خه‌لکێ ڕۆژاڤایێ کوردستانێ نه‌بە قوربانێ سیاسه‌تا پەیەدێ و پەکەکێ.

نه‌واف حه‌سه‌ن د داخویانیەكێ دا دبێژە كو، هه‌ر کاره‌ک ل هه‌مبه‌ری سوریێ و ڕۆژاڤایێ کوردستانێ بھێت کرن، دێ ب ڕازیبوونا جڤاکا ناڤده‌وله‌تی و ترکیێ به‌، له‌وما نها به‌حسا وێ یه‌کێ تێ کرن کو ھێزێن  ڕژێما سوریێ جهێ لەشكەرێ  ئه‌مریکا بگره‌ ل سووریێ و پێوه‌ندیا ترکیێ ژی زێده‌تر ب سینۆرێ وێ هه‌یه‌ کو ئه‌و ژی ڕۆژاڤایێ کوردستانێ یه‌، له‌وما ژی گه‌فێن ترکیێ پر جددی نه‌ ژ به‌ر کو هه‌تا شوونوارێن پەکەکێ ل ڕۆژاڤایێ کوردستانێ هه‌بن دێ ترکیا به‌رده‌وام به‌ ل سه‌ر گه‌ف و ئێریشێن خوه‌،  پێویسته‌ پەیەدە خوه‌ بکه‌ حزبه‌کا ڕۆژاڤایێ کوردستانێ و خوه‌ ژ پەکەکێ دوور بکه‌ و ڕێکه‌فتنێ دگەل پارتیێن ڕۆژاڤایێ کوردستانێ و ئه‌نەکەسێ بکه‌، دا کو جڤاکا ناڤده‌وله‌تی ترکیێ ڕازی بکه‌ کو ئێریش نه‌که‌ سه‌ر ڕۆژاڤایێ کوردستانێ، ژ به‌ر کو ئه‌گه‌ر ڕه‌وش وسا بمینه‌ پر زه‌حمه‌ته‌ کو ترکیا ژ گه‌فێن خوه‌ پاشڤه‌کشه‌.

ناڤبۆری دبێژە كو مه‌ترسیه‌که‌ جددی ل سه‌ر ڕۆژاڤایێ کوردستانێ هه‌یه‌، له‌وما ژی ئه‌نەکەسە دگه‌ل وه‌لاتێن ناڤچه‌یێ و وه‌لاتێن مه‌زن هه‌ول ددە کو خه‌لکێ ڕۆژاڤایێ کوردستانێ نه‌بە قوربان و مه‌رتال ژ پەکەکێ و پەیەدێ ڕه‌، له‌وما ژی به‌ریا چه‌ند ڕۆژان شانده‌کا ئەنەكسێ سه‌ردانا ڕووسیا کر و شانده‌ک ژی ل عه‌ره‌بستانا سعودیێ بوو، ژ بۆ کو خه‌لکێ رۆژاڤا نەنە قوربان و ب ڕێیا دیپلۆماتیک ئه‌و پرس چاره‌سه‌ر ببه‌.”

ل گۆرنەواف حەسەن،  پێویسته‌ هه‌موو ئالی گوڤاشێ ل پەیەدێ بکن ژ بۆ کو ل خوه‌ ڤه‌گه‌ره‌ و ئێدی خه‌لکێ ڕۆژاڤایێ کوردستانێ نه‌بە قوربانێ سیاسه‌تا وان

نێرین / شیرۆڤە