نێچیرڤان بارزانی چ ژسەرۆكێ فرانسایێ رە گۆت

نێچیرڤان بارزانی سه‌رۆک وه‌زیرێ کوردستان و ئه‌مانوه‌ل ماكرۆن سه‌رۆکێ فرانسایێ د په‌یوه‌ندیه‌که‌ ته‌له‌فۆنی ده‌ ڕه‌وشا سیاسی و پێکانینا حکوومه‌تا نوو یا عیراقێ گۆتووبێژ دکن.

سه‌رۆک وه‌زیرێ کوردستانێ نێچیرڤان بارزانی و سه‌رۆکێ فرانسایێ ئه‌مانوه‌ل ماكرۆن، ڕۆژا شه‌میی 20.10.2018، ب ته‌له‌فۆنێ په‌یوه‌ندی ب هه‌ڤ ڕه‌ کر و پێشهاتێن داویێ یێن پرۆسه‌سا سیاسی و خه‌باتێن پێکانینا کابینه‌یا نوو یا حکوومه‌تا عیراقێ نرخاند و سه‌رۆک ماكرۆن ته‌کید ل سه‌ر پێویستیا به‌شداریا هه‌موو ئالیێن عیراقی و ب تایبه‌تی ئالیێن کوردستانی د پرۆسه‌سا سیاسی و ئاڤاکرنا حکوومه‌تا نوو یا عیراقێ ده‌ کر.

نێچیرڤان بارزانی سپسیا سه‌رۆک ماكرۆن کر کو هه‌رتم گرگنیێ و پشتگریا هه‌رێما کوردستان و عیراقێ دکه‌ و ته‌کید ل سه‌ر وێ یه‌کێ کر کو هه‌رێما کوردستانێ د پرۆسه‌سا سیاسی و ئاڤاکرنا حکوومه‌تا نوو یا عیراقێ ده‌ به‌شدار دبه‌. سه‌رۆک وه‌زیر بارزانی هێڤی کر کو تێکه‌لیێن کوردستان و فرانسایێ د هه‌موو واران ده‌ به‌رده‌وام بن.

سه‌رۆکوه‌زیر نێچیرڤان بارزانی، هه‌روه‌سا، سپاسیا سه‌رۆک ماكرۆن کر کو پشتی بوویه‌رێن ئۆکتۆبه‌را سالا بۆری د ئارامکرنا ڕه‌وشێ وێ ده‌مێ، ده‌ستپێکرنا دیالۆگا ناڤبه‌را هه‌ولێر و به‌غدایێ، چاره‌سه‌رکرنا پرسگرێکان و شکاندنا ئامبارگۆیا ل سه‌ر هه‌رێما کوردستانێ، ڕۆله‌که‌ مه‌زن هه‌بوو.

پشتی ڕه‌فه‌ره‌ندۆما سه‌رخوه‌بوونا کوردستانێ کو ڕۆژا 25.09.2018 ل باشوورێ کوردسانی ب سه‌رکه‌فتی هاتی ئه‌نجام دان و نێزیکی ۹۳% ژ خه‌لکێ باشوور ده‌نگ ژ بۆنا سه‌رخوه‌بوونێ دایی، پشتی وێ ب چه‌ند ڕۆژان، ئانگۆ د 16 ئۆکتۆبه‌را سالی بۆری ده‌، ئارته‌شا عیراقێ، حه‌شدا شەعبی، پاسدارێن ئیرانێ ب هه‌ڤکاری و هه‌ڤاهه‌نگی دگه‌ل بااسکه‌کێ ناڤا یه‌کێتیا نشتمانیا کوردستانێ (ینک) ئێریشی سه‌ر کوردستانێ کر و که‌رکووک و به‌شه‌ک ژ ده‌ڤه‌رێن ب ناڤێ ماده‌یا 140ێ تێن بناڤ کرن داگیر کرن و ئامبارگۆ خسته‌ سه‌ر هه‌رێما کوردستانێ، ب تیابه‌تی داخستنا باله‌فرخانه‌یێن هه‌رێما کوردستانێ.

د ڤێ ناڤبه‌رێ ده‌ چاند پارتیێن کوردستانێ پرۆژه‌یێ ئاڤاکرنا حکوومه‌تا (ئینقاز وه‌ته‌نی) پێشکه‌ش کر و خوه‌ستن حکوومه‌تا هه‌رێما کوردستانێ کو شه‌رعیه‌تا خوه‌ ژ پارلامه‌نتۆیا کوردستانێ وەگرتیە ژ هۆلهێ ڕاکن.

ئها د ڤێ ناڤبه‌رێ ده‌ و د ڤێ ڕه‌وشا دژوار ده‌، سه‌رۆکێ فرانسایێ ئه‌مانوه‌ل ماکرۆن، د داخوه‌نیه‌کێ ده‌ گۆت کو ئه‌و پشتگریا حکوومه‌ته‌که‌ بهێز ل کوردستانێ ب سه‌رۆکاتیا سه‌رۆک وه‌زیر نێچیرڤان بارزانی و جیگرێ وی قوباد تاله‌بانی دکن و هه‌ر دو، بارزانی و تاله‌بانی ژ بۆ پاریسێ ڤه‌خواندن و ئه‌ڤ بوو سه‌ده‌م کو عیراق ده‌ست ب دایلۆگێ بکه‌ و پرۆژه‌یێ ئیسلامیان و ته‌ڤگه‌را گۆرانێ و به‌رهه‌م سالح یێ ئاڤاکرنا حکوومه‌تا ئینقاز وه‌ته‌نێ ژی به‌رھاڤێتی بوو.

نێرین / شیرۆڤە