کورد و سیاسه‌ت

کورد ژ ڕۆژا وه‌لاتێ وان پارچه‌ بوویه‌ و هه‌تا ئیرۆ ژ بۆنا ڤەگەراندنا ئازادیا خوە خەباتێ دكە و لبەرخوە ددە. ژ بۆنا بدەسخستنا ئازادیێ ژی كوردان پارتی و رێكخستنێن خوە یێن سیاسی دامەزراندن دەست ب كارێ سیاسی كرن، هه‌لبه‌ت ئه‌ڤ باش بوو.

ب واتەیەكا دن، کوردان ئێدی کارێن خوه‌، ده‌رد و ئێشێن خوه‌، چاند و هونه‌را خوە دخوه‌ستن ب ڕێیێن سیاسی چاره‌سه‌ر بکن. ژ به‌ر ڤێ ژی هه‌ر ڕۆژ، هه‌ر ده‌م خوه‌ د ڤی واری دا‌ پتر زانه‌ دکرن و پرتووکێن د ڤێ ده‌رباره‌یێ د‌ا زێده‌ دخوه‌ندن و دنڤیساندن.
ژ به‌ر ڤێ ژی کورد ب ته‌نێ بوونه‌ سیاسی، یێن زانه‌ و تێگەھشتی به‌رێ خوه‌ دانه‌ سیاسه‌تێ و که‌تن ناڤا وێ دا کو وه‌لاتێ خوه‌ یێ کۆلۆنی ئازاد و سه‌ربخوه‌ بکن. ئێدە كاركەر، گوندی خوەندەڤان ،،،ھتد و ھەم یێ پیچەك زانا بو بوونە سیاسی كوتنو ناڤ كارو خەباتێن سیاسی.

ئه‌ڤ ئێدی بوو کولتوره‌ک و جھێ خوە د ناڤ كوردان دە جێكر. هه‌لبه‌ت ژ بۆنا وه‌لاته‌کێ کۆلۆنی وه‌که‌ کوردستانێ سیاسه‌ت پێدڤیە. لێ هاته‌ ژ بیر کرن کو پێشكەتن و خه‌ملا وه‌لاته‌کی نه‌ ب ته‌نێ ئه‌ڤه‌، نە ب تەنێ كارێ سیاسی یە.

سیاسه‌ت ژ بۆنا ئازادی و سه‌رخوه‌بوونا وه‌لات تێ کرن. لێ د گه‌ل وێ، دڤێ تو چاندا خوه‌، فۆلكلۆرا خوه‌، زارگۆتانا خوه‌، دیرۆک و ئه‌ده‌بیاتا خوه‌ ژی باش فێر ببه‌ و وێ ژی ب کار بینه‌ دا کو ئه‌و سیاسه‌ت بێ خوێ نه‌به‌.

ئاها مه‌ كوردان ل ڤێرە ‌ کێماسی کر و ئێدی ئه‌م ھینگی بوونه‌ سیاسی مه‌ کارێن دن ژ بیر کر. مه‌ ده‌ست نه‌ئاڤێت قه‌له‌می دا کو هه‌لبه‌ستان بڤەھینن، ڕۆمانا بافرینن، سه‌رپێهاتیێن خوه‌ و گه‌لێ خوه‌ بنڤیسن.
بوویه‌رێن هاتنه‌ سه‌رێ گه‌لێ مه‌ ب ڕۆمان، ب شانۆ، ب فلمێ سینه‌مایێ، د جڤین و کۆنفه‌رانساندا وان ژ ڕایا گشتی یا جیهانێ ڕه‌ بنڤیسین‌ و بێژین.
هینگێ ئه‌م بوونە سیاسی ئێدی قه‌له‌مێ مه‌ ژی ته‌نێ سیاسی دنڤیسی. لێ ئەگەر ده‌ره‌نگ بە ژی‌، ئه‌م وه‌که‌ کورد مە پیچەكێ ئاگەھ ژ خوە ھەبوو و ئەم ل خوە ڤەگەریانە.

ژ به‌ر کو نها گەنج و جوانان ده‌ست ب نڤیسینا شانۆ، ڕۆمان، سه‌رپێهات، چیرۆک و …ھتد کرنە و ئەگەر ئه‌ڤ ب ده‌ره‌نگی ژی به‌ لێ تشتەك باشه‌، خه‌باته‌کا‌ هێژا و پیرۆزه‌.
دڤێ ئه‌م ژ بیر نه‌کن کو وه‌لاته‌ک و خه‌لکێ وی وه‌لاتی ب چاندا خوه‌، ب خوه‌، ب گۆتنێن پێشیێن خوه‌ هه‌نه‌. هه‌گه‌ر د ناڤا مله‌ته‌کی دا ئەڤە بھێنە ژ بیر کرن، ئێدی ئه‌و مله‌ت، ئه‌و گه‌ل نابه‌.

هه‌گه‌ر مه‌ وه‌که‌ کورد هه‌تا نها ئازادیا خوه‌ ب ده‌ستنه‌خستبه‌، وه‌لاتێ خوه‌ ئازاد نه‌کربه‌ و ده‌وله‌تا خوه‌ ڕانه‌گەهاندبه‌، هوون باوه‌ر بکن، سه‌ده‌مه‌ک ژێ ژی ژ به‌ر ڤێ یه‌.
هه‌گه‌ر ته‌ دیرۆکا خوە ب ده‌ستێ خوه‌ نه‌نڤیسی و ناس نه‌کر، هه‌گه‌ر ته‌ چاندا خوه‌ نه‌گەھاندە نفشێ پشت خوه‌، هه‌گه‌ر ته‌ باشی، قه‌نجی و کێمانیێن خوه‌ نه‌دا نفشێ پشت خوه‌‌، ما ئه‌و دێ ل سه‌ر چ ئاساسی مه‌زن ببن؟

ژ بۆنا تێکۆشینه‌کا ڕاست و دوروست بێ كرن، ژ بۆنا تو بکاربی وه‌لاتێ خوه‌ بگەھینیە سه‌رخوه‌بوونا وی، دڤێ تو بنڤیسینی‌ دا کو یێن دن ژ وان نڤیسینان ده‌رسان وەربگرن و ل گۆر کێماسی و هێژاییێن باڤ و کالێن خوه‌ بکاربن ته‌ڤبگه‌رن.

ژ بۆنا ڤێ ژی دڤێ ئێدی ئه‌م کورد ل سه‌ر ڤێ یه‌کێ ڕاوه‌ستن. بنڤیسینن دا کو ئه‌م بکاربن ل پشت خوه‌ دیرۆکه‌ک نڤیساندی، چاند و کولتوره‌کا‌ تژی زانین ژ بۆنا زارۆک و نه‌ڤیێن خوه‌ بئافرینن دا کو ئه‌و ژی وه‌که‌ مه‌ ژ چاند و دیرۆکا خوه‌ بێ پار نه‌مینن.

دڤێ سیاسه‌تێ ژ که‌سێن د ڤی کاری دا‌ زانانە، ژێهاتینە و سه‌رده‌ستن بھێلن. وه‌کی دن ئه‌م ل خوه‌ ل زمانێ خوه‌، ل عاده‌ت و تۆره‌یێن خوه‌ خوه‌دی ده‌رکه‌ڤن ئه‌و ژی ب نڤیساندنێ دبه‌.
د ڕه‌وشا نها دا هه‌ما بێژن، ژ سه‌دێ نۆدووپێنجێ نڤیسکارێن مه‌، ئه‌ز ژی د ناڤ دا‌، سیاسی دنڤیسینن. ب ڤێ ژی ئه‌م چاندا خوه‌ باش فێر نابن و ل پشت خوه‌ پرێزه‌یه‌ک باش ناهێلن.

ئارمانج و داخوازا من ئه‌وه‌ کو ئێدی ئه‌م ل خوه‌ ڤه‌گه‌رن و ده‌ست ب نڤیساندنا، شانۆیا خوه‌، ڕۆمانا خوه‌، هه‌لبه‌ستێن خوه‌ بکن دا کو چاندا خوه‌ ده‌وله‌مه‌ندتر بکن. دیرۆکا خوه‌ ب ده‌ستێ خوه‌ بنڤیسین دا کو نه‌ڤیێن مه‌ ژی وه‌که‌ مه‌ ژ دیرۆکا خوه‌ یا ڕاست بێ پار نه‌مینن….

بووبێ ئه‌سه‌ر
2020.04.30

نێرین / شیرۆڤە