هەولێن گوهەرتنا ناسنامەیا نەتەوی یا ئێزدیان
چهند پەرلەمهنتهرێن ئیراقی ژ بۆ گوههرتنا ناسنامهیا نهتهوهیی یا ئێزدیان ژ کورد بۆ عهرهب ل پەرلەمهنتۆیا ئیراقێ ئیمزهیان کۆم دکن و پارێزگارێ دهۆکێ ژی چهند بهلگهیان پێشکێش دکه.
پارێزگارێ دهۆکێ، عهلی تەتەر، ئیرۆ ئینێ ل سهر حهسابا خوه یا فێسبۆکێ گۆت: “خوشک و برایێن ئێزدی، هەرگاڤ پیلانێن فەرمانا ژلایێ دوژمنان ل سەر هەوە هەنە، گومان تێدا نینە هوین تەسلیمی فەرمانا ۷٥ یا عەرەبێن شوڤینیست و کوردێن خۆفروش نابن.” کو ل پەرلەمهنتۆیا ئیراقی ل دژی وه دکن.
پارێزگارێ دوهۆکێ چهند بهلگه و دەکۆمەنتان بهلاڤ دکە کو ئیسپات دکن ناسنامهیا نهتهوی یا ئێزدیان کوردی یه.
چهند پەرلەمهنتهرێن ئیراقی سهر ب گرووپێن ملیسێن ئیراقی ئیمزا کۆم دکن ژ بۆنا کو ناسنامهیا نەتەوی یا ئێزدیان ژ کورد بۆ ئهرهب ب یاسا ل پەرلەمهنتۆیا ئیراقێ بگوهەرن. پێکهاتەیا ئێزدی ب ڤان هەولێن وان پەرلەمەنیەرێن عەرەبێن رەگەزپەرێز و توندرەو گەلەک دحلگرانن و ئەو د وێ باوەریێ دا نە کو ههولا گوههرتنا ناسنامهیا وان یا نەتەوی بۆ تهمامکرنا کریارێن تاوانکار یێن داعشێ ل دژی ئێزدیانه.
۱۸۲ پەرلهمهنتهرێن ئیراقێ ئیمزا کۆم کرنە و داخواز ژ سهرۆکاتیا پەرلهمهنتۆیێ کرن کو پرۆژهیاسایهک دهربارێ نهتهوا ئێزدیان دا ئاماده بکه، داخوازنامه ژ ئالیێ پەرلهمهنتهرێ شیعه یێ نەینەوا، نائیف خهلهف سیدۆ، ڤه هاتیه پێشکێشکرن. لێ کهسایهتێن کوردێن ئێزدی ل دژی ڤێ ههولدانێ نه.
